Xalçalarımız xarici diplomatları heyran edib

12:03 29-11-2018 | icon 116 | Mədəniyyət
Xalçalarımız xarici diplomatları heyran edib

 

Azərbaycanda akkreditə olunmuş səfirlik və beynəlxalq təşkilatların rəhbərləri, onların xanımları Xarici İşlər Nazirliyinin təşkilatçılığı ilə cənub bölgəsinə səfər ediblər. Lənkəran şəhərinə səfər çərçivəsində qonaqlar “Azərxalça” Açıq Səhmdar Cəmiyyətinin Lənkəran filialı ilə də tanış olublar.

 

“Azərxalça” Açıq Səhmdar Cəmiyyətindən Versus.Az-a verilən məlumata görə, filialın direktoru Nargilə Qənbərova məlumat verib ki, bu xalça istehsalı emalatxanası “Azərxalça”nın hazırda fəaliyyət göstərən 11 filialından biridir. Filial binası bu il oktyabrın 15-də Prezident İlham Əliyevin və birinci xanım Mehriban Əliyevanın iştirakı ilə istifadəyə verilib.

 

Dövlət başçısının 2018-ci il 17 mart tarixli Sərəncamı ilə Lənkəranda xalça istehsalı emalatxanasının tikintisi, təchizatı və infrastrukturunun yaradılması üçün 2 milyon manat vəsait ayrılmışdı. Ələt-Astara-İran İslam Respublikası ilə dövlət sərhədi avtomobil yolunun 199-cu kilometrliyində yerləşən filialın inşasına bu ilin əvvəlində başlanılıb və tikinti işləri yüksək keyfiyyətlə aparılıb. Burada 150 toxucu və 14 inzibati-təsərrüfat işçisinin fəaliyyəti üçün müasir iş şəraiti yaradılıb. Bina toxuculuq emalatxanası, inzibati otaq, anbar, yeməkxana, tibb otağı, xalça satışı salonu, konfrans zalı və digər bölmələrdən ibarətdir. Emalatxanada müxtəlif ölçülü 43 dəzgahda Azərbaycan xalçaları toxunur. Əsasən Astara, Lerik, Lənkəran, Masallı və Yardımlı rayonlarının kəndlərində toxunan orijinal xalça çeşnilərinə üstünlük verilir.

 

Bildirilib ki, müəssisədə çalışan toxucular rayonun Kənarmeşə, Girdəni, Kərgəlan, Havzova kəndlərinin və Lənkəran şəhərinin sakinləridir. Onlar “Azərxalça”nın burada təşkil olunmuş tədris-hazırlıq kurslarına cəlb edilib, xalçaçılıq üzrə bacarıq və vərdişlərini təkmilləşdiriblər.

 

Qeyd olunub ki, qısa müddət ərzində fəaliyyət göstərməsinə baxmayaraq, artıq filialda 20-ə yaxın xalça kəsilib. Dövlət başçısının böyük uzaqgörənliklə yaratdığı Lənkəran xalça istehsalı emalatxanası bu bölgədə xalçaçılıq ənənələrinin yaşadılmasına və inkişafına öz töhfəsini verir.

 

Diplomatlar burada toxunan xalçalara heyran olduqlarını bildiriblər, onların keyfiyyəti və qiymətləri ilə maraqlanıblar.

Sonra qonaqlar hazır xalçanın kəsilməsi prosesini izləyiblər.

Xəbər lenti

InvestAZ

Ən çox oxunan xəbərlər

“Fuad Abbasovu aradan götürmək istəyirlər”

"Fuad Abbasov kimi həmyerlilərimizə arxa durmalı, dəstək verməliyik"

Laçınsız 27 il - “İnşallah bir gün qələbə müjdəsi ilə gələrik ziyarətinizə”

“12 illik həsrətdən sora evimizin 2-ci mərtəbəsinə qalxıb hönkür-hönkür ağladım”

Keçmiş döyüşçülər: "Ali baş komandanın əmrini gözləyirik

YAP-çı deputat: “Fuad Abbasov qanı erməni qanına qarışmış azərbaycanlı diaspor nümayəndələrinin vasitəsilə saxlanılıb”

Fuad Abbasovun ailəsi məhkəmə qərarlarına qarşı apellyasiya şikayəti verir

Erməni Xocalıda Azərbaycan uşaqlarının qanı ilə pərvazlanır...

“…İşğalçı dövlətə qarşı sanksiya tətbiq edilsin” - MÜSAHİBƏ

“Ailəmi dolandırmaq üçün xəstəliklərin yayıldığı Yəmənə getməyə məcbur oldum”

“Fuad Abbasovun deport olunması məqsədilə saxlanılmasını qınayırıq”

"Laçın hələ işğal edilməmişdən mənim işğala görə həbsim ssenariləşdirilmişdi" - MÜSAHİBƏ

Allahına və dövlətinə güvənən Şəhidim – ƏFİLAĞA HƏSƏNOV

Tarix İnstitutunun Keşikçidağla bağlı BƏYANATI

Fuad Abbasovla bağlı Putinə müraciət edilib