"Əliyevin dənizdən dənizə planı"

12:30 09-07-2021 | icon 123 | Siyasət
 "Əliyevin dənizdən dənizə planı"

Zahid Oruc: "İşğalçılıq planları ilə nə Aralıq və Qara dənizə, nə də Xəzərə əliniz çatacaq"

 

"İki gün əvvəl prezident İlham Əliyevin iqtisadi rayonların xəritəsini Vətən Müharibəsinin parlaq nəticələrinə uyğunlaşdıran qərarı tarixi irsə hörmət nümunəsidir, ona görə də bir sıra xarici informasiya vasitələrində sənədə "siyasi yol xəritəsi" adının verilməsini məntiqi qarşılamlayıq. Konkret desək, ”Şərqi Zəngəzur” terminini Azərbaycanın itirdiyi tarixi ərazilərə iddiasının hüquqi aktı kimi qəbul edənlər oldu. Əlbəttə, indi İlham Əliyevin hər bir addımı təkcə qonşu dövlətlərdə deyil, eləcə də uzaq paytaxtlarda maraqla izlənilir. Lakin biz ölkə rəhbərinin təkcə Xankəndinin, Xocalının, Xocavəndin daxil olduğu Qarabağa hədəfləndiyini yox, daha böyük məqsədlərə, o cümlədən “Qərbi Zəngəzur” dəhlizinə qədər uzanan planlarına region dövlətlərinə ərazi iddiası deyil, bir vaxtlar üç dəniz əfsanəsi adlandırılan layihələrin davamı kimi baxmalıyıq".

 

Versus.az xəbər verir ki, bunu millət vəkili, Milli Məclisin İnsan hüquqları komitəsinin sədri Zahid Oruc parlamentin bu gün keçirilən plenar iclasında deyib.

 

Komitə sədri xatırladıb ki, Bakı-Tiflis-Ceyhan və Cənub Qaz dəhlizi ilə iki qitə arasında etibarlı körpülər qurandan sonra ölkəmiz dəmir yollarının yeni coğrafiyasını inşa edərək Avrasiyanı iqtisadi-ticarət yolları ilə bir-birinə bağlamağa nail olmuşdu:

 

"Bununla da İlham Əliyev son iki yüz ildə ilk dəfə ölkəmizi Rusiya və İran, Rusiya və Türkiyə, eləcə də Türkiyə və İran arasında tarixən məruz qaldığı savaş meydanına deyil, davamlı əməkdaşlıq və uzlaşma məkanına çevirməyi bacardı. Halbuki, üç dənizi birləşdirmək  planı nə qədər paradoksal olsa da dənizi olmayan ermənilərə məxsusdur - onlar Qara dənizə, Aralıq dənizinə və Xəzərə çıxış əldə etmək istəyirdilər, əvəzində indi dənizdən dənizə planını İlham Əliyev özünün qurucu və strateji ağlı ilə heç bir qonşu dövlətə torpaq iddiası etmədən, bir-biri ilə soyuq savaşda olan dövlətləri belə siyasi coğrafiyası özündən böyük olan Azərbaycan ətrafında birləşdirərək həyata keçirir".

 

Millət vəkili vurğulayıb ki, Gülüstan sarayında qalib ordu heyəti ilə görüş də, Ələt limanından Zəngəzura gedəcək yollar da, Füzuldəki hava limanı da dünyaya və ilk növbədə ermənilərə verilən mesajdır:

"işğalçılıq planları ilə nə Aralıq dənizinə və Qara dənizə, nə də Xəzərə əliniz çatacaq. İndi ən başlıca vəzifəmiz, azad torpaqlarda görülən işlər haqqında hər gün Hərbi-Mülki Qərargah tərəfindən xalqımıza açıq məlumat verməkdir. Sonuncu Azərbaycan vətəndaşı doğma yurduna qayıdana qədər daimi fəaliyyət göstərən və qaynar xətti, fəal iş rejimi olan Qərargahın işini dayandırmamalayıq. Biz Qələbəmizi informasiya məkanını zəbt edən intriqalarla gözdən salmamalıyıq. Bəli, İlham Əliyev bizi strateji ağlı ilə Qarabağa qaytardı, indi biz həmin ağılla türkə qardaş, yəhudiyə, ingilisə, rusa  dost, İrana özümüz kimi baxıb daha böyük hədəflərə köklənməyi bacarmalıyıq!"

 

Versus.az

Xəbər lenti

InvestAZ

Ən çox oxunan xəbərlər

Koronavirusa 468 yeni yoluxma faktı müəyyən olunub

63 min əhalisi olan ölkə Olimpiya Oyunlarında qızıl medal qazandı

“Paşinyan yenə xislətinə uyğun manevrlər edir”

“Zaman kapsulu” yaradılır

Hafiz Hacıyevin müavininin "facebook"dakı rəyi gündəm oldu

Bu gün I və IV ixtisas qrupları üzrə 14 mindən çox abituriyent imtahan verəcək

Ən yüksək bal toplayan abituriyentlərin SAYI

Hər peyvənd olunana 100 dollar

Ermənistan atəşkəsi yenə pozdu

Mövludun mübarək, Şəhidim

Bağçasında quyu qazarkən 100 milyon dollarlıq sapfir tapdı

İmtahan suallarının çətinləşdirilməsi məsələsinə aydınlıq gətirildi

Yer üçün təhlükəli olan asteroid xəbərdarlığı

Qəbul imtahanının nəticələri

Sunami XƏBƏRDARLIĞI