Təqsirləndirilən şəxs aclıq aksiyasına başladı

14:40 05-09-2018 | icon 159 | Hadisə
Təqsirləndirilən şəxs aclıq aksiyasına başladı

Bakı Ağır Cinayətlər Məhkəməsində Narkoloji Mərkəzdə baş verən yanğınla bağlı həbs edilənlər - Mərkəzin direktoru Telman Məmmədhəsənov, Mərkəzin əməyin təhlükəsizliyi üzrə mühəndisi, yanğın təhlükəsizliyinə cavabdeh şəxs Mahir Abdullayev, yanğını törətməkdə təqsirləndirilən Məhəmməd Məmmədov və onun həkimi, şöbə müdiri Afət Məmmədovanın məhkəmə prosesi davam etdirilib.

 

Versus.Az-ın məlumatına görə, hakim Azər Paşayevin sədrliyi ilə keçirilən prosesdə təqsirləndirlən Məhəmməd Məmmədov məhkəməyə ərizə ilə müraciət edərək, istintaq və məhkəmənin ədalətli aparılmamasına etiraz edib və sentyabrın 4-dən aclıq aksiyasına başladığını bildirib. M.Məmmədov məhkəmə zalından çıxarılmasını istəyib. Hakim ona zaldan çıxarılmağa icazə verməyib.

 

Prosesdə dindirilən təqsirləndirilən şəxs həkim Afət Məmmədova özünü hadisədə təqsirli bilməyib və heç kimdən rüşvət almadığını deyib: “Xəstəxanada Mamed dayının oğlunun xahişi ilə ona dükandan siqaret, çay alıb verirdim. Bilsəydim ki, buna görə məhkəmə qarşısına çıxarılacağam, heç vaxt etməzdim. Hadisə vaxtı təkmilləşdirmə kursuna getmişdim. Ora getdiyimdən xəstələrin yanında olmurdum".

 

Təqsirləndirilən T.Məmmədhəsənov və M.Abdullayev indiki mərhələdə ifadə verməkdən imtina edib. Zərərçəkmişin hüquqi varisi kimi tanınan Məhbubə Dəmirova isə əri ilə onun əmisi oğlunun öldüyünü deyib: “Ərim yanğından 3 gün əvvəl orda müalicəyə başlamışdı. Deyirdi qocalmışam, nəvəm olacaq, qoy bu işlərin daşını atım. Özü ilə 400 manat apardı, hadisə baş verəndən sonra pulumu geri qaytardılar”.

 

Prosesdə yanğın zamanı mərkəzdə müalicə olunan Hüseyn Səfərəliyev ifadəsində bildirib ki, səhər tualetdən qayıdanda dəhlizdə tüstü görüb: "Kimsə birdən qışqırdı ki, bura yanır. Adamları oyatmağa qaçdım. Korpusumuzun qapısı mismarlanıb bağlanmışdı. Digər ikincisi açıq idi. Lakin içəridə olanlar pəncərələrin “raşotka”larını sındırıb çıxırdı. Qapının yanında xəstənin birinin kül olduğunu gördüm”.

 

Məhkəmə prosesi sentyabrın 7-də davam etdiriləcək.

Qeyd edək ki, bu ilin martın 2-də Bakı şəhərinin Xətai rayonu ərazisində yerləşən Respublika Narkoloji Mərkəzində çoxsaylı insan tələfatı ilə nəticələnən yanğın baş verib. Görülən tədbirlərlə Narkoloji Mərkəzdə "alkoqol qəbulu nəticəsində psixi və davranış pozuntuları" diaqnozu ilə müalicə alan Bakı şəhər sakini Məhəmməd Məmmədov 2018-ci il mart ayının 3-də həmin cinayətdə şübhəli şəxs qismində tutulub. İlkin dindirmə zamanı cinayəti törətdiyini etiraf edən M.Məmmədov ailə üzvlərinin ona qərəzli münasibətinə etiraz əlaməti olaraq və Narkoloji Mərkəzdə müalicə almaq istəmədiyinə görə intihar etmək qərarına gəldiyini bildirib. Bu məqsədlə mart ayının 2-si saat 06 radələrində qaldığı palatada yorğana bürünərək onu alışqanla yandırdığını, alov gücləndikdə özünü öldürmək niyyətindən daşınıb yanan yorğanı çarpayısının üstünə atdığını, alovun digər palatalara keçməsindən qorxduğu üçün şöbənin qapısı açılan kimi mərkəzi tərk etdiyini göstərib. M.Məmmədov Cinayət Məcəlləsinin (CM) 120.2.4-cü (ümümi təhlükəli üsulla qəsdən adam öldürmə), 120.2.7-ci (iki və ya daha çox şəxsi öldürmə), 120.2.9-cu (köməksiz vəziyyətdə olan adamı öldürmə) və 186.2.2-ci (yandırmaqla özgə əmlakını qəsdən məhv etmə) maddələri ilə təqsirləndirilən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilib, eləcə də kompleks məhkəmə psixiatrik, psixoloji və narkoloji ekspertizalar təyin olunub. Daha sonra Respublika Narkoloji Mərkəzin direktoru Telman Məmmədhəsənov, şöbə müdiri Azad Ələkbərov və mühəndis Mahir Abdullayev saxlanılıb və barələrində məhkəmə qərarı ilə həbs qətimkan tədbiri seçilib. Hər 3 şəxs barəsində CM-nin 225.2 (yanğın təhlükəsizliyi qaydalarını pozma zərərçəkmiş şəxsin ölümünə və ya digər ağır nəticələrə səbəb olduqda) və 308.2 (vəzifə səlahiyyətlərindən sui-istifadə - ağır nəticələrə səbəb olduqda) maddəsi ilə cinayət işi başlanıb. Məlumata görə, şöbə müdiri A.Ələkbərovun səhhətində problemlər olduğu üçün onun cinayət işi ayrıca icraata ayrılıb.

Xəbər lenti

SÖZƏBAXAN MEDİYA, ƏLƏBAXAN QƏLƏMÇILƏR... VƏ "ZƏKAYİ SÖYÜŞ" ƏNƏNƏSİ...

“Əgər bir ölkədə öz xalqını aldadan bir mediya varsa, o ölkənin başqa bir düşmənə ehtiyacı yoxdur”

EYOF Bakı 2019: kişilər arasında idman gimnastikası yarışlarının finalçıları

Şəhriyar Məmmədyarov Maksim Vaşye-Laqravla ikinci görüşünü keçirib

EYOF Bakı-2019: Azərbaycan gimnastlarına böyük uğurlar arzulayıram - tamaşaçı

Azərbaycanda “Tarla günü” keçiriləcək

Ledi Qaqanın anası: Həmişə günah kişilərdə olur

Rezidenturaya keçirilmiş müsabiqənin NƏTİCƏLƏRİ elan olunub

Dövlət Komitəsində Ağdamın işğalının 26-cı ildönümünə həsr olunan anım tədbiri keçirilib

Böyük Britaniyada yeni baş nazir KİM oldu?

Nizami Gəncəvinin “Xosrov və Şirin” poeması Türkiyədə nəşr olunub

“Muzey əşyalarının daimi mühafizə portalı”na həsr olunan təqdimatın üçüncü mərhələsi keçirildi"

50-dən artıq məktəbdə robototexnika kursu yaradılacaq

Ağdam itkisi insanların şeirlərində, musiqələrindədir

Qoy, yağı düşmən sevinməsin!

Ağdamın işğalından 26 il ötür

XI Qəbələ Beynəlxalq Musiqi Festivalında 11 ölkədən musiqiçilər çıxış edəcək

İrəli
InvestAZ

Ən çox oxunan xəbərlər

İqbal Ağazadə hökumətə səsləndi-VİDEO

“Belə mətbuatın nəyini təbrik edəsən?” - MÜSAHİBƏ

Leyla Yunus Elçibəyi KQB agenti adlandırdı

713-cü batalyonun döyüşçüləri Şəhidlər Xiyabanında olub

Bu xəstəliyin ilkin mərhələsində həkimə müraciət mütləqdir

DGKA rəisi abituriyentlər və valideynlərlə görüşdü

“Azərbaycan mətbuatının ictimai fikrə təsir yükü var” - MÜSAHİBƏ

İnanılmaz: dənizdə boğulub "ölən" gənc ayıldı

Xarici diplomat AXH-nin ofisinə polis basqısı ilə maraqlanıb

Sosial şəbəkədə “qocalıq” trendi: Əyləncəli görünən təhlükələr

Əl quruması - iflici nədir və müalicəsi varmı? /FOTO-VİDEO/

Bakıda Aya Sofyadan daha gözəl məbəd niyə partladıldı? /Video/

ALDP Keçikçidağ ilə bağlı bəyanat verdi

Polis leytenantı özünü güllələdi

“Kahveçi +” inşaat şirkəti yubileyini və Milli Mətbuat gününü qeyd etdi