Rusiyada günəbaxan yağının kəskin bahalaşacağı gözlənilir

15:36 08-09-2020 | icon 78 | İqtisadiyyat
Rusiyada günəbaxan yağının kəskin bahalaşacağı gözlənilir

Rusiyada günəbaxan yağı və tumlarının zəif məhsuldarlıq səbəbindən 20% bahalaşacağı gözlənilir.

 

Versus.az  xəbər verir ki, görə, bu barədə aqrar bazarların tədqiqatı ilə məşğul olan "SovEkon" şirkətinin analitiklərinin hazırladığı icmalda deyilir.

 

Qeyd olunub ki, bahar və yay mövsümlərinin quraq keçməsi səbəbindən məhsuldarlıq azalıb – fermerlər günəbaxan toxumlarını əkdiklərindən 20-25% az toplayırlar. Əksər bölgələrdə biçin artıq başa çatıb. Ötən həftənin sonuna Rusiyada hər hektardan 1,6 ton məhsuldarlıq olmaqla 0,6 mln. hektar günəbaxan biçilib ki, bu da ötən ilə nisbətən 28% azdır. Nəticədə, 2020-ci ildə günəbaxan məhsulu təxminən 23% azalacaq və Rusiya üzrə ümumi məhsul yığımı təxminən 12 mln. ton olacaq.

"Yaxın gələcəkdə Rusiyada günəbaxan qiymətləri kəskin artmağa başlayacaq", - icmalda deyilir.

Ötən həftənin yekununda Rusiya bazarında 1 ton günəbaxanın orta qiyməti ƏDV xaric 22,575 rubl (297 dollar) təşkil edib. Şirkətin mütəxəssisləri yaxın gələcəkdə ən azı 20%-lik bahalaşmanın olacağını gözləyirlər.

Qeyd edək ki, 2019-cu ildə Rusiya rekord həcmdə – 2,2 mlrd. dollar dəyərində 3,1 mln. ton günəbaxan yağı ixrac edib. 2020-ci ilin yanvar-iyul aylarında ölkədə 3,6 mln. ton günəbaxan yağı istehsal olunub ki, bunun da 2,3 mln. tonu ixraca yönəlib (ötən ilin eyni dövrünə nisbətən 35,3% çox).

Xatırladaq ki, bu ilin yanvar-iyun aylarında Azərbaycan Rusiyadan dəyəri 19,5 mln. dollara yaxın 25,7 tondan çox günəbaxan yağı idxal edib. Ötən ilin eyni dövrü ilə müqayisədə bu göstəricilər müvafiq olaraq 14,7% və 21,1% azalıb.

 

Versus.az

Xəbər lenti

InvestAZ

Ən çox oxunan xəbərlər

"Bilik günü" ilə bağlı Nazirlikdən AÇIQLAMA

Livanlı ermənilər Şuşaya və digər işğal olunmuş ərazilərə yerləşdirilir

Milli Məclis yeni sessiyaya başladı

Ermənilərin qanunsuz köçürülməsi haqda beynəlxalq təşkilatlara MÜRACİƏT

Ermənilər yenidən Tovuzun üç kəndini atəşə tutub - RƏSMİ

Günün matçlarını yayımlayacaq kanallar

"Uzun illərdir ki, ermənilərin məkrli siyasətindən və vandalizm aktlarından əziyyət çəkirik"

17 yaşlı hörümçək adam  "Hörümçək adam" 

Əli Həsənov xəstəxanda olduğunu təsdiq edən sənədləri İCTİMAİLƏŞDİRDİ - FOTO

Bəlkə yazı qabiliyyəti heç gərək deyil?!

Nazirlikdən gecə cəbhədə baş verənlərlə bağlı MƏLUMAT

Bu uşaqlarda şəkərli diabetə meyillilik daha çox ola bilər

Ermənilər Azərbaycana məxsus dini abidəni murdarladı – FOTO

“Botulizm zamanı xəstələrdə qan təzyiqi tez-tez yüksəlir”

TƏBİB rəsmisi xəbərdarlıq etdi - VİDEO