Məzahir Pənahovla “tamam” deyil, “davam” QƏRARI

10:23 30-04-2021 | icon 394 | Siyasət
Məzahir Pənahovla “tamam” deyil, “davam” QƏRARI

Fuad Əliyev: "MSK-da da gəncləşmə olmalı idi"

 

Milli Məclisin aprelin 27-də keçirilən plenar iclasında Mərkəzi Seçki Komissiyasının yeni tərkibi formalaşdırılıb. Tərkibdə əsas diqqətləri daha çox hakim Yeni Azərbaycan Partiyasının parlamentə göndərdiyi adlar çəkib.

 

Göründüyü kimi, siyahıda birinci şəxs MSK-ya 20 ildir rəhbərlik edən 70 yaşlı Məzahir Pənahovdur. Aydındır ki, MSK sədrini də hakim çoxluq müəyyən etdiyindən Məzahir Pənahovla “tamam” deyil, “davam” qərarı verilib.

 

MSK üzvləri kimi YAP mənsublarının çoxluğunu, eləcə də bitərəf deputatların daha çox iqtidarpərəst olduqları üçün təqdim etdikləri şəxslərin də olacağı ehtimallarının yüksəkliyini nəzərə alaraq, M.Pənahovun yenidən sədr seçilməsi gözlənilən idi. Digər tərəfdən, onun alternativsiz namizəd olacağı da açıq görünürdü.

 

M.Pənahova yenidən etimad göstərilməsi çoxlu müzakirələrə yol açdı.

 

Azərbaycan Liberal Demokrat Partiyasının (ALDP) sədri Fuad Əliyev açıqlamasında bildirib ki, Məzahir Pənahovun “sirri”ni hakimiyyətdaxili çəkişmələrdə axtarmaq lazımdır:

 

“Bundan qabaq da demişdim ki, başladılan kadr islahatları yarımçıq qalıb. Və gözlənildiyi kimi, Məzahir Pənahov bu dəfə də MSK sədri seçildi. Komissiya sədri kimi onun fəaliyyəti birmənalı deyil və fəaliyyəti ilə bağlı narazı olanların sayı çoxdur. Məzahir Pənahov alimdir, ziyalıdır və ona bu baxımdan hörmət edirəm. Amma bir neçə sahələrdə gəncləşmə getdiyinə görə MSK-da da yeniləşmə olmalıdır. Və bunun üçün savadlı və peşəkar kadrlar var. Hər halda, kimin seçilməsinə baxmayaraq, əsas iş seçki sisteminin təkmilləşdirilməsindən keçir. Seçki komissiyaları həqiqi mənada müstəqil olmalıdırlar. Seçki komissiyalarının formalaşmasında müəllim və həkimlər iştirak etməməlidirlər. Seçkilər isə ”Elektron səsvermə" ilə keçirilməlidir".

 

Versus.az

Xəbər lenti

InvestAZ

Ən çox oxunan xəbərlər

Nəcməddin Sadıqovdan Hafiz Hacıyevin iddialarına CAVAB

"Minanı kim basdırıb, günahkar kimdir, demədilər"

12 yaşlı iş adamı

"Kəlbəcərdə baş verən son hadisə tamamilə başqa mətləblərdən xəbər verir"

"Bəyannamədə minalanmış ərazilərin xəritələrinin verilməsi bəndi yoxdur"

Məşhur aktyor Türkiyə yığmasına MÜRACİƏT

Məşhur müğənni həbs oluna bilər

Metroda rəqs edən kişini həbs gözləyir

Məşhur Sofiyadan sonra Qreyms gəlir

Azərin yeni ifası ilə Türkiyə millisinə dəstək oldu

Ermənistan yenidən Kəlbəcər istiqamətində mövqelərimizi atəşə tutdu

Ali məktəblərə qəbul imtahanlarının TARİXİ

Birinci sinfə gedəcək uşaqların SAYI

Rezidenturaya qəbul imtahanının VAXTI

Ermənistan silahlı qüvvələri Kəlbəcər istiqamətində bölmələrimizə atəş açıb