Emeri tarixə düşdü

08:44 27-05-2021 | icon 269 | İdman
Emeri tarixə düşdü

UEFA Avropa Liqasında final oyunu keçirilib.

 

Versus.Az xəbər verir ki, həlledici görüşdə İspaniyanın “Vilyarreal” və İngiltərənin “Mançester Yunayted” klubları üz-üzə gəlib.

 

Polşanın Qdansk şəhərində keçirilən görüşün əsas vaxtında qalib müəyyənləşməyib.

 

Komandalar hərəsi hər hissəyə bir qol vurmaqla oyunu əlavə vaxta aparıblar. Belə ki, qarşılaşmanın 29-cu dəqiqəsində Jerar Moreno “Vilyarreal”ı irəli çıxarsa da, 55-ci dəqiqədə Edinson Kavani “Mançester Yunayted”in bərabərlik qoluna imza atıb.

 

Oyuna əlavə edilmiş vaxtda tərəflərdən heç biri fərqlənə bilməyib.

 

Bunun məntiqi nəticəsi olaraq görüşün taleyini həll etmək üçün penalti vuruşlarına ehtiyac duyulub.

 

Maraqlıdır ki, “Vilyareal” həmin ana qədər meydanda olan 11 oyunçusu da 11 metrlik zərbəni dəqiq yerinə yetirib, amma “Mançester Yunayted”in 10 sahə oyunçusunun əziyyətini qapıçı De Xea yerə vurub. İspaniyalı qapıçı həmyerlilərinə qarşı şansdan yararlana bilməyib və çempionluğu “Vilyareal”a “bağışlayıb”.

 

Qeyd edək ki, “Vilyareal”ın baş məşqçisi Unay Emeri Avropa Liqasının tarixinə düşüb.

 

Çalışdırıcı turnirin ən çox qalibi olan baş məşqçi adına yiyələnib.

 

2013/14, 2014/15 və 2015/16 mövsümlərində “Sevilya”nı titula daşıyan Emeri bu dəfə “Vilyarreal”la qalib olub. Bununla da ispaniyalı yarışın tarixinə 4 qat qalib olan ilk məşqçi kimi düşüb.

 

O, üç uğuru olan Covanni Trapattonini arxada qoyub. İtaliyalı 1976/77 və 1992/93 mövsümlərində “Yuventus”la, 1990/91 mövsümündə “İnter”lə uğur əldə edib.

 

UEFA Avropa Liqası
Final
“Vilyarreal” (İspaniya) – “Mançester Yunayted” (İngiltərə) - 1:1 (Penalti seriyası - 11:10)

Qollar: Jerar Moreno, 29 - Edinson Kavani, 55

Xəbər lenti

InvestAZ

Ən çox oxunan xəbərlər

Nəcməddin Sadıqovdan Hafiz Hacıyevin iddialarına CAVAB

"Minanı kim basdırıb, günahkar kimdir, demədilər"

12 yaşlı iş adamı

"Kəlbəcərdə baş verən son hadisə tamamilə başqa mətləblərdən xəbər verir"

"Bəyannamədə minalanmış ərazilərin xəritələrinin verilməsi bəndi yoxdur"

Məşhur aktyor Türkiyə yığmasına MÜRACİƏT

Məşhur müğənni həbs oluna bilər

Metroda rəqs edən kişini həbs gözləyir

Məşhur Sofiyadan sonra Qreyms gəlir

Azərin yeni ifası ilə Türkiyə millisinə dəstək oldu

Ermənistan yenidən Kəlbəcər istiqamətində mövqelərimizi atəşə tutdu

Ali məktəblərə qəbul imtahanlarının TARİXİ

Birinci sinfə gedəcək uşaqların SAYI

Rezidenturaya qəbul imtahanının VAXTI

Ermənistan silahlı qüvvələri Kəlbəcər istiqamətində bölmələrimizə atəş açıb