"İMZA": “Şuşam mənim” könülləri oxşamaqdadır

16:20 03-02-2021 | icon 187 | Mədəniyyət
"İMZA": “Şuşam mənim” könülləri oxşamaqdadır

Klip "İmza"nın təşkilatçılığı ilə çəkilib

 

“İMZA” Sosial İnkişafa Dəstək İctimai Birliyinin təşkilati dəstəyi ilə çəkilmiş Xalq Artisti Tünzalə Ağayevanın “Şuşam mənim” klipi qısa müddətdə könülləri oxşamaqdadır.

 

Versus.Az xəbər verir ki, Xalq artisti, milli ruh, qəhrəmanlıq, vətənpərvərlik janrında oxuduğu mahnılarla hər zaman tamaşaçıların qəlbini fəth etmiş Tünzalə Ağayeva bu dəfə öz yeni şərqisi ilə azad Şuşamızı tərənnüm edib.

 

Tünzalə xanımın bəstəkarı olduğu mahnıda qədim Pənahabad, bütün azərbaycanlıların ruhunun, qəlbinin, könlünün şəhəri olan, mənəviyyatımızda, mədəniyyətimizdə xüsusi yerə malik, xarı bülbülün vətəni gözəl Şuşamız vəsf olunub. Böyük şairimiz Rəsul Rzanın sözlərinə bəstələnmiş mahnı qısa müddətdə azərbaycanlı tamaşaçıların sevgisini qazanıb, necə deyərlər könülləri oxşayıb.

 

Şərqinin sözlərində deyildiyi kimi, torpaqdan pay olmaz! Gözəllikdə Şuşaya bənzər şəhərin olması da əslində mümkünsüz görünür. Yüksək səviyyəli və keyfiyyətli klipin çəkildiyi “Şuşam mənim”də mədəniyyət paytaxtımızın mənfur düşmənimizdən azad edilməsi əməliyyatına həsr olunmuş və ayrıca səhnələşdirilmiş epizodlar da var.

 

Gözəl ifa və həzin musiqiylə müşayət olunan klipdə tamaşaçılar əziz şəhidlərimizin canı, qanı, qazilərimizin misilsiz şücaəti nəticəsində yenidən hürriyətinə qovuşmuş, əsl təbiət möcüzəsi sayılan və əsrarəngiz məkanda yerləşən şəhərimizin möcüzəvi mənəvi aurasına bir daha valeh olurlar. Biz vətən uğrunda ölmürük, şəhid oluruq. Bir ölsək də min dirilirik. Ona görə Azərbaycanımız üçün canımızı fəda edirik ki, azad vətənimiz və bu vətəni cənnətə çevirəcək övladlarımız xoşbəxt yaşasın! Məhz bu məqamın xüsusi həssaslıqla canlandırıldığı klipin araya-ərsəyə gəlməsinə təşkilati dəstək vermiş “İMZA” Sosial İnkişafa Dəstək İctimai Birliyinin kollektivi  

 

Xalq ArtistiTünzalə Ağayevaya, klipin ssenari müəllifi Günel Anarqızına və rejissoru Ülviyyə Könülə, bir sözlə bütün yaradıcı heyətə layihəni yüksək peşəkarlıq, incə zövq və ustalıqla həyata keçirdiyinə görə təşəkkür edir, onları Vətən müharibəsində qazandığımız möhtəşəm zəfərimiz münasibəti ilə ən səmimi hissləri ilə təbrik edir, yeni yaradıcılıq uğurları arzulayır.

 

Biz birlikdə güclüyük, hədəfimiz, amalımız hər fürsətdə Millətimizə və Dövlətimizə xidmət etməkdir!

 

Təranə Ziyadova
Versus.Az

Xəbər lenti

InvestAZ

Ən çox oxunan xəbərlər

Partiya sədri: YAP buraxılmalıdır

İgid qəhrəmanlarımızdan biri - RƏŞAD NƏBİZADƏ

MMP Xocalı soyqırımı ilə bağlı BƏYANAT YAYDI

“Çalışırlar ki, Azərbaycan asılı, gözüqıpıq bir dövlətə çevrilsin” - MÜSAHİBƏ

“İMZA” - İlhamla Mehribanla Zirvələrə

“Xalqı narazı salmaqla “5-ci kolon”un könlünü xoş edirlər”

“Xocalı irsi” adlı elektron TƏQDİMAT

"Moskva vəziyyəti gərginləşdirməyə çalışır"

"Ermənistan daha bir hərbi cinayətə qol qoyur"

"Bu, iki ölkə arasında əməkdaşlığın daha da inkişafına təkan verəcək"

"Bu missiyanı bizim iqtidar öz öhdəsinə götürməlidir"

Ermənilər onun fotoaparatını pulla alıb İrəvanda yandırmaq istədiklərini deyiblər - MÜSAHİBƏ

ALDP-dən beynəlxalq təşkilat və dövlətlərə XOCALI ÇAĞIRIŞI

“Sanki erməniləri Dağlıq Qarabağa yerləşdirmək üçün gəliblər” - MÜSAHİBƏ

“8 Noyabr” stansiyası istismara hazırlanır