Jurnalistimiz Türkiyədə koronavirusdan vəfat etdi

14:24 11-10-2021 | icon 134 | KİV
Jurnalistimiz Türkiyədə koronavirusdan vəfat etdi

Türkiyədə koronavirusa yoluxmuş azərbaycanlı jurnalist vəfat edib.

 

Versus.Az xəbər verir ki, bu barədə Bakı Dövlət Universitetinin (BDU) Jurnalistika fakültəsinin müəllimi Pərvanə İbrahimova məlumat yayıb.

 

O qeyd edib ki, 1996-ci il təvəllüdlü Salamov Nurlan Xanağa oğlu bu gün dünyasını dəyişib.

 

Məlumat üçün bildirək ki, N.Salamov sentyabrın 20-dən özünü narahat hiss edib. Ayın 22-si səhər saat 06:00-da Türkiyəyə uçub, vəziyyəti çox sonra pisləşib. Atatürk Universitetində təhsil alan Nurlan ayın 25-də saturasiyası düşüb və boğulma simptomları ilə İkinci Əbdülhəmid Araşdırma Xəstəxanasına aparılıb. Orada 7 gün palatada yatıb, daha sonra reanimasiya şöbəsinə köçürülüb. Bu gün isə onu Marmara Eğitim Araşdırmalar Hastanesinə köçürmüşdülər.

 

Qeyd edək ki, Nurlan Salamov Azərbaycanın xaricdə təhsil alan ən perspektivli gənclərindən biri idi. 2017-ci ildə bakalavriaturanı (Bakı Dövlət Universitetinin Jurnalistika fakültəsi) yüksək göstəricilərlə fəxri məzun olaraq başa vurub. 2019-cu ildə isə Bakı Dövlət Universiteti Beynəlxalq jurnalistika kafedrasının Beynəlxalq jurnalistika ixtisaslaşması üzrə magistraturadan ən yüksək ÜOMG ilə fərqlənmə diplomu alaraq məzun olub. Həmin ildə Türkiyə Dövlət Təqaüd Proqramı – Türkiye Burslarını qazanıb. Hazırda Erzurum Atatürk Universiteti Sosial Elmlər İnstitutu Kommunikasiya fakültəsi Jurnalistika kafedrasının doktorantı idi. Bir sıra müsabiqələrin qaliblərindəndir, müxtəlif illər üzrə “İlin Ən Yaxşı Tələbəsi”, “İlin Ən Savadlı Tələbəsi” fəxri adlarına layiq görülüb.

 

“Jurnalist” tələbə-tədris qəzetinin redaktoru, “Tələbədən Tələbəyə”, “Beynəlxalq Jurnalistika Məktəbi” kimi layihələrin heyət üzvü olub. Aznews.az informasiya portalında beynəlxalq xəbərlər müxbiri, Milli İrsi Mədəni Tarixi Araşdırmalar Fondunda "Füyuzat" və "İşıq" jurnallarının sosial media meneceri olaraq çalışıb. “Kaspi”, “Şərq”, “Ədalət”, “Jurnalist” qəzetləri, “Füyuzat”, “İşıq”, “Ulduz” jurnalları və bir sıra internet KİV orqanlarında yazılarla çıxış edib. Elmi tezis və məqalələri Azərbaycan Respublikası, Türkiyə Cümhuriyyəti və Rusiya Federasiyasında respublika və beynəlxalq səviyyəli elmi-praktik konfransların materialı olaraq dərc olunub.

Xəbər lenti

InvestAZ

Ən çox oxunan xəbərlər

Xanım siyasətçidən “avtobus müxalifəti” deyənlərə TUTARLI CAVAB

"Bunun fonunda İranın Azərbaycana “xox” gəlməsi mənasız görünür" - MÜSAHİBƏ

"O əldəqayırma deputat gedib işi ilə məşğul olsun"

Partiya sədri mer postuna İDDİALIDIR

Söz atdı, cavabını da aldı

"Bu agentura şəbəkələri ifşa olunmalıdır"

Morton nevroması daha çox qadınlara qənim kəsilib

Daha bir qadağa qüvvəyə mindi

Prezidentin çıxışındakı ÖNƏMLİ MESAJ

Hüquq müdafiəçisi beynəlxalq təşkilatları QINADI

İran yeni, çox böyük təlimlərə BAŞLADI

Ərdoğan Baydenlə Qarabağı müzakirə edəcək

Uşaq bağçasının müdiri barəsində cinayət işi başlandı

Dünya çempionatına gedəcək samboçular bilindi

Toy qaydaları POZULDU