"Bu, onlara dövlət dəstəyinin daha bir nümunəsidir"

09:49 09-07-2021 | icon 184 | Cəmiyyət
"Bu, onlara dövlət dəstəyinin daha bir nümunəsidir"

Fuad Əliyev: "Bu bir çox neqativ halların qarşısını alacaq"

 

“Ölkəmizdə şəhid ailələrinə, müharibə iştirakçılarına, qazilərə diqqət və qayğı göstərilməsi təqdirəlayiqdir. Azərbaycan cəmiyyətinin həmrəyliyi ilə yanaşı, dövlətimizin bu istiqamətdə gördüyü işlər mühüm əhəmiyyət kəsb edir”.

 

Versus.Az xəbər verir ki, bunu açıqlamasında Azərbaycan Liberal Demokrat Partiyasının (ALDP) sədri Fuad Əliyev bildirib.


Partiya sədrinin sözlərinə görə, şəhid ailələrinin, qazilərin və müharibə veteranlarının problemlərinin həlli daim dövlətin diqqət mərkəzindədir:

“Bu baxımdan, dövlət başçısı İlham Əliyevin 25 iyun tarixində imzaladığı “Şəhid ailələri üzvlərinin, müharibə ilə əlaqədar xəsarət almış hərbi qulluqçuların və əlilliyi müəyyən edilmiş şəxslərin müraciətləri üzrə vahid əlaqələndirmə mərkəzlərinin yaradılması və fəaliyyətinin təşkili haqqında” Fərman böyük önəm daşıyır. Belə ki, vahid əlaqələndirmə mərkəzlərinin yaradılması həmin kateqoriyadan olan şəxslərə əmək, məşğulluq, sosial müdafiə, tibbi-sosial ekspertiza, reabilitasiya, müalicə, müayinə, eləcə də digər sahələrdə göstərilən xidmətlərin keyfiyyətinin yüksəldilməsinə kömək edəcək”.


Fuad Əliyev deyib ki, Prezident tərəfindən imzalanan Fərman, eyni zamanda, vətəndaş məmnunluğunun təmin olunması üçün atılan mühüm addımdır:

“Bu proses dövlət başçısının, dövlətin müvafiq qurumlarının nəzarəti altında olacaq. Vahid əlaqələndirmə mərkəzləri bu sahədə əvvəlki illərdə müşahidə edilən bir çox neqativ halların qarşısını alacaq. Belə ki, həmin kateqoriyadan olan vətəndaşlara göstərilən xidmətlərin vahid məkandan həyata keçirilməsi həm müxtəlif bürokratik maneələri, həm də saxta əlillik təminetmə hallarını aradan qaldıracaq. Ən nəhayət, vahid əlaqələndirmə mərkəzlərinin yaradılması şəhid ailələrinə və müharibə əlillərinə dövlət dəstəyinin daha bir nümunəsidir”.

 

PƏRİ
Versus.Az

Xəbər lenti

InvestAZ

Ən çox oxunan xəbərlər

Koronavirusa 468 yeni yoluxma faktı müəyyən olunub

63 min əhalisi olan ölkə Olimpiya Oyunlarında qızıl medal qazandı

“Paşinyan yenə xislətinə uyğun manevrlər edir”

“Zaman kapsulu” yaradılır

Hafiz Hacıyevin müavininin "facebook"dakı rəyi gündəm oldu

Bu gün I və IV ixtisas qrupları üzrə 14 mindən çox abituriyent imtahan verəcək

Ən yüksək bal toplayan abituriyentlərin SAYI

Hər peyvənd olunana 100 dollar

Ermənistan atəşkəsi yenə pozdu

Mövludun mübarək, Şəhidim

Bağçasında quyu qazarkən 100 milyon dollarlıq sapfir tapdı

İmtahan suallarının çətinləşdirilməsi məsələsinə aydınlıq gətirildi

Yer üçün təhlükəli olan asteroid xəbərdarlığı

Qəbul imtahanının nəticələri

Sunami XƏBƏRDARLIĞI