“Hər kəs öz sahəsində mübarizəsini düşmənə qarşı aparsa yaxşıdır”

15:48 05-12-2018 | icon 179 | Cəmiyyət
“Hər kəs öz sahəsində mübarizəsini düşmənə qarşı aparsa yaxşıdır”

 

Əlabbas Məhərrəmli: ““Mirşahin vaxtı”nda işlənən təhqiramiz ifadələr həm də siyasətə, jurnalistikaya etimadsızlıq, nifrət yarada bilər”

 

 

“İstər siyasətcilər, istər də jurnalistlər olsun, istənilən mövzu ətrafında müzakirə apararkən etik çərçivələri aşmamalıdırlar. Bu hərəkətlərlə nə cəmiyyətə müsbət nümunə göstərmək olar, nə də rəğbət qazanmaq”.

 

Bunu Versus.Az-a siyasi ekspert Əlabbas Məhərrəmli son günlərdə televiziya efirinin “Mirşahin vaxtı” ilə Azərbaycanın xanım jurnalistinə və bütövlükdə cəmiyyətə yağdırılan təhqirlərlə bağlı açıqlamasında bildirib.

 

Ə.Məhərrəmli hesab edir ki, “Mirşahin vaxtı”nda işlənən belə təhqiramiz ifadələr cəmiyyətdə neqativ qarşılanmaqla yanaşı, siyasətə, jurnalistikaya etimadsızlıq, nifrət yarada bilər. Qarşıduran tərəflərin əks cinslərə mənsub olmaları isə məsələyə daha kəskin reaksiya doğurur:

 

“Bu məsələnin neçə gündür sosial şəbəkələrdə müzakirə olunması göstərir ki, cəmiyyətin təpkisi keçməyib. Hamıya məlumdur ki, bu iki telejurnalist fərqli siyasi baxışlara malikdirlər və bir-birilərini qəbul etmirlər. Amma bu fərqlilik qarşı tərəfi təhqir etmək üçün əsas ola bilməz və təbii ki, etik normalar gözlənməli idi. Ümumiyyətlə, bir kişinin fikirləri toqquşan qadın haqqında məlum ifadələri işlətməsi qətiyyən doğru deyil. Eyni zamanda, həmin şəxsin özünün də sosial şəbəkələrdə ağır təhqir olunmasını qəbul etmirəm. Yəni bu tendensiyanın dayanması lazımdır. Kimsə öz fikirlərində haqlı və ya haqsız ola bilər, amma hər bir halda təhqirə yol vermək, insanın şəxsiyyətini aşağılamaq qəbuledilməzdir”.

 

Ə.Məhərrəmli belə hallarda cəmiyyətin daha çox uduzduğunu önə çəkib:

“Bilirsiz ki, sosial şəbəkənin istifadəçisi hər evdə var, o cümlədən televiziyalar hər bir evin sakinidir. Belə aşagılayıcı mövzulardan onlara yalniz ziyan gələ bilər. Ölkədə böyük-kiçik, qadın-kişi, qoca-cavan münasibətlərində yanlışliğa yol vermək olmaz. Biz bir millət olaraq qarşılıqlı münasibətlərimizə görə müsbət mənada bir çox millətlərə nümünə oluruq. Bizim onsuz da düşmənimiz bəllidir. Hər kəs öz sahəsində mübarizəsini düşmənə qarşı aparsa daha effektli olar. Qarabağ boyda dərdi olan xalq belə cılız, etik normalara uyğun olmayan didişmələrlə məşğul olmamalıdır”.

 

LƏMAN
Versus.Az

Xəbər lenti

InvestAZ

Ən çox oxunan xəbərlər

“Yerlə yeksan edəcəklər ki, Azərbaycana qalmasın” - MÜSAHİBƏ

AVMVİB-in təsis etdiyi xatirə medalı Şəhidin anasına təqdim edildi

Deputat türk dünyası şairləri, yazar və aydınlarına çağırış edib

AVMVİB və 713-cü batalyonun döyüşçüləri Qurtuluş Günündə

“Şəhid ailələrindən şəxsi mənafeyi üçün istifadə edənlər var”

Azərbaycana qızıl hərflərlə yazılan tarix- 15 iyun

 

Bakı Beynəlxalq Qadınlar Klubunun 25 illik yubileyi keçirilib

"Vətənə oğul olanlar" - FİLM

Türkmənlərin fikir babasının qızı, milli liderin həyat yoldaşı...

Aprel şəhidinin xatirəsinə həsr olunan sənədli film - TƏQDİMAT

Avronun üzərinə Rəsulzadənin şəkli vuruldu

Münasibətlərdə istismar olunmaq

AXCP-də film olayı, yoxsa xəyanət?

"Füzuli Məmmədovun təcrübəsindən Avropada da istifadə olunmalıdır"

"Mən səni qızım olasan deyə dünyaya gətirmədim"