"İcra başçıları hələ də şəhid ailələlərini incidirlər"

08:34 20-11-2021 | icon 189 | Siyasət
"İcra başçıları hələ də şəhid ailələlərini incidirlər"

Hafiz Hacıyev: "Rusiya nə qədər ki, öz istəyinə nail olmayıb, hər gün müharibə gözlənilir"

 

“Noyabrın 16-da dövlət sərhədində Ermənistanın təxribatları nəticəsində baş verən döyüş əməliyyatlarında Göyçədən olan şəhid, müddətdən artıq həqiqi hərbi xidmət qulluqçusu, kiçik çavuş Əliyev Natiq Yusif oğlu mənim qohumumdur. Atamın xalası nəvəsidir. Xəstəliyimlə bağlı dəfn, yas mərasimində iştirak edə bilmədim”.

 

Versus.Az xəbər verir ki, bu fikirləri açıqlamasında Müasir Müsavat Partiyasının (MMP) sədri Hafiz Hacıyev bildirib.

 

H.Hacıyev son günlər ölkə gündəmində baş verənlərə də münasibət bildirib:

 

“Allah bunlara lənət eləsin! Biz şəhid veririk, Qazaxın icra başçısının oğlu 500 minlik maşınını nümayiş etdirir. Bu, Azərbaycan xalqına acıq vermək deməkdir. O biri vicdanını itirmiş icra başçısı şəhid ailəsinin evinə 5 kilo marqarin, 20 kilo un göndərir. Görün şəhid ailələlərini nə qədər incidirlər. Şəhid verdiyimiz halda Qazaxın icra başçısının oğlu maşınına bahalı nömrə, Gəncənin icra başçısı isə qızına Fransada milyardlıq ev alır. Bu cür insanlar düşünürəm ki, ölkənin imici ilə oynayır, nüfuzuna zərbə vururlar. Artıq yetər, bu qədər də olmaz. Bir tərəfdən kasıb balaları şəhid olur, bunların da balaları 500 minlik maşınla şəhid ailələrinə acıq verirlər. Görürük ki, o uşaqlar haradan götürülür, dəfn edilir. Evləri, yaşayış yerləri yoxdur. Bunların hamısı tənzimlənməlidir. Bu cür davam edə bilməz. İnsanların içində çox böyük kin-küdurət var”.

 

H.Hacıyev torpaqlarımızı işğalçılardan azad etdikdən sonra yenidən bizi istəməyən qüvvələrin fəaliyyətə keçdiyini, Azərbaycanda qarşıqlıq salmaq istədiklərini bildirib:

 

“Qələbəmizə kölgə salmaq istəyirlər. Düşünürəm ki, artıq biz dostumuzu, düşmənimizi tanıyırıq. Düşünürəm ki, Azərbaycana sırınan sülhməramlılar nə qədər ki Qarabağdadır, bunlar həmişə təxribat törətməklə məşğul olacaqlar. Ona görə də təcili Azərbaycan Ermənistanla ikitərəfli danışıqlara başlamalı, ermənilərin nə istədiyi aydınlaşmalıdır. Qəti olaraq bu məsələyə son qoyulmalıdır. Yoxsa ki, Rusiyanın Azərbaycanda möhkəmlənməsi üçün bu təxribatları çoxaldacaqlar. Çalışacaq ki, sərhəddə həmişə bu cür təxribatlar törətsinlər. Ona görə də bunların həyasızlığına son verilməlidir. Qəti şəkildə mövqe ortaya qoyulmalıdır”.

 

Partiya sədri bildirib ki, Rusiya nə qədər ki, öz istəyinə nail olmayıb hər gün müharibə gözlənilir:

 

“Rusiya həm Ermənistana, həm də Azərbaycana təzyiq göstərməkdən ötrü onları bizim üstümüzə öyrədib qaldırır. Biz də məcburuq ki, onlara cavab verək, onda da istər-istəməz şəhidlərimiz olur. Ərazi bütövlüyümüzü müdafiə etmək üçün biz həmişə hazır olmalıyıq. Nə qədər ki, Rusiyanın işğalçı ordusu Azərbaycandan, Qarabağdan çıxarılmayıb, vəziyyət belə də olacaq. Xəstə halımla əlimə silah alıb mən də vətənimi, torpağımı qorumağa hazıram. Düşünürəm ki, bu məsələlərin hamısında Rusiyanın əli var. Rusiya çalışır ki, Azərbaycanı əsarəti altında saxlasın, özünə tabe eləsin. Bu da mümkün olan məsələ deyil. Ali Baş Komandanımızın möhkəm iradəsi var. Xalq da, siyasi partiyalar da 44 günlük müharibədə olduğu kimi, bu gün yenə də onunla bir yerdədir”. /Modern.az/

 

Versus.Az

Xəbər lenti

InvestAZ

Ən çox oxunan xəbərlər

Hafiz Hacıyevdən hakimiyyətlə təcili görüş barədə ŞOK SƏBƏBLƏR

Leykoz xəstəliyindən əziyyət çəkənlərin NƏZƏRİNƏ

"Sosial şəbəkələr ailə və cəmiyyət üzvlərini də bir-birindən ayırır və..."

Dörd ölkənin Azərbaycana yeni təyin olunmuş səfirləri qəbul edildi

Tahir Kərimli üzr istədi

Qəzetlərin tirajındakı saxtakarlıqlar məlum oldu

"Putin özbaşınalığına görə mütləq Paşinyana “dərs verəcək”"

Yardımlı şəhər küçələrinin İLHAM RZAYEV PROBLEMİ

105 yaşlı qadının uzunömürlülüyünün SİRRİ

Ov mövsümü başladı...

“WhatsApp”da çoxdan gözlənilən yenilik

Bakıda Zəfər avtoyürüşü

"Ermənistan Rusiyaya mesaj verir ki..."

"Hərbi əsriləri saxlamaq dövlət üçün o qədər də əhəmiyyətli deyil”

EMIN x JAH KHALIB - "Улетай" - PREMYERA