"Məhdudiyyətlərin vaxtı noyabrın 1-nə uzadılsın"

13:56 02-09-2021 | icon 476 | Siyasət
"Məhdudiyyətlərin vaxtı noyabrın 1-nə uzadılsın"

ALDP Əli Əsədova müraciət etdi

 

Azərbaycan Liberal Demokrat Partiyasının (ALDP) sədri Fuad Əliyev partiyanın Rəyasət Heyətinin online iclasını keçirib.

 

Bu barədə Versus.Az-a partiyanın Mətbuat Xidmətindən bildirilib.

 

Məlumata görə, iclasda partiyanın yay tətilindən sonra fəaliyyət proqramı, əhalinin vaksinasiya ilə bağlı problemlər və bəzi təşkilati məsələlər müzakirə olunub.

 

Müzakirələrdən sonra vaksinasiya ilə bağlı Azərbaycan Respublikasının baş naziri Əli Əsədova müraciət qəbul olunub. Müraciətdə deyilir:

 

"Hörmətli Əli müəllim, məlum olduğu kimi, 1 ildən çoxdur ki, bütün dünyada COVİD-19 pandemiyası tuğyan edir. Bu xəstəlik Azərbaycandan da yan keçməyib. Pandemiyanın ilk günlərindən Azərbaycan hakimiyyətinin qabağlayıcı tədbirlər görməsini təqdirəlayiq hesab etdik və partiya olaraq "evdəqal" kampaniyasının aktiv təbliğatçısı olduq. Bir neçə ay bundan əvvəl COVİD-19-un yeni ştamlarının yayılması nəticəsində, ölkəmizdə xəstələrin sayı yenidən yüksəldi. Artıq bu ilin əvvəlindən əhalinin vaksinasiya işlərinə start verilib. Vaksinasiyanın ilk günlərindən TƏBİB rəhbərliyinin "vaksinasiya könüllüdir" deməsi, vətəndaşlarda arxayınçılıq yaratmışdı. Daha sonra "vaksinasiya mütləqdir" və sentyabrın 1-dən COVİD-pasportsuz ictimai yerlərə və böyük marketlərə buraxılmaması, vaksinasiya olmaq istəyənlərin sayı artdı. Bunun nəticəsində səhiyyə müəssisələrində böyük sıxlıq müşahidə olunur. Bu müşahidə olunan sıxlıq dolayısı ilə yoluxanların sayının artmasına gətirib çıxardır.

Hörmətli Əli müəllim, səhiyyə müəssisələrində sıxlığın qarşısının alınmasını və vətənaşların vaksinasiya olunmasının istəyini nəzərə alaraq, Nazirlər Kabinetinin “Xüsusi karantin rejiminin müddətinin uzadılması və bəzi məhdudiyyətlərin aradan qaldırılması ilə bağlı tədbirlər barədə” qərarına bir də baxılması və məhdudiyyətlərin vaxtının (noyabrın 1-nə) uzadılmasını xahiş edirik".

 

SEVDA
Versus.Az

Xəbər lenti

InvestAZ

Ən çox oxunan xəbərlər

“Əgər bunları bir özü, bir papkası olan partiyalar qane edirsə, getsinlər…”

“Qarabağda anti-terror əməliyyatlarına başlayacaqsa…”

“Milli maraqlarımızı qorumalı və xarici təpkilərə qarşı çıxmalıyıq”

YAP-dan qovuldu

“Nəzarətimizdə olmayan yolların istifadəsinin də yollarını tapacağıq”

Deputat Romada Qarabağla bağlı Azərbaycanın mövqeyindən danışıb

“Ermənistanla haqq-hesabı yenidən çürütmək lazım gələcək”

Alqış Musayev yenidən baş redaktor oldu

YAP-ın bir sıra rayon təşkilatlarına təyin edilən YENİ SƏDRLƏR

Ramiz Göyüşovdan müsahibə alan jurnalist SAXLANILIB

Türkdilli ölkələr arasında anlaşma memorandumu imzalanıb

Sayt rəhbəri həbs edildi

Hacıbala Abutalıbov və Tağı Əhmədovun YENİ İŞ YERİ

Əsgərin ölümü ilə bağlı baş çavuş həbs edildi

“Fizioterapiya ilə müalicə hər zaman effektlidir”