“Bu, İrana dvident gətirə bilərdi”

07:23 14-10-2021 | icon 124 | Siyasət
“Bu, İrana dvident gətirə bilərdi”

Yusif Bağırzadə: “Bu cür münasibət İran dövlətinə baha başa gələcək”

 

“Azərbaycan regionda sülhün, əminəmanlığın, qonşularla iqtisadi-siyasi əməkdaşlığın tərəfdarıdır. Biz şimal-cənub, şərq-qərb kommunikasiya xətlərinin açılmasında maraqlıyıq və cənab Prezident özü də 3+3 formatını təklif edib ki, bu platformada İran və Ermənistanın da iştirakını nəzərdə tutur. Amma İran və Ermənistan bundan imtina etmək üçün öz yersiz bəhanələrindən əl çəkmirlər”.

 

Versus.Az xəbər verir ki, bunu politoloq Yusif Bağırzadə İranla Ermənistanın Cənubi Qafqaz regionunda iqtisadi əməkdaşlıq və kommunikasiyaların açılmasına maneə yaradan hərəkətləri ilə bağlı açıqlamasında bildirib.

 

Y.Bağırzadə qeyd edib ki, bu yaxınlarda Azərbaycan Astara-Rəşt dəmir yolunun açılması ilə əlaqədar İrana 5 yüz milyona yaxın kredit verib. Azərbaycan o yolun çəkilişi ilə bağlı öz öhtəliyini yerinə yetirsə də, İran hələ də o yolun açılmasını ləngidir:

 

“Əksinə, İran öz yük maşınlarını Azərbaycanın icazəsi olmadan sərhəddən keçirib Xankəndiyə göndərmək istəyir, Xəzərdə və quru sərhədində, havada təlimlər keçirməklə Azərbaycana əzələ nümayiş etdirir, üstəlik bəzi dini liderləri məsuliyyətsiz bəyanatlar verirlər. Təbii ki, rəsmi Azərbaycan buna adekvat cavablar verdi və veriləcək. Azərbaycanı İsraillə əməkdaşlıq qurduğuna gərə ittihamlayan İran faktiki olaraq 30 ildir Azərbaycan torpaqlarını işğal edən Ermənistanla sıx əlaqələrə malikdir. Azərbaycan torpaqlarına təcavüz edən Ermənistanın İranda, İranın isə Ermənistanda səfrilikləri fəaliyyət göstərir.  Amma hələ də İsrailin Azərbaycanda, Azərbaycanın isə İsraildə diplomatik nümayəndəliyi yoxdur. Ancaq hələ prezidentin səlahiyyətlərini icra edən Yaqub Məmmədov 92-ci ilin may ayında İrana səfər edəndə Şuşanı itirmişdik. Ondan əvvəlki səfərində Xocalını itirmişdik, orada soyqırımı törədilmişdi. Bu o deməkdir ki, İran Azərbaycana qarşı səmimi deyil, İran Azərbaycanın güclənməsindən narahatdır”.

 

Politoloq bildirib ki, İran dövləti Azərbaycana qarşı səhv mövqe tutub və bu, İran dövlətinə baha başa gələcək. O, bəyan edib ki, bu gün İran Ermənistanla ticarət əlaqələri saxlamaqla heç nə qazanmayacaq:

 

“Amma İran 3+3 platdormasında Azərbaycanla əməkdaşlıq etsəydi, Rəşt-Astara və digər kommunikasiya xətlərinin açılışı olsaydı, bu, İrana dvident gətirə bilərdi”.

 

Y.Bağırzadə vurğulayıb ki, İranın Türkiyənin regionda möhkəmlənməsi və Zəngəzur dəhlizinin açılmasına maneə yaratmaq cəhdləri uğursuz olacaq. Onun fikrincə, regionda həmişə rus çarlarının, fransızların, avropalıların, indi İranın oyunçağı olmaq Ermənistan üçün mənfi haldır:

 

“Biz İranın ərazi bütövlüyünü tanımışıq. İran da Azərbaycanın ərazi bütövlüyünə hörmət eləsin. İranda hansı dövlət quruluşunun olması bizim üçün maraqlı deyil. Azərbaycan bütün qonşu dövlətlərlə qonşuluq əlaqələrini qurmaq istəyir. Az qala bu gün Ermənistan dövləti pozitiv bəyanatlar versə də, İran dini rəhbərləri, hərbçiləri başqa bəyanatlar verirlər. İranın neqativ bəyanatları vəziyyəti gərginləşdirir”.

 

Tahirə Qafarlı

Xəbər lenti

InvestAZ

Ən çox oxunan xəbərlər

Xanım siyasətçidən “avtobus müxalifəti” deyənlərə TUTARLI CAVAB

"Bunun fonunda İranın Azərbaycana “xox” gəlməsi mənasız görünür" - MÜSAHİBƏ

"O əldəqayırma deputat gedib işi ilə məşğul olsun"

Partiya sədri mer postuna İDDİALIDIR

Söz atdı, cavabını da aldı

"Bu agentura şəbəkələri ifşa olunmalıdır"

Morton nevroması daha çox qadınlara qənim kəsilib

Daha bir qadağa qüvvəyə mindi

Prezidentin çıxışındakı ÖNƏMLİ MESAJ

Hüquq müdafiəçisi beynəlxalq təşkilatları QINADI

İran yeni, çox böyük təlimlərə BAŞLADI

Ərdoğan Baydenlə Qarabağı müzakirə edəcək

Uşaq bağçasının müdiri barəsində cinayət işi başlandı

Dünya çempionatına gedəcək samboçular bilindi

Toy qaydaları POZULDU