"Kreslosunu xalqın sərvətini oğurlamağa açar hesab edənlərin sayı azalmır"

12:51 12-02-2021 | icon 277 | Siyasət
"Kreslosunu xalqın sərvətini oğurlamağa açar hesab edənlərin sayı azalmır"

Razi Nurullayev: "İdarəetmənin ciddi və əsaslı təkmilləşdirilməsinə ehtiyac var"

 

“Azərbaycanda idarəetmənin ciddi və əsaslı təkmilləşdirilməsinə ehtiyac var. Prezidentin Qarabağda səlahiyyətli nümayəndələrinin təyin olunmasını bəyənirəm və ümid edirəm ki, bu, həm də yeni idarəçilik sisteminə keçidin başlanğıcıdır. Prezidentin çıxışlarından görürük ki, o, hazırkı idarəetmədən və alınan nəticələrdən çox narazıdır. Təmsil etdiyim Milli Cəbhə Partiyası da narazıdır və bu qədər səylərin sonunda narazılığın günü-gündən artması da bizi narahat edir. Bunu əsas tutaraq Milli Cəbhə Partiyasının mövqeyini bəyan edirəm”.

 

Versus.Az xəbər verir ki, bunu Milli Cəbhə Partiyasının (MCP) sədri, deputat Razi Nurullayev deyib.

 

Deputat bildirib ki, Prezidentin təşəbbüsü ilə aparılan islahatlar, yeni kadr dəyişiklikləri, şəffaflığın təmin edilməsi üçün qəbul edilən qərarlar ayrı-ayrı vəzifələrdə müsbət hallar yaratsa da, ümumilikdə vəziyyət dəyişməz qalır:

 

“Zənn edirik ki, Prezidentin də narahatlıqları bununla bağlıdır. Talançılığın, bəzən özbaşnalığın, özündənrazılığın, kreslosunu xalqın sərvətini dağıtmağa, oğurlamağa açar hesab edənlərin sayı azalmır və davranışlarında dəyişiklik azdır. Belə bir məqamda Prezidentin verdiyi sərəncamların, yaratdığı qurumların sayı da çoxalır. Say çoxalır, nəticə isə zəif.

Milli Cəbhə Partiyası hesab edir ki, siyasi sistemin özündə korrupsiyalaşma elementi var. Nə edirsən et, o element daxildən çürütməkdə davam edir. Həqiqət naminə qeyd edirik ki, Prezident son bir neçə ildə ciddi qətiyyət sərgiləyir və birinci şəxsin gündən-günə daha da sərtləşdiyinin şahidi oluruq. Onun üçün də gecikmədən siyasi idarəetmə mexanizminin əsaslı dəyişdirilməsinə zərurət var. Xalq dayanmadan qapımızı döyür. Hesab edirik ki, ciddi məsləhətləşmələrə, ictimai dinləmələrə, ekspert rəylərinə və xarici təcrübəni öyrənməyə ehtiyac var. Təəssüf edirəm ki, hələ bu gün də Azərbaycanın qeyri-rəsmi “quberniyalara” bölünməsi halı mövcuddur. Bu kiçik padşahlıq sistemini kim və niyə yaradıb?

Əgər o 10-15 nəfər ölkənin xoşbəxt gələcəyini bu idarəetmədə görürsə, bu xalq niyə xoşbəxt deyil? Heç onların özü də varidatları olsa belə xoşbəxt deyillər. Özünü xoşbəxt edə bilməyən xalqı necə xoşbəxt edəcək? Məgər hər şey varidatla ölçülür? Niyə bu məsələdən imtina etmirik? Hələ də bacarıqlara, keyfiyyətə, potensiala, təcrübəyə əsaslanmadan ölkəboyu böyük yerdən kiçik yerlərə kimi effektsiz kadrların irəli çəkilməsi davam edir. Dostunu, qohum-əqrabasını, sinif yoldaşını, biznes ortağını, nə bilim kimi irəli çəkirlər, təqdimat yazırlar. Bu, bizi hara aparır? Uçuruma. Onun üçün də gecikmədən, gözləmədən siyasi idarəetmə mexanizmlərini təmamən dəyişdirmək zərurətdir ki, o sistemə nüfuz edən korrupsiyalaşma elementi bütöv bir ölkəni məhv etməsin".

 

R.Nurullayev əvvəlki mövqeyini də xatırladıb:

"Əvvəllər çox demişəm ki, əgər Prezident Qarabağı alarsa, lap siyasətdən də gedərəm. İlham Əliyev bunu edib, Prezidentə şəxsi rəğbətim var və bu ömürlükdür. Bu, şəxsi münasibət, şəxsi bağlılıqdır, özümün və təmsil etdiyim partiyanın siyasətinə bağlı deyil. Bu gün dediklərim ölkə və bu gün ona rəhbərlik edən Prezident üçündür. Ölkəmin və vətəndaşların xoşbəxt olmasını istəyirəm. Heç bir nazirə, dövlət vəzifəsi daşıyanlara qarşı kinim, qərəzim və hesabım yoxdur. Siyasi mədəniyyət, etika və insanlıq naminə görüşürəm də, salamlaşıram da, hörmətlərini də saxlayıram. Gərək hər kəs bilsin ki, bu, heç onların özünə də sərf etmir. O nə həyatdır ki, gözün qapıda qalacaq, birdən qapı döyülər, qarapaltarlılar əlində qandal içəri girər. Heç kimə belə həyat və tale arzulamıram”.

 

SEVDA
Versus.Az

Xəbər lenti

Qənirə Paşayeva konfransda dünya azərbaycanlılarına çağırış etdi

"Xocalı soyqırımını törədənlərin ədalət qarşısında cavab verməsinə nail olmalıyıq"

"Ən vacib amillərdən biri itkilərin az olması idi"

VHP-dən Xocalı soyqırımı ilə bağlı BƏYANAT

“Sanki erməniləri Dağlıq Qarabağa yerləşdirmək üçün gəliblər” - MÜSAHİBƏ

Ermənilər onun fotoaparatını pulla alıb İrəvanda yandırmaq istədiklərini deyiblər - MÜSAHİBƏ

 “Rusiya öz hərbi bazasında Ermənistan üçün yeni ordu yaradır” - MÜSAHİBƏ

ABŞ yenidən qapılarını əcnəbilərin üzünə açdı

Deputatdan yaşlı qadınların küçələri qardan təmizləməsinə NARAZILIQ

“Xocalı Nişanəsi” adlı qısametrajlı film təqdim edilib

“Ana harayı” abidəsini ziyarət fərqli təşkil ediləcək

Soydaşlarımız Polşa seymini Xocalı soyqırımını tanımağa çağırıblar

MMP Xocalı soyqırımı ilə bağlı BƏYANAT YAYDI

Komitə sədri QMƏVŞİB Tovuz rayon şöbəsinin sədri və şəhid ailəsi ilə görüşüb

İgid qəhrəmanlarımızdan biri - RƏŞAD NƏBİZADƏ

Azərbaycan və Pakistan parlament dostluq qrupları Xocalı soyqırımına həsr olunmuş görüş keçirib

XOCALI SOYQIRIMI Türkiyə Böyük Millət Məclisində ANILDI

İrəli
InvestAZ

Ən çox oxunan xəbərlər

““5-ci kolon”-un Qarabağdakı erməni qohumlarını silib-süpürəcəyik” - MÜSAHİBƏ

"Yaxşı olardı ki, “onların eyni millət olmadığı” fikirləri dost olduğu ermənilərə desin"

İgid qəhrəmanlarımızdan biri - RƏŞAD NƏBİZADƏ

Ölüm qorxusu - Həyat eşqi

880 yaşlı söz bağçasının həmişəbahar gülləri...

Millət vəkili şəhid Teymur Abbasovun ailəsi ilə görüşüb

Bu telekanalları izləyənlər CƏRİMƏLƏNƏCƏK

“Milan” son anda üzüldü

Tramp tərəfdarlarının yeni iğtişaşa hazırlaşdığı ehtimal edilir

“What Armenians did in Karabakh?” adlı videoçarx hazırlanıb

"Bu, sondur, “artsax” olmayacaq"

Tələbəni təhqir edən kollec direktoru CƏZALANDIRILDI

Məktəblərdən biri koronavirusa görə BAĞLANDI

Xocalı qətliamının ildönümü ilə bağlı daha bir BƏYANAT

Tikinti şirkəti qanunsuz sökdüyü obyekti bərpa etmək istəmir