"Atəşkəs yoxdur artıq, düşmən bunu göstərdi"

11:57 11-10-2020 | icon 672 | Siyasət
"Atəşkəs yoxdur artıq, düşmən bunu göstərdi"

İqbal Ağazadə: "Ali Baş Komandanı haqq işimizi son kəndimizə bayraq sancılana kimi davam etdirməyə çağırırıq"

 

"Gəncəyə atılan raketlər bir daha sübut edir ki, humanitar atəşkəs düşmənə havadarları vasitəsilə fürsət yaratmaqdan başqa heç bir məqsəd güdmür".

 
 
Versus.Az xəbər verir ki, bunu açıqlamasında Ümid Partiyasının sədri İqbal Ağazadə bildirib.
 
 
Partiya sədri vurğulayıb ki, Rusiya bu münaqişədə tərəfsiz olmayıb, o, hər zaman Ermənistanın dəstəkçisidir, nə rolunu, nə də xislətini dəyişməyib:
 
 
"Azərbaycan xalqı bu atəşkəsin nəticəsini belə də gözləyirdi. Biz tarixi unutmadıq. Şuşa, Laçın məhz vasitəçilər bizi atəşkəs masasına oturdanda işğal edildi".
 
 
İqbal Ağazadə vurğulayıb ki, Ümid Partiyası olaraq Ali Baş Komandanı haqq işimizi son kəndimizə bayraq sancılana kimi davam etdirməyə çağırırıq:
 
 
"Hamımız Vətənimizin, ordumuzun yanındayıq, əsgərik! Qardaş Türkiyəyə səslənirik: Azərbaycana bütün sahələrdə dəstək verin, xüsusilə beynəlxalq arenda əsas ağırlıq sizin üzərinizdədir. Xaricdə yaşayan həmvətənlərimiz bütün imkanlarını səfərbər edib haqq işimizi yaşadıqları ölkələrin səlahiyyətli qurumlarına çatdırsınlar. Özəlliklə Rusiyada yaşayan həmvətənlərimiz daha fəal olmalı, bizim müdafiəmiz üçün tatarları, başqırdları, çeçenləri, udmurtları, Dağıstan xalqlarını bu prosesə cəlb etməli, onların parlamentində müzakirə üçün imkanlar aramalıdırlar. Güney Azərbaycanlılarımız İrandan Ermənistana gələcək hər bir dəstəyi durdurmalıdlrlar, savaş davam edir. Yəhudi dostlarımız hər zaman Azərbaycanla birlikdə olublar, bu gün onların dəstəyinə daha çox ehtiyacımız var. İnanıram ki, xalqımızı sevən yəhudi dostlarım imkanlarını əsirgəməyəcəklər".
 
 
İ.Ağazadə qeyd edib ki, xalqımız birlik və bərabərliyini davam etdirməli, düşmən təxribatının bizi parçalamağa yönəlik addımlarına daha sıx birləşməyimizlə cavab verilməlidir:
 
 
"İşğalı aradan qaldlrmaq istiqamətində Xalq-Dövlət birliyimizi sarsıtmaq üçün hər cür təsir və təzyiqlərlə bizi atəşkəs masasına oturtdular. Bilirlər ki, birliyimizi parçalayacaq ilk şey atəşkəsdir. Ona görə ordan başlayırlar.
İqtidar xalqımıza, birliyimizə, ordumuza güvənərək bütün təzyiqlərə sinə gərib haqq işimizi davam etdirməli, biz isə birliyimizi qorumalıylq. Atəşkəs yoxdur artıq, düşmən bunu göstərdi!
 
Qarabağsız Azərbaycan yoxdur! Hamımız əsgərik!"
 
 
SEVDA
Versus.Az

Xəbər lenti

InvestAZ

Ən çox oxunan xəbərlər

Dahi şair, mənzum dramaturgiyanın banisinin doğum günüdür

“Düşmən hücumu nəticəsində yaralanan azyaşlı həlak oldu”

Düşmən Naftalan - Tərtər rayonlarını atəşə tutur

Türkiyə Prezidenti Avropanın sonunun yaxınlaşdığını bildirdi

Ermənilərin cəhdi baş tutmadı - VİDEO

Vitse-prezidentdən işğaldan azad edilmiş ərazilərimizlə bağlı paylaşım - FOTO

Xalq artisti Qarabağ haqqında xatirələrini bölüşüb - VİDEO

Səkkiz rayonumuz Ermənistan tərəfindən atəşə tutulur

XİN-dən Ermənistanın yenidən atəşkəsi pozması ilə bağlı BƏYANAT

Növbəti səyyar sənəd qəbulunun VAXTI

38 yaşlı kişi binadan yıxıldı

Ermənilər Daşkəsəni atəşə tutdu: - VİDEO

BŞİH məktəblərdə yenidənqurmaya 7,4 milyon manat sərf edəcək

Qarabağ qazisinin köməyə ehtiyacı var - FOTO

İdmançının nəhəng ilandan qaçmasını əks etdirən GÖRÜNTÜ