“Pandemiya dönəmində təhsil və özünüinkişaf” müzakirə olundu

13:04 07-01-2021 | icon 30 | Cəmiyyət
“Pandemiya dönəmində təhsil və özünüinkişaf” müzakirə olundu

YAP Gəncə şəhər təşkilatı və “İslahatçı gənclər” İctimai Birliyinin birgə təşkilatçılığı, Azərbaycan Gənclər Fondunun dəstəyi ilə "Fikir" İnformasiya Platforması layihəsi çərçivəsində “Pandemiya dönəmində təhsil və özünüinkişaf” adlı videokonfrans keçirilib.

 

Versus.Az xəbər verir ki, bu barədə YAP Gəncə şəhər təşkilatından məlumat verilib.

 

Millət vəkili Naqif Həmzəyevin moderatorluğu ilə keçən onlayn konfransda Azərbaycan Respublikası Təhsil Nazirliyi, Təhsil Sisteminin İnformasiyalaşdırılması İdarəsinin rəisi Vüsal Xanlarov, Türkiyənin Fırat Universitetinin rektoru, Prof.Dr. Fahrettin Göktaş, Türkiyənin Bayburt Universitetinin rektoru, Prof.Dr. Səlcuq Coşqun, ADAU-nun rektoru, AMEA-nın müxbir üzvü, professor İbrahim Cəfərov, Milli Məclisin deputatı Şahin Seyidzadə, “İslahatçı gənclər” İctimai Birliyinin sədri Fərid Şahbazlı, Azxeber İnformasiya Portalının baş redaktoru Hacıbəy Heydərli, Türkiyə və Azərbaycan gəncləri iştirak ediblər.

 

Konfransda çıxış edən Naqif Həmzəyev dünyanı cənginə alan COVID-19 virusunun dünyada olduğu kimi, Azərbaycanda da təhsil sahəsindən yan keçmədiyini bildirib.

 

“Ölkə Prezidentimiz İlham Əliyevin ilk gündən koronavirusa qarşı tətbiq etdiyi strategiya qlobal problemin təsirlərinin minimuma endirilməsində mühüm rol oynadı. Bəşəri təhlükə olan pandemiya dövründə, sosial-iqtisadi çətinliklərlə üzləşdiyimiz bir şəraitdə təhsil dövlət siyasətinin prioritet sahəsi kimi öndə gəldi, dövlətin və əlaqədar qurumların tam nəzarətində oldu. Təhsilin fasiləsizliyinin və davamlılığının təmini üçün mümkün imkanlardan istifadə olundu, bütün maddi və mənəvi resurslar səfərbər edildi. COVID-19 yeni tipli koronavirus distant təhsili aktuallaşdırdı. Qısa zamanda elektron kütləvi informasiya vasitələri və internet üzərindən "Teledərs", "Virtual məktəb" layihələrinin reallaşdırılması nəticəsində şagirdlərin, tələbələrin tədrisə cəlb olunması imkanı yaradıldı. Mövcud vəziyyətlə əlaqədar olaraq müxtəlif istiqamətli ənənəvi müsabiqələr, yarışlar da virtual formatda təşkil edildi”.

 

Tədbirdə çıxış edənlər ənənəvi tədrisin hazırda mümkünsüzlüyünün bütövlükdə təhsil ictimaiyyətinə psixoloji cəhətdən təsir göstərdiyinə, təhsil sferasında müəyyən problemlər yaratmasına toxunub, eyni zamanda distant təhsilin yaratdığı imkanlardan danışıblar. Həmçinin, distant təhsildən istifadə, onun qaydaları və səmərəliliyinin artırılması istiqamətində görüləcək işlər müzakirə edilib.

 

Türkiyənin Fırat Universitetinin rektoru, Prof.Dr. Fahrettin Göktaş, Prof.Dd. Səbahattin Dəvəçioğlu, Zülfü Gənc, Atilla Bingöl çıxış edərək qardaş ölkənin distant təhsil sahəsindəki təcrübələrini bölüşüblər.

 

Qardaş Türkiyənin və Azərbaycanın təhsil ekspertləri qlobal pandemiyanın distant təhsilin dünya ali və orta təhsilinin qarşısında yeni çağırışlar yaratdığını qeyd ediblər.

 

Videokonfransda pandemiya dövründə gənclərin özünüinkişaf istiqamətində hansı addımların atıla biləcəyi və onun predmetləri ətrafında geniş diskussiyalar aparılıb.

 

SEVDA
Versus.Az

Xəbər lenti

InvestAZ

Ən çox oxunan xəbərlər

“İMZA” Sosial İnkişafa Dəstək İctimai Birliyində yeni TƏYİNAT

Hafiz Hacıyevdən Ramiz Mehdiyevlə bağlı daha bir FAKT

Hafiz Hacıyev Ramiz Mehdiyevi və onun kadrlarını ifşa etdi - VİDEO

ALDP-dən 20 Yanvar faciəsinə VİDEO-ÇARX

AĞLAMA, QƏRƏNFİLİM…

ALDP-dən neft gəlirlərindən əldə olunan vəsaitlə bağlı BƏYANAT

Gəldin, əbədi olaraq ürəklərə köçmək üçün...

Azad Rəhimov başqa xəstəxanaya KÖÇÜRÜLDÜ

"Azərbaycan tranzit ölkə kimi mövqeyini daha da gücləndirəcək"

"SOCAR-da nələrin baş verdiyi müəmmalarla doludur"

Kiçik qurdun böyük fəsadları - Yoluxanlarda hansı əlamətlər ola bilər?

"Navalnı ilə şəxsi əlaqəmiz və ya tanışlığımız yoxdur"

“Laçın dəhlizi Qarabağda olan separatçılar üçün qanedici variant deyil” - MÜSAHİBƏ

"Siyavuş Novruzov üzr istəməlidir"

107 gün sonra itkinimizin şəhid xəbəri gəldi