15 noyabr 2020-ci il- KƏLBƏCƏRİN İŞĞALDAN AZAD OLUNDUĞU GÜN!

20:54 15-11-2020 | icon 85 | Siyasət
15 noyabr 2020-ci il- KƏLBƏCƏRİN İŞĞALDAN AZAD OLUNDUĞU GÜN!
 
 
"Bir neçə gündür ki, Azərbaycan, Ermənistan və Rusiya dövlət başçılarının 10 noyabr 2020-ci ildə imzaladığı Birgə Bəyanata uyğun olaraq ermənilər işğal altındakı Kəlbəcər rayonunu boşaltmağa və qeyri qanuni məskunlaşdıqları Azərbaycan ərazilərini tərk etməyə məcbur edilirlər".
 
 
Versus.az xəbər verir ki, bu barədə, professor Əli Həsənov özünün sosial şəbəkə hesabında yazıb. 
 
 
Ə.Həsənov bildirib ki, əraziləri və məskunlaşdıqları məkanları tərk etməzdən əvvəl indiyə qədər bütün dünyaya “az qala beş min il sivilizasiya tarixi olan və ən qədim mədəni xalq” kimi təqdim edilən vəhşi ermənilər Kəlbəcər ərazisində 30 ilə qədər yaşadıqları və bəhrələndikləri torpaqları viran qoydular, məskunlaşdıqları və uzun müddət istifadə etdikləri azərbaycanlılara məxsus evləri söküb dağıtdılar və sonda od vurdular, qədim yurdları, yaşayış məskənlərini, hətta məktəbləri belə son detalına qədər sökərək, tikililərin fundamentinə belə od vurdular, kölgəsində barındıqları ağacları kəsib doğrdılar, meşələri odladılar, su içdikləri bulaq və çeşmələri basdırdılar, hərəkət etdikləri yolları və körpüləri dağıtdılar...
 
 
"Dünən axşam bəzi televiziyalarda bununla bağlı nümayiş etdirilən kadrlar tarix boyu erməni xalqının alnına yapışdırılmış elə bir qara ləkədir ki, onu kimsə odadan təmizləyə bilməyəcək! Bir sözlə, gecə saat 00:00-a qədər rayonu tərk edən ermənilər qədim Kəlbəcərdən daşıya bildiklərini daşıdılar, vura bildikləri qədər ziyanı vurdular, hətta ölülərinin qəbirlərini belə torbalara dolduraraq özləri ilə apardılar. Amma bir dostumun söylədiyi kimi “nə torpağı aparmağı bacardılar, nə də Kəlbəcərin Azərbaycan ərazisi olduğu gerçəkliyi dəyişə bildilər. 28 il bundan əvvəl bu torpaqlara zorba ilə qədəm qoyan işğalçılar, bu gün yurdumuzdan torba ilə çıxarıldılar!"
 
Beləliklə, bu gündən Kəlbəcər rayonu artıq Ermənistan silahlı qüvvələrinin işğalından azaddır!
PS: Son anda məlumat verildi ki, Rusiyanın xahişi ilə Kəlbəcərin tam təhfil-təslimi daha 10 gün uzadıldı. Eybi yox, 28 il gözlədiyimiz kimi, daha 10 gün də gözlərik!"- deyə, Ə.Həsənov yazıb.
 
Versus.az
 

Xəbər lenti

InvestAZ

Ən çox oxunan xəbərlər

“İdeoloji təbliğatı ciddi şəkildə genişləndirmək lazımdır”

Akademik Nailə Vəlixanlıdan beynəlxalq təşkilatlara MÜRACİƏT

Şuşa döyüşlərində dastana dönən qardaşlar

Zeynalabdin Tağıyevin Fransada yaşayan nəticəsi Qarabağa gələcək

Maradona dəfn olundu - FOTO

Trampdan Ağ Evi tərk etmə ŞƏRTİ

Helikopter işıq dirəyinə çırpıldı - VİDEO

Türkiyədə zəlzələ - VİDEO

Kəlbəcər şəhərində Azərbaycan bayrağı QALDIRILDI

19 yaşında xalqın, dövlətin təqdirini QAZANMAQ

O dünyadakı məqamın yüksək olsun, CAVAD

Şuşada tapılan 32 illik HƏDİYYƏ

Adı – Xəyal, igidliyi – gerçək

Adını doğruldan...

Bakı Ali Neft Məktəbi - Doqquz il