“Dərhal müharibəni başlamağa hüququmuz var”

11:04 10-10-2020 | icon 185 | Siyasət
“Dərhal müharibəni başlamağa hüququmuz var”

Elman Nəsirov: “Erməni öz xislətindən əl çəkməyəcəksə, bu kövrək razılaşma pozulacaq və yenidən hərbi əməliyyatlar başlanacaq”

 

Oktyabrın 10-da Moskvada bir araya gələn Ermənistan-Azərbaycan xarici işlər nazirləri Rusiyanın vasitəçiliyi ilə “humanitar danışıqlar” masasında əyləşərək, atəşkəslə bağlı razılığa gəldi. Atəşkəs qərarı verilsə də, Ermənistan yenə də mülkü əhalimizi atəşə tutur. Görünən odur ki, vandal erməni quldurları öz niyyətlərindən əl çəkmir. Belə olan təqdirdə də ölkə ictimaiyyəti o fikrin üzərində dayanır ki, məkirli erməni işğalçıları öz çirkin niyyətindən əl çəkməyəcəksə, niyə durmalıyıq. Bundan sonra danışıqlar nə vəd edə bilər?

 

“Moskva” danışıqları ilə bağlı Azərbaycan ictimai sferasında yaranan narahatlıq dolu fərqli fikirlər ətrafında Versus.Az-a açıqlama verən millət vəkili Elman Nəsirov bildirib ki, danışıqlarla bağlı yalnız bir yanaşma olmalıdır:

 

“Bunu da cənab Prezident Hadrut və daha bir neçə kəndin azad olunması ilə bağlı o şad xəbəri Azərbaycan xalqına çatdırarkən söylədi. Prezident bildirmişdi ki, biz danışıqlara hazrıq, əlavə qan tökülməsini istəmirik, amma bizim bir şərtimiz var.  Ermənistan qoşunları Azərbaycan ərazilərindən çıxmalıdır. Ermənistan o şərtə razıdırsa, danışıqlara hazırıq”.

 

E.Nəsirov hesab edir ki, Ermənistan dinc yolla Azərbaycan ərazilərindən çıxarsa, bu daha yaxşı variantdır. Onun fikrincə, Moskva danışıqlarında razılaşma əldə edilibsə, deməli işğalçı Ermənistan həmin şərti qəbul edib. Məsələyə məhz bu aspektdə yanaşmaq lazımdır:

 

“Cənab Prezident də son çıxışında bunu söylədi. Dedi ki, əgər Ermənistan tərəfi buna əməl etməsə, dərhal müharibəni başlamağa haqqımız, hüququmuz var və torpaqlarımızı hərbi yolla azad edəcəyik. Bu baxımdan hesab edirəm ki, məsələ yaxın 1-2 günə məlum olacaq”.

 

Millət vəkili qeyd edib ki, razılaşmaya əsasən danışıqlar baza prinsipləri üzərində başlamalıdır. Baza prinsipləri də məhz mərhələli həll variantıdır. Yəni 7 rayonun qaytarılması baza prinsipinin əsas prinsipidir:

 

“Azərbaycan bu addımı atmaqla bütün beynəlxalq aləmə göstərdi ki, sülh danışıqlarına sadiqdir. Çünki bizi ittiham edirdilər ki, sülhü istəmirsiz, sülhə gəlmirsiz. Biz sülh istəyirik, amma şərtimiz dəyişməzdir. Ali Baş Komandan da bunu bəyan etmişdi. Ermənistanın baş naziri də əgər belə davranışlar ortaya qoysa, təxribatçı bəyanatlar versə, bu o deməkdir ki, ortada bir razılaşma sənədi yoxdur, sadəcə bir bəyannamə var, deməli  istənilən an qüvvədən düşə bilər. Əgər Ermənistan Azərbaycanın şərtini qəbul etmədən substantiv danışıqlara gəlirsə, yenə də danışıqlar naminə danışıqlara gəlirsə, belə sərsəm bəyanatlar verirsə, deməli müharibə yenidən pərpa oluna bilər. Bütün məsuliyyət yenə də Ermənistanın üzərində qalacaq”.

 

Azərbaycanın döyüşdə uğurlar qazandığı bir vaxtda müharibə sona çatdırılmadan danışıqlara gedilmə birmənalı qarşılanmır. Hesab olunur ki, Rusiya aprel döyüşlərində olduğu kimi bu dəfə də manevr edərək Azərbaycana xəyanət edir.

 

E.Nəsirov hesab edir ki, vəziyyət əvvəlki deyil. Bu dəfə silahlı qüvvələrimiz xeyli ərazilərimizi işğaldan azad ediblər:

 

“Biz danışıqlar prosesində üstün mövqedə iştirak edirik. Bizim bir şərtimiz var o da dəyişməzdir. İkinci şərt yoxdur. Bugünlərdə başlayacaq danışıqlar həmin şərt əsasında aparılmasa, onda müharibə təzədən başlayacaq. Erməni xislətindən əl çəkməyəcəksə, bu kövrək razılaşma pozulacaq və yenidən hərbi əməliyyatlar başlanacaq”.

 

LƏMAN
Versus.az

Xəbər lenti

InvestAZ

Ən çox oxunan xəbərlər

Dahi şair, mənzum dramaturgiyanın banisinin doğum günüdür

“Düşmən hücumu nəticəsində yaralanan azyaşlı həlak oldu”

Düşmən Naftalan - Tərtər rayonlarını atəşə tutur

Türkiyə Prezidenti Avropanın sonunun yaxınlaşdığını bildirdi

Ermənilərin cəhdi baş tutmadı - VİDEO

Vitse-prezidentdən işğaldan azad edilmiş ərazilərimizlə bağlı paylaşım - FOTO

Xalq artisti Qarabağ haqqında xatirələrini bölüşüb - VİDEO

XİN-dən Ermənistanın yenidən atəşkəsi pozması ilə bağlı BƏYANAT

Səkkiz rayonumuz Ermənistan tərəfindən atəşə tutulur

Növbəti səyyar sənəd qəbulunun VAXTI

38 yaşlı kişi binadan yıxıldı

Ermənilər Daşkəsəni atəşə tutdu: - VİDEO

BŞİH məktəblərdə yenidənqurmaya 7,4 milyon manat sərf edəcək

Qarabağ qazisinin köməyə ehtiyacı var - FOTO

İdmançının nəhəng ilandan qaçmasını əks etdirən GÖRÜNTÜ