“Terrorçu Azərbaycana təhvil verilməlidir”

08:55 16-11-2021 | icon 117 | Müharibə
“Terrorçu Azərbaycana təhvil verilməlidir”

Şair Ramaldanov: “Terrorçunun Ermənistana verilməsi terrorçulara xidmət edən bir addımdır”

 

Erməni silahlı qüvvələrinin Azərbaycanla sərhəd ərazilərdə törətdiyi növbəti təxribat əməlləri, Şuşada baş verən hadisələr regionda vəziyyətin gərginliyini nümayiş etdirməklə yanaşı bir sıra mübahisəli məqamları ortaya çıxarıb.

 

Belə ki, erməni silahlısı-terrorçu Norayr Mirzoyan Azərbaycan hərbçilərinin blok-postuna yaxınlaşıb ora əl qumbarası atıb və bir neçə hərbçimiz yaralanıb. Rus sülhməramlıları isə həmin terrorçunu saxlayaraq Ermənistana təhvil verib. nİyə? Üstəlik, “Ermənistan milli qvardiyası” qeyri-hökumət təşkilatı Şuşada terror törədən Norayr Mirzoyanın ailəsinə 1000 dollar yardım edəcəyini bildirib. “Mübarizə liderlərini tək qoymamaq hamımızın borcudur”deyə, təşkilat bəyan edir.

 

Şuşa hadisəsinə görə tutulan erməni Azərbaycana təhvil verilə bilərmi?

 

Versus.Az xəbər verir ki, hərbi ekspert Şair Ramaldanov bildirib ki, terrorun milləti, vətəndaşlığı olmur. Harda terror aktı törədilibsə, cinayətkar həmin ölkəyə təhvil verilməlidir.

 

Onun sözlərinə görə, terror Azərbaycan ərazisində törədilib, əsgərlərimiz xəsarət alıblarsa, terrorçu Azərbaycana təhvil verilməlidir:

 

 

“Terrorçu Azərbaycan qanunlarına görə cinayət məsuliyyətinə cəlb olunmalıdır. Bu bütün dünyada belədir. Əgər terrorçular bilsələr ki, terroru törədib öz ölkələrinə təhvil veriləcəklər və onlara yardım olunacaq, o zaman terrora yaşıl işıq yanar. Təbii ki, rus sülhməramlılarının bu addımı başa düşülən deyil və müəyyən mübahisələr yaradır. Və şübhəsiz ki, terrorçunun Ermənistana verilməsi terrorçulara xidmət eliyən bir addımdır”.

 

Ş.Ramaldanov “Ermənistan milli qvardiyası” qeyri-hökumət təşkilatının terrorçunun ailəsinə 1000 dollar yardım ayırmaq istəyini də terrorun təbii ideoloji davamı sayıb. O, bildirib ki, bu terror təsadüfən baş verməyib:

 

“Bu terroru maliyyələşdirən, hazırlayan, sifarişçilər var. Təbii ki, bu terrora görə müəyyən vəsait verib onun ailəsini dolandıracaqlar. Eyni zamanda müvəqqəti sülhməramlıların yerləşdiyi ərazidə olan əhalinin vəziyyəti ağırlaşıb. Belə bir vəziyyətdə “muzdlu qatillər”, “terrorçular” tapmaq onlara asan olacaq. Ona görə də sülhməramlılar tərksilah edilməlidir. Bu məsələnin həlli budur. Erməni silahlıları ərazidən çıxarılmayana qədər belə terror addımları olacaq. Terror baş verirsə, deməli onlar kimlərinsə sifarişini yerinə yetirirlər”.

 

Hərbi ekspert belə halların qarşısının alınması üçün Azərbaycanın radikal addımlar atmasının vacibliyini xüsusilə vurğulayıb. /hafta.az/

 

TAHİRƏ
Versus.Az

Xəbər lenti

InvestAZ

Ən çox oxunan xəbərlər

“Bu ölkələr 90-cı illərdə heç də Azərbaycanın yanında deyildilər”

"Laçın azaddır və insanlarımız o torpaqlarda rahat nəfəs alacaqlar”

"Mənə belə demokratiya lazım deyil"

MMP-dən Tofiq Yaqublunun döyülməsi ilə bağlı BƏYANAT

“Müstəqil Azərbaycanın prezidenti istərmi ki, SSRİ-nin tərkibində asılı dövlət rəhbəri olsun?!”

Azərbaycanda hərbi helikopter QƏZAYA UĞRADI

Baş prokuror helikopterin qəzaya uğraması məsələsini nəzarətə götürdü

Ən pis ssenari: "Putin hücum edə bilər"

Helikopter qəzasında həlak olanların SİYAHISI

"Hündürlüyü itirirdik, sonra anidən yerə çırpıldıq, bir də..." - VİDEO

"Azadlıq fədaisi"nın növbəti QALİBİ

Soçi görüşünü uğursuz hesab edənlərə MESAJ

DSX mayorunun əndazəyə sığmayan hərəkəti KADRLARDA

Gələn ilin BAYRAM GÜNLƏRİ

"Hər şey Rusiyanın və Putinin istəyinə bağlı deyil"