Deputatdan maklerlərin fəaliyyəti ilə bağlı TƏKLİF

12:49 05-05-2021 | icon 163 | Siyasət
Deputatdan maklerlərin fəaliyyəti ilə bağlı TƏKLİF

Rüfət Quliyev: "Bunların qazancı da qeyri-müəyyəndir”

 

“Azərbaycanda rieltorların (maklerlər) fəaliyyətində sistemlilik yoxdur. Buna görə də bu sahədə sistemlilik yaratmaq lazımdır”.

 

Versus.Az xəbər verir ki, bunu açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Rüfət Quliyev deyib.

 

Deputat bildirib ki, maklerlərin fəaliyyətində sistemlilik olarsa, onların həm qanun, həm də müştərilər qarşısında məsuliyyəti yaranır:

“Azərbaycanda rieltorlar çox xaotik vəziyyətdə işləyirdilər və bu vəziyyət hazırda da belədir. Bir çox rieltorlar heç bir məsuliyyət daşımır – istər satan, istər də alan insanın qarşısında. Bunların qazancı da qeyri-müəyyəndir”.

 

Millət vəkili qeyd edib ki, Azərbaycanda Mərkəzi Rieltor Xidməti fəaliyyət göstərir:

“Həmin müəssisənin fəaliyyəti hərtərəfli şəkildə bu işdəki problemlərin həllinə kömək olacaq və məsuliyyət yaranacaq. Gəlin, bir məqama nəzər salaq. Bir ildən artıq qanun qəbul olunub ki, bütün yeni mənzillərdə alqı-satqı notarial qaydada aparılsın. Əvvəllər isə böyük problemlər var idi – bir ev bir neçə nəfərə satılırdı”.

 

R.Quliyev söyləyib ki, Mərkəzi Rieltor Xidməti hazırda kiçik bir qurumdur və gələcəkdə orta biznesə çevriləcək:

“Məndə olan məlumata görə, orada 25 nəfərə yaxın insan çalışacaq və dövlətə vergi ödəniləcək. Mən də bunu alqışlayıram. Belə kiçik və orta müəssisələrə dövlət tərəfindən də dəstək lazımdır. Dünya ölkələrində bu cür xidmətlər yaradılıb”.

 

Deputat qeyd edib ki, hər bir növ, o cümlədən rieltor fəaliyyəti üçün ayrıca qanunun qəbuluna ehtiyac yoxdur:

“Opponentlər qeyd edirlər ki, məsələnin tənzimlənməsi üçün ayrıca qanunlara ehtiyac var. Hər bir fəaliyyət sahəsi ilə bağlı ayrıca qanun bürokratiyaya gətirib çıxarır. Təbii ki, bu fəaliyyət tənzimlənməlidir, ancaq ayrıca qanuna ehtiyac yoxdur. Sadəcə mövcud qanunlara dəyişiklik etməklə məsələləri tənzimləmək olar. Ona görə ki, biz onsuz da kiçik və orta biznesi inkişaf etdiririk və dövlət buna təkan verir”.

 

Millət vəkili bildirib ki, əcnəbi şəxslərin Azərbaycanda daşınmaz əmlak alması hallarının çoxalması yaxşı olardı, çünki bu da xarici investisiyanın bir növüdür.

 

R.Quliyev qeyd edib ki, daşınmaz əmlakın sahibi tez-tez dəyişirsə, bu zaman iqtisadi əsaslarla bazarda stabillik yaranır – həm qiymətlər, həm də icarə faizi ilə əlaqədar:

“Bu nöqteyi-nəzərdən baxanda, bizə lazımdır ki, alqı-satqı ilə bütün əməliyyatlar qeydiyyatdan keçsin”. /oxu.az/

 

Versus.Az

Xəbər lenti

InvestAZ

Ən çox oxunan xəbərlər

Bronxial astma xəstəliyində yeganə və əsas klinik ƏLAMƏT

"İşğaldan azad edilmiş torpaqlarımıza BÖYÜK QAYIDIŞ buradan başlayır - MÜSAHİBƏ

“ADDIM-ADDIM YAPONİYA”nın TƏQDİMATINDA

Müəllimlərin sertifikasiyası keçiriləcək?

Nazir əyani dərslərin bərpasından DANIŞDI

Bakı-Sumqayıt yolu BAĞLANDI

X-XI siniflərdə dərslər distant formada davam etdiriləcək

Vakant yerlərin sayı AÇIQLANDI

"Harutyunyanı yox, Hafiz Hacıyevi axtarıb, dərdlərini bölüşməlidilər"

"Heydər Əliyevin namizədliyini irəli sürəndə məni öldürəcəkdilər" - MÜSAHİBƏ

“Qəribə dünya” - YENİ KLİP

Gənclər Hafiz Hacıyevin partiyasına üz tutur - FOTO

Ermənilərin daha bir YALANI

“İMZA”çılar Ümummilli liderin doğum günündə

Sabah hava necə olacaq?