“Bəzi məmurlar Prezident-xalq münasibətlərinə xələl gətirən qərarlar qəbul edir”

13:35 05-01-2021 | icon 185 | Sosial
“Bəzi məmurlar Prezident-xalq münasibətlərinə xələl gətirən qərarlar qəbul edir”

Ehtiram Mehtiyev: “Ümid edirəm ki, cənab Prezident bu arzuolunmaz qərarı xalqın xeyrinə dəyişəcək”

 

"Pandemiyanın ciddi iqtisadi böhran yaratdığı bu dönəmdə iş yerlərinin bağlanması, ixtisarlar, işsizlik millətin sosial durumuna təsirsiz ötüşməyib. Demək olar ki, insanların qazancı sıfıra düşüb. Kimisi öz kisəsindən yeyir, kimisi də yarı tox, yarı ac gününü yola verir. İndiki vəziyyətdə qiymət artımı yolverilməzdir.

 

Bunu Versus.Az-a benzinin qiymətinin artırılması ilə bağlı açıqlamasında MCP sədr müavini, Milli Məclisdə deputat köməkçisi Ehtiram Mehtiyev bildirib.

 

Deputat köməkçisi vurğulayıb ki, Tarif Şurasının benzinin qiymətinin qaldırılmasını "keyfiyyətin yüksək avrostandartlara çatdırılması, ekoloji mühitin yaxşılaşdırılması, neft emalı sənayesində yenidənqurma və modernləşdirmə işlərinin davam etdirilməsi" ilə əsaslandırması bəhanədir:

 

“Xalqa "modernləşdirmə", "avrostandartlar" lazım deyil. Biz də yaxşı bilirik ki, Azərbaycanda benzininin pərakəndə satış qiyməti əksər MDB ölkələri ilə müqayisədə aşağıdır. Çünki onlara nefti biz satırıq... İlin-günün bu vaxtında belə qərarlar verəndə xalqı da düşünmək lazımdır. Axı ehtiyacı olan bir insan üç saatlıq icazə alıb, nə iş görə bilər, nə qədər qazana bilər? Bax belə qərarlar verərkən sadəcə bircə gün özünüzü xalqın yerinə qoyun. Görün belə şərtlər altında yaşamaq mümkündürmü? Hər kəs evində oturub Allaha dua etməkdən başqa əlindən bir iş gəlmir”.

 

Ehtiram Mehtiyevin fikrincə, hələ tezdir artım haqqında danışmaq, amma bu arzuolunmaz səslənsə də, qiymət artımı bütün sahələrə təsir edəcək:

 

“Prezident İlham Əliyev xalqın sosial rifah halının yaxşılaşdırılması istiqamətində mühüm qərarlar qəbul edir. Ölkə başçısı böhran şəraitində də sosial öhdəlikləri reallığa çevirir. Amma görünür bəzi məmurlar Prezident-xalq münasibətlərinə xələl gətirən qərarlar qəbul edir. Ümid edirəm ki, cənab Prezident bu arzuolunmaz qərarı xalqın xeyrinə dəyişəcək”.

 

SEVDA
Versus.Az

Xəbər lenti

InvestAZ

Ən çox oxunan xəbərlər

Şəhidlik zirvəsinə yüksələn daha bir QƏHRƏMANIMIZ

Sülhməramlıların fəaliyyətini necə qiymətləndirirsiz?

20 YANVAR - Faciə və qəhrəmanlıq tariximiz

"ABŞ-ın demokratiya illuziyaları puç oldu" - MÜSAHİBƏ

Hafiz Hacıyevdən Ramiz Mehdiyevlə bağlı daha bir FAKT

"Azərbaycan hər an rus-erməni təxribatına hazır olmalıdır"

"Kəlbəcər uğrunda" və "Vətən müharibəsi iştirakçısı" medallı qəhrəmanımız

ALDP-dən 20 Yanvar faciəsinə VİDEO-ÇARX

"Bu vəsaiti şəhid ailələrinə, qazilərə vermək lazım idi"

"Vətən məni çağırsa, yenə getməyə hazıram"

AĞLAMA, QƏRƏNFİLİM…

"Bu, Azərbaycan üçün daha bir tarixi qələbədir"

"Bu, Türkiyə-Azərbaycan hərbi müttəfiqlik müqaviləsinin bağlanmasına gətirib çıxaracaq"

"Azərbaycan tranzit ölkə kimi mövqeyini daha da gücləndirəcək"

Gəldin, əbədi olaraq ürəklərə köçmək üçün...