Jurnalistdən “Xalq” və “Əməkdar” titullu şəxslərlə bağlı nazirə MÜRACİƏT

11:05 08-02-2021 | icon 101 | KİV
Jurnalistdən “Xalq” və “Əməkdar” titullu şəxslərlə bağlı nazirə MÜRACİƏT

"Ümid edirik ki,  illərlə davam edən bu ədalətsizliyin aradan qaldırılmasına nail olacaqsınız"

 

Əməkdar jurnalist Rəhman Orxan Azərbaycan Respublikasının Əmək və Əhalinin Sosial Müdafiəsi naziri Sahil Babayevə müraciət edib.

 

Versus.az xəbər verir ki, müraciətdə deyilir:



“Hörmətli cənab nazir!

Azərbaycan Prezidenti möhtərəm İlham Əliyev cənablarının diqqət və qayğısı sayəsində son illər ölkədə bütün sahələr üzrə aylıq məvaciblər və müavinətlər bir-neçə dəfə əhəmiyyətli dərəcədə artırılsa da, nədənsə “Xalq” və “Əməkdar” titullu yaradıcı və sənət adamlarının - Xalq yazıçısının (şairinin), Xalq rəssamının, Əməkdar müəllimin, Əməkdar həkimin, Əməkdar mühəndisin, Əməkdar jurnalistin, Əməkdar inşaatçının və s. müavinətləri bircə dəfə də olsa artırılmamışdır. Nəyə görə bu adamlara ögey münasibət bəslənilir, diqqətdən kənarda qalırlar? Çox istərdik ki, bu unutqanlığa son qoyulsun, heç olmasa bu dəfə “Xalq” titullu şəxslərin müavinətinin (7-8 ildir ki dəyişməz olaraq 150 manatdır) ən azı 500 manat, “Əməkdar” titulu olanların müavinətinin isə (indi cəmi 100 manatdır) ən azı 300 manat səviyyəsində müəyyən edilməsi üçün (onlardan illərlə yan keçmiş artımlar nəzərə alınmaqla) Sizin tərəfinizdən məsələ qaldırılsın.


Axı, nəyə görə ilk növbədə xalqın qayğısına qalmalı olan deputatlar yalnız özlərini düşünərək, maaşlarını 3-4 min manata qaldırıblar, ancaq dövlətə, cəmiyyətə xidməti, əməyi onlardan heç də az olmayan Əməkdar həkim (müəllim, mühəndis, jurnalist, incəsənət xadimi, inşaatçı və s.) heç də çox olmayan təqaüdlərindən əlavə fəxri titullarına görə cəmi 100 manat müavinət almalıdırlar?

 

Doğrudanmı, fəxri titulları olan bu adamların xalq qarşısında xidmətləri hər cür səlahiyyətləri, əlavə imtiyazları da olan deputatların xidmətlərindən bu dərəcədə aşağı (25-30 dəfədən də az!) dəyərdədır? Və nəyə görə "Xalq", "Əməkdar" titullu nüfuzlu şəxslər 7-8 ilin artımlarında tam unudulub?


Hörmətli cənab nazir!

Ümid edirik ki, Siz Azərbaycan Prezidentinin diqqət və qayğısı sayəsində müavinətlərin yenidən artırıldığı bu günlərdə (təəssüf ki, ticarət maqnatları, monopolist oliqarxlar 11,4 faiz olan sosial artımı gözləmədən, tələm-tələsik qiymətləri hər yerdə 15-20 faiz qaldırıblar) illərlə davam edən bu ədalətsizliyin aradan qaldırılmasına nail olacaqsınız.


Hörmətlə, Məmmədzadə Rəhman Abdurəhman oğlu.
e-mail:  [email protected]

Xəbər lenti

InvestAZ

Ən çox oxunan xəbərlər

Partiya sədri: YAP buraxılmalıdır

“Çalışırlar ki, Azərbaycan asılı, gözüqıpıq bir dövlətə çevrilsin” - MÜSAHİBƏ

“İMZA” - İlhamla Mehribanla Zirvələrə

“Xalqı narazı salmaqla “5-ci kolon”un könlünü xoş edirlər”

“İMZA”çılar Füzuli və Horadizdə şəhid ailələrini ziyarət ediblər

“Xocalı irsi” adlı elektron TƏQDİMAT

"Moskva vəziyyəti gərginləşdirməyə çalışır"

"Ermənistan daha bir hərbi cinayətə qol qoyur"

"Bu, iki ölkə arasında əməkdaşlığın daha da inkişafına təkan verəcək"

"Bu missiyanı bizim iqtidar öz öhdəsinə götürməlidir"

Yaqub Məmmədovun ÖMÜR SALNAMƏSİ

“Bu xəstələrə çiy meyvə və tərəvəz qəbulu məsləhət görülmür”

“8 Noyabr” stansiyası istismara hazırlanır

Millət vəkilindən toy mərasimləri ilə bağlı TƏKLİF

"Qarabağı verdi, indi də Rusiyanı Qafqazdan çıxartmaq istəyir"