Qənirə Paşayeva görkəmli alim Nüşabə Araslı ilə görüşüb

12:21 02-04-2021 | icon 38 | Cəmiyyət
Qənirə Paşayeva görkəmli alim Nüşabə Araslı ilə görüşüb

Millət vəkili AMEA-nın müxbir üzvünü 80 illik yubileyi münasibəti ilə təbrik edib

 

Milli Məclisin Mədəniyyət Komitəsinin sədri Qənirə Paşayeva AMEA Nizami Gəncəvi adına Ədəbiyyat İnstitutu Nizamişünaslıq şöbəsinin müdiri, AMEA-nın müxbir üzvü Nüşabə xanım Araslı ilə Mədəniyyət Komitəsində görüşüb.

 

Versus.Az xəbər verir ki, millət vəkili Qənirə Paşayeva Nüşabə xanımı 80 illik yubileyi münasibəti ilə təbrik edib, ürək sözlərini bölüşüb:

 

“Hörmətli Nüşabə xanım, Sizi – görkəmli filoloq alim, ictimai və elm xadimini 80 illik yubileyiniz münasibəti ilə təbrik edir, möhkəm can sağlığı diləyirik! Siz alim, müəllim, elm və ictimai xadim olaraq, gənc nəslin elmə həvəsləndirilməsi, elmi uğurlar əldə etməsi, onların yolunda yaşıl işıq yandırılması sahəsində özünəməxsus xidmətləri olan görkəmli aydınımızsız. Siz Azərbaycan ədəbiyyatı üzrə bir sıra tədqiqatlarınızla məşhursuz. “Arif Ərdəbili və onun “Fərhadnamə” poeması”, “Nizami və türk ədəbiyyatı”, “Nizaminin poetikası” kimi 3 monoqrafiyanın, beşi tərtib, onsəkkizi dərslik olmaqla 23 kitabın, ölkəmizdə və xaricdə çıxmış 150-dən çox məqalənin müəllifisiz. Siz Azərbaycan Prezidentinin Sərəncamı ilə “Şöhrət” ordeni ilə təltif olunmusuz. Sizi 80 illik yubileyiniz münasibəti ilə Mədəniyyət Komitəsi adından bir daha təbrik edir, ən xoş diləklərimizi yetiririk”!

 

Q.Paşayeva N.Araslıya Mədəniyyət Komitəsi adından Təbrik Məktubu və Qarabağ motivli xatirə hədiyyələri təqdim edib.

 

Görüşdə Nizamişünas alimlə 2021-ci ilin cənab Prezidentin sərəncamı ilə “Nizami İli” elan olunmasından irəli gələn vəzifələr mövzusunda da fikir mübadiləsi aparılıb. N.Araslı səmimi görüş və təbrik üçün Komitə sədrinə təşəkkür edib. Görüşdə "Nəfəs" İctimai Birliyinin sədri Firəngiz Balakişiyeva və AMEA Nizami Gəncəvi adına Ədəbiyyat İnstitutu Nizamişünaslıq şöbəsinin əməkdaşı da iştirak edib.

 

 

PƏRİ
Versus.Az

Xəbər lenti

InvestAZ

Ən çox oxunan xəbərlər

“Qazi var ki, Vətən Müharibəsindən sonra yaradılan fondların diqqətindən kənarda qalıb”

"Rusiya xofundan birdəfəlik qurtulmalıyıq" - MÜSAHİBƏ

"Uşaqpulu mütləq verilməlidir"

"Hər bir vətəndaşımız bu bərpa işində dövlətə dəstək verməlidir"

"Ruslarla ermənilər əllərindən gələni edəcəklər ki, bu baş verməsin"

“Ən kasıb ölkələrdə belə uşaqpulu verilir”

“İlqar Məmmədov özünü Qərbə təslim etmiş bir adamdır”

Düşünülmüş və planlı şəkildə aparılan siyasətin nəticəsi - ARAŞDIRMA

“Gürcüstan parlamenti Azərbaycanın mövqeyini müdafiə etməyəcək”

Qripin müalicəsi və qorunma yolları

"30 il ərzində kimin kim olduğunu gördük"

“Bunu həyat tərzinizə çevirməyin”

“Lazım olsa Milli Şuranın, Müsavatın qarşısına çıxarıq” - MÜSAHİBƏ

"Bu yaşımda saçım ağarmasaydı, xəcalətimdən cəmiyyət içinə çıxa bilməzdim"

DEPUTAT: Hərbi qənimətlər parkı - yeni and yerimiz!