“Bunu eşidəndə çox sevindim”

07:26 16-04-2021 | icon 216 | Şəhidlər və şahidlər
“Bunu eşidəndə çox sevindim”

Yəhudi qadının ölmüş ərinin gözünü bağışladığı qazi danışdı

 

“Hər dəfə israilli həkimlərə minnətdarlığımı bildirirəm”.

 

Bunu Azvision.az -a Vətən Müharibəsi iştirakçısı, israilli qadının vəfat etmiş həyat yoldaşının gözünün buynuz qişasını bağışladığı qazi Arif Hacıyev deyib.

 

- Arif bəy, bir müddət əvvəl sağ gözünüzdən əməliyyat olunmuşdunuz. İndi vəziyyətiniz necədir? Özünüzü necə hiss edirsiniz?

- Hazırda hospitaldayam. Müayinələrə gedib-gəlirəm. Tikişlərim qalıb, israilli həkim Azərbaycana gələndə gözümü yoxlatdırıram. Çünki mənə aid bir şey deyil, donordur.

4 həftədən sonra Travmatologiya İnstitutunda qolumdakı dəmirlər dirsəkdən aşağı sökülməlidir. Ondan sonra əməliyyatın Türkiyədə, yaxud Bakıda olması ilə bağlı qərar veriləcək. Qolumda yumşaq toxuma defekti var. Yəni əzələ, sümük problemi yaşayıram, qolumda qopma aşkarlanıb. Taleh həkim də daxil olmaqla cərrahlar bunun üzərində işləyir, ora sümük qoyulacaq, sinir əməliyyatı həyata keçiriləcək.

 

 

- Gözləyərdinizmi ki, İsraildən olan xanım sizə belə bir jest edər, yoxsa sizin üçün sürpriz oldu?

- Yox, bilirdim ki, əvvəl-axır donordan istifadə ediləcək. Pulla alınacaq və s. Türkiyədə əməliyyat olunacağımı gözləyirdim. Sonra israilli həkimlər dedi ki, özləri ilə donor gətiriblər. Hər ölkənin özünün donor bankı var. Mən də çox sevindim, əməliyyat uğurlu alındı. Əvvəldən hər iki gözüm 100 faiz görürdü. Döyüş zamanı partlayış olmuşdu və sağ gözüm sıradan çıxmışdı. Ancaq hansısa bir işığı görürdüm.

 

 

- Hansı istiqamətdə döyüşlərdə iştirak etmisiniz?

- Füzuli və Cəbrayıl istiqamətində vuruşmuşam. Hərbi səfərbərliklə çağırılmışdım.

- Buna qədər nə işlə məşğul olmusunuz?

- Qrafik dizayner işləyirdim. Bundan sonra da işimlə məşğul olacağam.

- Bu gün İsrail xalqı müstəqilliyin 73 ilini qeyd edir. Saytımız vasitəsi ilə onları təbrik etmək istərdinizmi?

- İsarilli həkimlər hər dəfə gələndə mən onlara minnətdarlığımı bildirirəm. İsrail səfiri də mənimlə görüşmüşdü. Biz onlara təşəkkürümüzü bildirdik. Mən onların bayramını təbrik edirəm, nə yaxşı ki, İsrail dövləti bizim yanımızdadır. Həmin qadına minnətdaram.

 

 

 

Xəbər lenti

InvestAZ

Ən çox oxunan xəbərlər

Bronxial astma xəstəliyində yeganə və əsas klinik ƏLAMƏT

“ADDIM-ADDIM YAPONİYA”nın TƏQDİMATINDA

"İşğaldan azad edilmiş torpaqlarımıza BÖYÜK QAYIDIŞ buradan başlayır - MÜSAHİBƏ

Müəllimlərin sertifikasiyası keçiriləcək?

Nazir əyani dərslərin bərpasından DANIŞDI

Bakı-Sumqayıt yolu BAĞLANDI

X-XI siniflərdə dərslər distant formada davam etdiriləcək

Vakant yerlərin sayı AÇIQLANDI

"Harutyunyanı yox, Hafiz Hacıyevi axtarıb, dərdlərini bölüşməlidilər"

"Heydər Əliyevin namizədliyini irəli sürəndə məni öldürəcəkdilər" - MÜSAHİBƏ

“Qəribə dünya” - YENİ KLİP

Gənclər Hafiz Hacıyevin partiyasına üz tutur - FOTO

Ermənilərin daha bir YALANI

“İMZA”çılar Ümummilli liderin doğum günündə

Sabah hava necə olacaq?