15 sentyabr - Bu günün özəlliyi, gözəlliyi

13:56 15-09-2020 | icon 211 | Siyasət
15 sentyabr - Bu günün özəlliyi, gözəlliyi

Lalə Quliyeva: "Cəmiyyət ən əziz, ən qiymətli sərvətini - uşaqları müəllimə etibar edir"

 

"Tarix boyu elmə, biliyə yiyələnmək və onu tədris etmək şərəfli iş hesab olunub. Bu gün məktəb həyatına ilk qədəm basan on minlərlə şagirdin səbirsizliklə gozlədiyi gündür. Bu gün həm də valideyinlərinin bayramıdır. Bu günün özəlliyini, bu günün gözəlliyini deməyə yəqin ki, ehtiyac yoxdur, çünki bu gün - 15 sentyabr Bilik günüdür".

 

Versus.Az xəbər verir ki, bunu yeni tədris ili ilə bağlı açıqlamasında Azərbaycan Liberal Demokrat Partiyasının (ALDP) Qadınlar Şurasının sədri Lalə Quliyeva bildirib.

 

 

"Bu gün hamıda bir həyacan var. Kimi özü məktəbə gedir, kiminin övladı, ancaq ən həyacanlı olanlar məncə birincilərdir. Bu gün onlar - Birincilər həyatlarında ən mühüm olan yeni bir yola qədəm qoyurlar. Bu gün onlar öz körpə dünyalarından ayrılıb yeni bir dünyada yeni bir həyata başlayırlar. Ancaq onlar bu yolda tək deyillər. Əllərindən tutub uğurla irəliyə aparacaq ilk müəllimləri var. Sizlərə başladığınız bu yolda uğurlar, zehin açıqlığı arzulayıram.

Onbirinci sinif şagirdlərə isə əla qiymətlərlə məktəbi bitirib, qürür və fəxr hissi ilə universitetə getmələrini arzulayıram. Səsiniz böyük universitetlərin auditoriyalarından gəlsin".

 

L.Quliyeva müəllimlərə müraciətində belə qeyd edib:

 

"Əziz müəllimlər!

Müəllim - ilk növbədə insandır, bilikli, savadlı, tərbiyəli, uşaqları və peşəsini sevəndir, uşaqları, gəncləri xalqın, vətənin gələcəyi üçün hazırlayan vətənpərvərdir, vətəndaşdır, ictimai xadimdir!

Dərin bilik, geniş dünyagörüş şagirdlər qarşısında elmin, biliyin, fənnin, tədris prosesinin cəzbedici qüvvəsini aça bilmək üçün vacibdir. Şagirdlər müəllimin simasında ağıllı, bilikli, düşüncəli, sənətinə vurğun bir insan görməlidirlər. Cəmiyyət ən əziz, ən qiymətli sərvətini - uşaqları, öz ümidini, öz gələcəyini müəllimə etibar edir. Müəllimin məqsədi, vəzifəsi müəyyənləşdirilir - xalqın, dövlətin gələcəyini formalaşdırmaq, xalqın milli ənənələrinə və demokratiya prinsiplərinə, insan hüquqları və azadlıqlarına hörmət edən, vətənpərvərlik və müstəqil və yaradıcı düşünən vətəndaş və şəxsiyyət yetişdirməkdir. Müəllimlik çox şərəfli peşədir- vəzifədir, şərəfli olduğu qədər də mürəkkəb, məsuliyyətli vəzifədir.

Hər kəsi bilik günü münasibətilə təbrik edirəm!

Yeni dərs iliniz uğurlu olsun.

 Bilik gününüz mubarək!"

 

LƏMAN
Versus.Az

 

Xəbər lenti

InvestAZ

Ən çox oxunan xəbərlər

“Rusiya əvvəlcə Ermənistanı “başa salmalıdır”

Qüdrət Həsənquliyevi qınayanlar da, haqq qazandıranlar oldu

"Sərraf və onun bacanağına qarşı məhkəmə prosesi başladı" - VİDEO

Siyasətçinin oğlu ŞƏHİD OLDU

Narkokuryerlər şəbəkəsinə rəhbərlik edən 90 yaşlı nənə saxlanılıb

ilk dəfə bədənindəki çapığı göstərdi - FOTO

“Hitleri narkotikə otuzduran həkim” 

Onun təbii görünüşü pərəstişkarlarını heyran qoydu - FOTO

Milyonluq villa məşhurları qarşı-qarşıya gətirdi

Türkiyədən Azərbəyacana dəstək, Ermənistana sərt reaksiya

“Azərbaycanla hədə-qorxu dili ilə danışan bundan peşman olacaq”

Bir sıra kəndlərimiz azad edilib

Mətbuat Şurasından KİV təmsilçilərinə MÜRACİƏT

Ərdoğan Azərbaycan Prezidentinə telefonla zəng etdi

“Azərbaycan Ordusu düşmənin ön xəttini yarıb”