"Gec və ya tez Azərbaycanın işğal etdiyi ərazilərini geri qaytarmalı olacaq”

08:05 13-09-2020 | icon 281 | Qarabağ
"Gec və ya tez Azərbaycanın işğal etdiyi ərazilərini geri qaytarmalı olacaq”

“Ermənistan Azərbaycan ərazilərini işğal edəndən bəri beynəlxalq hüququn bir sıra normalarını pozub və bu proses indi də davam edir”.



Versus.az “Report”-a istinadən xəbər verir ki, bunu Ermənistan hakimiyyətinin Livan və Suriyadan olan erməniləri Azərbaycanın Dağlıq Qarabağ bölgəsinə qanunsuz köçürməsini şərh edən politoloq Tengiz Txilava deyib.

Onun fikrincə, qanunsuz məkunlaşdırmanın əsas məqsədlərindən biri işğalı möhkəmləndirməkdir: “Çünki Azərbaycan güclüdür və ordusu Ermənistan ordusundan daha qüdrətlidir. Bu həm 2016-cı ilin Aprel döyüşləri, həm də bu ilin iyul ayında sübüt olunub”.

Siyasi ekspertin sözlərinə görə, Ermənistan bu cəhdləri ilə həm də Dağlıq Qarabağda erməni sakinlərin sayını artırmaq və daha sonra onlarla spekulyasiya etməyi hədəfləyib: “Suriya və Livanda hərbi əməliyyatlar davam edir. Dağlıq Qarabağa köçürülmə yerli ermənilər üçün xilas ola bilər. Ermənistan isə bu dinc insanlardan öz təxribatçı məqsədləri üçün istifadə edəcək. Lakin Ermənistan unutmamalıdır ki, gec və ya tez Azərbaycanın işğal etdiyi ərazilərini geri qaytarmalı olacaq”.

T.Txilava qeyd edib ki, Ermənistanın beynəlxalq hüquqa zidd əməllərinə kəskin şəkildə münasibət göstərilməməsi təəssüf doğurur: “Beynəlxalq ictimaiyyət əvvəllər olduğu kimi indi də çox zəif reakiya verir. Burada erməni lobbisinin aktiv fəaliyyətini də istisna etmək olmaz”.

Digər politoloq Nikoloz Metreveli isə bildirib ki, Ermənistanın Azərbaycanın işğal olunan torpaqlarına ermənilərin qanunsuz köçürülməsi siyasətini davam etdirməsi yolverilməzdir: “Bu cür hərəkətlər qəti şəkildə qınanılmalıdır. Ermənistanın bu əməlləri münaqişənin həlli üzrə danışıqlar prosesinə də mənfi təsir edəcək”.

Siyasi analitikin sözlərinə görə, son vaxtlar Gürcüstanın işğal altında olan bölgələrində Rusiya tərəfindən də müxtəlif qanunsuz fəaliyyət əməlləri törədilir: “Bütün bu təxribatların indi baş verməsi təsadüfi deyil. Hazırda COVID-19 pandemiyasına görə dünyada çətin dövr hökm sürür. Bu baxımdan təxribatlar üçün yaxşı vaxt seçilib”.

 

Versus.az

Xəbər lenti

InvestAZ

Ən çox oxunan xəbərlər

“Erməni arvadını əsir götürüb neynəyəcəyik, bizə torpaqlarımız lazımdır”

Universitetləri və diplomları bütün dünyada tanınan ölkə - MÜSAHİBƏ

Prezidentdən mühüm FƏRMAN

“Rusiya əvvəlcə Ermənistanı “başa salmalıdır”

“Azərbaycan Bayrağı” ordenli şəhid Cəbrayıl Cəbrayılovun şəhadət günüdür

Qüdrət Həsənquliyevi qınayanlar da, haqq qazandıranlar oldu

MMP təşkilat sədri müharibə başlayarsa, döyüşə gedəcəyini deyir

"Sərraf və onun bacanağına qarşı məhkəmə prosesi başladı" - VİDEO

Bu gün İlham Əliyev BMT Baş Assambleyasının 75-ci sessiyasında çıxış edəcək

MMP sədri döyüş bölgəsində olub

Ermənistan silahlı qüvvələri atəşkəsi 49 dəfə pozub

Ümrə ziyarətləri mərhələli şəkildə BAŞLAYIR

ilk dəfə bədənindəki çapığı göstərdi - FOTO

Narkokuryerlər şəbəkəsinə rəhbərlik edən 90 yaşlı nənə saxlanılıb

“Hitleri narkotikə otuzduran həkim”