"Azərbaycan tərəfi buna etirazını bildirməlidir"

11:39 22-04-2021 | icon 271 | Siyasət
"Azərbaycan tərəfi buna etirazını bildirməlidir"

Asim Mollazadə: “Sülhməramlı başqasının ölkəsində öz missiyasından kənara çıxmamalıdır”

 

"Azərbaycan ictimaiyyəti sülhməramlıların öz missiyasından kənar olan addımlarına etiraz edir. Sülhməramlıların özbaşına Azərbaycan ərazisində parad keçirmək istəyi üçtərəfli sazişin müddüəlarına ziddir".

 

Versus.Az xəbər verir ki, bunu açıqlamasında millət vəkili Asim Mollazadə bildirib.

 

Onun sözlərinə görə, Rusiya qoşunları paradı öz ərazilərində keçirə bilərlər. Xoşlarına gəlirsə bunu Ermənistanda edə bilərlər:

 

"Azərbaycan ərazisində isə Azərbaycan silahlı qüvvələri zəruri olan məqamlarla bağlı paradlarını keçirə bilər. Bu mənada sülhməramlılar başqasının ölkəsində öz missiyalarından kənara çıxmamalıdırlar. Ona görə də düşünürəm ki, bu mənfi xarakter daşıyan, ziddiyyət təşkil edən, bölgədə sülhün yaranmasına maniə törədən məqamlardandır. Azərbaycan tərəfi buna etirazını bildirməlidir”.

 

Deputat özbaşına hərəkət edən sülhməramlılarının fəaliyyət müddəti başa çatmadan imtina edilməsi ilə bağlı ortaya çıxan məqamlarla bağlı qətiyyətli davranmağı tövsiyə edib:

 

“Proses diqqətlə izlənilməli və sülhməramlıların mandatdan xaric bütün fəaliyyətinə qiymət verilməlidir. Hansısa kəskin qərarlar deyil, məhz çərçivəni saxlayaraq, bu missiyanı sülhə xidmət etməyə məcbur etməliyik. Qarabağda keçirilən bu cür şoular yolverilməzdir və buna qarşı çıxış etməliyik”.

 

SEVDA
Versus.Az

Xəbər lenti

InvestAZ

Ən çox oxunan xəbərlər

Bronxial astma xəstəliyində yeganə və əsas klinik ƏLAMƏT

“ADDIM-ADDIM YAPONİYA”nın TƏQDİMATINDA

"İşğaldan azad edilmiş torpaqlarımıza BÖYÜK QAYIDIŞ buradan başlayır - MÜSAHİBƏ

Müəllimlərin sertifikasiyası keçiriləcək?

Nazir əyani dərslərin bərpasından DANIŞDI

Bakı-Sumqayıt yolu BAĞLANDI

X-XI siniflərdə dərslər distant formada davam etdiriləcək

Vakant yerlərin sayı AÇIQLANDI

"Harutyunyanı yox, Hafiz Hacıyevi axtarıb, dərdlərini bölüşməlidilər"

"Heydər Əliyevin namizədliyini irəli sürəndə məni öldürəcəkdilər" - MÜSAHİBƏ

“Qəribə dünya” - YENİ KLİP

Gənclər Hafiz Hacıyevin partiyasına üz tutur - FOTO

Ermənilərin daha bir YALANI

“İMZA”çılar Ümummilli liderin doğum günündə

Sabah hava necə olacaq?