Deputatın mandatdan məhrum edilməsi PROSEDURU

13:42 09-07-2021 | icon 181 | Siyasət
Deputatın mandatdan məhrum edilməsi PROSEDURU

Milli Məclisinin İntizam komissiyasının səlahiyyətləri məlum olub.

 

Versus.az xəbər verir ki, bu, Milli Məclisin bu gün keçirilən iclasında müzakirəyə çıxarılan Milli Məclisinin İntizam komissiyasının Əsasnamə layihəsində əksini tapıb.

 

İntizam komissiyası deputatların sırasından 1 il müddətinə 11 üzvdən ibarət tərkibdə seçilir. Seçildikdən sonra İntizam komissiyası öz üzvləri sırasından komissiyanın sədrini, sədr müavinini və katibini seçir.

 

İntizam komissiyasının səlahiyyətləri aşağıdakılardır:

 

- “Azərbaycan Respublikası Milli Məclis deputatının etik davranış qaydaları haqqında” qanun ilə müəyyən edilmiş etik davranış qaydalarına riayət olunmasına nəzarət etmək və bu məsələlərlə bağlı müraciətlərə baxmaq;

- etik davranış qaydaları barədə deputatları məlumatlandırmaq;

- deputatın həyata keçirdiyi və həyata keçirməyi nəzərdə tutduğu fəaliyyətin “Azərbaycan Respublikası Milli Məclis deputatının etik davranış qaydaları haqqında” qanunun tələblərinə uyğunluğu barədə qənaətə gələ bilmədiyi məsələyə dair rəy vermək;

- deputat hədiyyənin qəbul edilməsi ilə bağlı qərara gələ bilmədiyi məsələ barədə rəy vermək;

- deputatın xidməti vəzifələrinin icrası ilə maraqları arasında ziddiyyət yarana biləcəyi hallar barəsində verilən məlumata dair rəy vermək;

- Daxili Nizamnaməyə əsasən, Milli Məclisin, yaxud onun komitə və ya komissiyasının iclasına sədrlik edənin təqdimatı əsasında araşdırma aparmaq və müvafiq əsaslar aşkar etdikdə deputat barəsində töhmət intizam tədbirinin tətbiq edilməsi haqqında qərar qəbul etmək;

- Daxili Nizamnaməyə əsasən, Milli Məclis sədrinin təqdimatı əsasında araşdırma aparmaq və müvafiq əsaslar aşkar etdikdə deputat barəsində intizam tədbirinin tətbiq edilməsi haqqında qərar qəbul etmək, yaxud deputatın səlahiyyətlərinin itirilməsi intizam tədbirinin tətbiq edilməsinə dair rəy qəbul edib Milli Məclisin müzakirəsinə təqdim etmək;

 

- Deputatın toxunulmazlığına xitam verilməsi haqqında Baş Prokurorun təqdimatına Milli Məclisin sədrinin göndərişi əsasında baxıb müvafiq rəy qəbul etmək və Milli Məclisin müzakirəsinə təqdim etmək;

- Konstitusiyanın 89-cu maddəsinin 1-ci hissəsinin birinci bəndinin 4-cü, 6-cı və 7-ci yarımbəndlərində göstərilən hallar baş verdikdə Milli Məclisin sədrinin təqdimatı əsasında araşdırma aparmaq və müvafiq əsaslar aşkar etdikdə deputatın mandatından məhrum edilməsinə dair rəy qəbul edib Milli Məclisin sədrinə təqdim etmək;

- Daxili Nizamnaməyə əsasən, Milli Məclisin iclasının stenoqrammı rəsmi dərc olunanadək deputatın öz çıxışının mətni ilə tanış olması ilə bağlı yarana bilən mübahisələri və həmin mətnə dair fikir ayrılıqlarını həll etmək;

- deputat barəsində intizam icraatı başlamaq və ona xitam vermək;

- görülən tədbirlərə dair mütəmadi ümumiləşdirmələr aparıb Milli Məclisin sədrinə məlumat vermək;

- Daxili Nizamnamədə və bu Əsasnamədə nəzərdə tutulmuş digər səlahiyyətləri həyata keçirmək;

 

İntizam Komissiyası ondan asılı olmayan səbəblərdən deputata maddi və sair nemətlər, imtiyazlar və ya güzəştlər verilməsi barədə deputatın məlumatına əsasən “Azərbaycan Respublikası Milli Məclis deputatının etik davranış qaydaları haqqında” qanunun 10.1-1-ci maddəsində nəzərdə tutulmuş məbləğdən yuxarı olan hədiyyələrin Milli Məclisin Aparatına akt üzrə təhvil verilməsinə nəzarət edir.

 

Layihə səsverməyə çıxarılaraq bir oxunuşda qəbul edilib.

Xəbər lenti

InvestAZ

Ən çox oxunan xəbərlər

Koronavirusa 468 yeni yoluxma faktı müəyyən olunub

63 min əhalisi olan ölkə Olimpiya Oyunlarında qızıl medal qazandı

“Paşinyan yenə xislətinə uyğun manevrlər edir”

“Zaman kapsulu” yaradılır

Hafiz Hacıyevin müavininin "facebook"dakı rəyi gündəm oldu

Bu gün I və IV ixtisas qrupları üzrə 14 mindən çox abituriyent imtahan verəcək

Ən yüksək bal toplayan abituriyentlərin SAYI

Hər peyvənd olunana 100 dollar

Ermənistan atəşkəsi yenə pozdu

Mövludun mübarək, Şəhidim

Bağçasında quyu qazarkən 100 milyon dollarlıq sapfir tapdı

İmtahan suallarının çətinləşdirilməsi məsələsinə aydınlıq gətirildi

Yer üçün təhlükəli olan asteroid xəbərdarlığı

Qəbul imtahanının nəticələri

Sunami XƏBƏRDARLIĞI