"Bunlar “tənha terrorçu”lardır”

12:30 15-11-2021 | icon 185 | Müharibə
"Bunlar “tənha terrorçu”lardır”

Serqey Strokan: “Erməni terrorçu Azərbaycanda mühakimə olunmalıdır”

 

“Ermənistanda elə insanlar var ki, ötən ilin payızında baş verənləri qəbul edə və üçtərəfli bəyanatın imzalanmasından sonra yeni reallıqlarla barışa bilmirlər”.

 

Versus.Az xəbər verir ki, bunu açıqlamasında tanınmış rusiyalı siyasi icmalçı Serqey Strokan bildirib.

 

Onun sözlərinə görə, belə insanlar “qırmızı xətt”i keçərək ekstremist, terror hərəkətlərinə əl atmağa hazırdırlar:

 

“Belə insanlar olacaq, çünki onların şəxsiyyətini müəyyənləşdirmək olduqca çətindir. Bunlar “tənha terrorçu”lardır”.

 

Bununla belə, ekspert Ermənistan əhalisinin əksəriyyətinin sülh tərəfdarı olması və müharibə istəməməsini (hansı ki, cari ilin iyununda Ermənistan parlamentinə keçirilən seçkilər göstərdi) vacib amil adlandırıb.

 

Qeyd edək ki, rusiyalı ekspert artıq Azərbaycanın işğaldan azad edilmiş ərazilərinə səfər edib, gələn həftə isə ekspertlər qrupu ilə yenidən ölkəmizə gələcək. Müsahib bir neçə gün öncə Şuşa şəhəri yaxınlığında blokposta Azərbaycan hərbçilərinin yaralanması ilə nəticələnən hücumla və terrorçunun harada mühakimə olunması ilə bağlı fikirlərini bölüşüb.

 

“Mən hüquqşünas deyiləm, amma cinayət törətmiş şəxsə qanunsuz əməlin törədildiyi ölkənin ərazisində hökm vermək lazımdır. Baş verənləri siyasiləşdirmək lazım deyil. Biz ağır cinayət, terror aktından danışırıq. Terrorçular ciddi şəkildə cəzalandırılmalıdır”, - deyə o izah edib.

 

Yeri gəlmişkən, elə Daşaltı yaxınlığında posta hücum baş verən gün Şuşa şəhərinə gələn rusiyalı ekspertlər bildirmişdilər ki, Laçın dəhlizi ilə hərəkət edərkən nəzarətin təmin edilməsində Azərbaycan iştirak edə bilməlidir və ya ən azından Ermənistan vətəndaşlarının giriş-çıxışı ilə bağlı məlumatlar Azərbaycan tərəfinə ötürülməlidir. 

 

“Baş verən insident cari mexanizmin incə düzəlişlərə ehtiyacı olduğuna işarə idi”, - deyən Serqey Strokan sözlərini yekunlaşdırıb. /oxu.az/

 

Versus.Az

Xəbər lenti

InvestAZ

Ən çox oxunan xəbərlər

Hafiz Hacıyevdən hakimiyyətlə təcili görüş barədə ŞOK SƏBƏBLƏR

Azərbaycan-Ermənistan sərhədlərinə dair aşkarlanan xəritələr yayımlanıb

Zabrat körpüsündə ağır QƏZA

Görmə imkanları məhdud vətəndaşlarla GÖRÜŞ

Leykoz xəstəliyindən əziyyət çəkənlərin NƏZƏRİNƏ

"Sosial şəbəkələr ailə və cəmiyyət üzvlərini də bir-birindən ayırır və..."

Uşaqlar üçün verilən pulun məbləği artacaq

Yük maşını YPX avtomobilinə çırpıldı

Vatikanda səfirliyimiz AÇILIR

İş adamlarına MÜRACİƏT

Dörd ölkənin Azərbaycana yeni təyin olunmuş səfirləri qəbul edildi

ŞAD XƏBƏR - 2 minə yaxın yeni iş yeri açılacaq

Tahir Kərimli üzr istədi

Atanın davasından uşaqları zərər çəkdi

Saxta kriptovalyuta satan qadından XƏBƏR VAR