“Əli Əliyevin fikirləri görülən işlərə kölgə salır”

10:27 06-09-2021 | icon 171 | Siyasət
“Əli Əliyevin fikirləri görülən işlərə kölgə salır”

“Azərbaycan 44 günlük Vətən müharibəsində qalib gəldi. Ordumuz erməni terrorçularını ərazilərimizdən qovdu. Azərbaycan dövləti cənab Preizdent İlham Əliyevin rəhbərliyi altında Şərqi Zəngəzura qayıdış planını uğurla həyata keçirir. Xalqımız proseslərdən məmnundur. Tezliklə keçmiş məcburi köçkünlərin dədə-baba yurdlarına qayıtmasının şahidi olacağıq. Əldə edilən zəfər Azərbaycanın iqtisadi inkişafına, regionda mövqeyini qoruyub saxlamasına, daha da güclənməsinə xidmət etməkdədir. Təəssüflər olsun ki, əldə edilən uğurları, həyata keçirilən işləri görməzdən gələn, düzgün qiymətləndirə bilməyən şəxslər də var. Vətəndaş və İnkişaf Partiyasının sədri Əli Əliyevin son dövrlərdə səsləndirdiyi bəzi fikirlər başqa məqsədlərə xidmət edir. O, populist və reallığı əks etdirməyən çıxışlarla özünə siyasi dayaq tapmaq, müəyyən dərəcədə reytinqini artırmaq istəyir. Nəticə etibarilə o, görülən işlərə kölgə salır”.

Versus.az xəbər verir ki, bunu açıqlamasında Milli Məclisin deputatı Naqif Həımzəyev bildirib.

N.Həmzəyev xatırladıb ki, cənab Prezident İlham Əliyev çıxışlarında dəfələrlə Azərbaycanı dəstəkləyən dövlətlərin adını sadalayıb: “Bilirik ki, dostumuz və düşmənimiz kimdir...”.

Deputatın sözlərinə görə, Azərbaycan və Türkiyə münasibətlərinə kölgə salmaq istəyən qüvvələr anlamalıdırlar ki, Azərbaycan və Türkiyə qardaş ölkədir, strateji müttəfiqdir: “Hələ bir müddət əvvəl Şuşa Bəyannaməsi imzalanıb. Bu, Azərbaycana ən böyük dəstəkdir. Azərbaycan da həmişə Türkiyənin yanındadır. Ölkəmiz balanslaşdırılmış siyasətini həyata keçirmək gücündə, qüdrətində olan dövlətdir. Heç kəs Azərbaycan və Türkiyə münasibətlərinə kölgə sala bilməz. Təəssüflər olsun ki, Rusiyanı və Belarusu tənqid edən Əli Əliyev vaksin məsələsində həmin dövlətlərdən misallar çəkir. Anlamır ki, pandemiyadan yeganə çıxış yolu vaksinasiyadır. Hazırda güclü dövlətlər vaksinasiyaya üstünlük verirlər. Qardaş Türkiyədə də vaksinasiya ilə bağlı sərt qaydalar tətbiq edirlər. Orada hətta 3-cü və 4-cü doza vaksinlər də vurulmaqdadır. Azərbaycanda vaksinasiya prosesi dövlət tərəfindən həyata keçirilir, xidmət tam ödənişsizdir. Hansısa xoşəgəlməz hal varsa da belə, hüquq mühafizə orqanları tədbir görürlər. Vaksinasiya ilə bağlı manipulyasiyaya ehtiyac yoxdur. Vaksin olunan şəxslər bu bəlanı daha asan sovuşdura bilir. Həkimlərimizin əməyini, dövlətin həyata keçirdiyi işləri yerə vurmaq düzgün deyil. Vaksin olunmaqla həm özümüzü, həm də ətrafdakı insanları qoruyuruq. Kim vaksin vurdurmaq istəmirsə, öz işidir. Dövlət işində, xüsusilə təhsil sahəsində çalışanlar peyvənd olunmalıdırlar. Xidmət sahələrində çalışanların da peyvənd olunması tövsiyə edilir. Hansısa kiçik nöqsanları qabardaraq manipulyasiya etmək düzgün deyil. Tövsiyə edərdim ki, Azərbaycan Prezidenti İlham Əliyevin həyata keçirdiyi işlərə yalnız dəstək verək. Belə etməklə qarşıya qoyduğumuz məqsədlərə daha tez çata bilərik. Ermənilərin maraqlarına xidmət edən fikirlərin tirajlanmasına yol verməməliyik. Biz birlik və bərabərlik nümayiş etdirməliyik, cənab Prezidentin ətrafında həmrəy olmalıyıq”.

 

Versus.az

Xəbər lenti

InvestAZ

Ən çox oxunan xəbərlər

Prezidentin çıxışındakı ÖNƏMLİ MESAJ

Nizami Gəncəvinin "Xəmsə"si işıq şousunun vasitəsi ilə CANLANDI

Azərbaycan tərəfindən xülasə SƏNƏD

Kral ailəsinin üzvləri eynicinsli nikaha girə biləcək

Ən çox kitab oxuyan ÖLKƏLƏR

“Bu dövlət mütləq dəyişəcək”

"...Ölümlərin sayı son bir ilin ən aşağı səviyyəsinə düşüb"

Evdə “Wi-Fi”ın sürətini artırmağın ÜSULU

Velosipedçilərdən ibarət TOY KARVANI

“Bu, İrana dvident gətirə bilərdi”

Ənənəvi tədris DAYANDIRILDI

Sərnişinlərin NƏZƏRİNƏ

Vətəndaşların pulunu mənimsəyən makler SAXLANILIB

Qanunsuz erməni silahlı dəstələrinə məxsus PUA ələ keçirildi

Xalq artistinin qızına HÖKM OXUNDU