Xorvatiyanın ən güclü klubunun radarına düşdü

12:30 07-01-2022 | icon 114 | İdman
Xorvatiyanın ən güclü klubunun radarına düşdü

Millimizin və Polşanın “Legiya” klubunun futbolçusu Mahir Emreli Xorvatiyanın ən güclü klubu olan Zaqreb “Dinamo”sunun transfer hədəfinə düşüb.

 

Versus.Az xarici mediaya istinadən xəbər verir ki, əvvəl Xorvatiyanın “Xayduk” klubu ilə adı hallanan Mahiri “Dinamo” heyətinə qatmaq istəyir.

 

22 qat Xorvatiya çempionu, hazırda çempionatın lideri olan “Dinamo” müdafiənin sol və sağ cinahlarına, o cümlədən hücum xəttinə oyunçu axtarır. Hücum xəttinə əsas namizəd kimi isə Emreli göstərilir.

 

Onun bu mövsüm 33 oyuna 11 qol vurması, avrokuboklarda “Budö/Qlimt” (Norveç), “Slaviya” (Çexiya), “Lester” (İngiltərə), “Napoli”nin (İtaliya) qapısına yol tapması diqqətləri üzərinə çəkib. Futbolçunun transfer qiyməti isə 2 milyon avro göstərilir.

 

Emrelinin transfer işlərini hazırda Xorvatiyaya qonşu olan Bosniya və Herseqovinadan olan menecer həyata keçirir. Hazırda “Dinamo”da iki bosniyalı futbolçunun da oynadığını nəzərə alsaq, bu keçidin baş tutmaq ehtimalı mümkündür. Həmçinin, Mahirin əvvəllər millimizdə xorvat baş məşqçi Nikola Yurçeviçin rəhbərliyi altında oynaması da “Dinamo”nun bu futbolçunu yaxından tanımasını asanlaşdırıb.

 

Qeyd edək ki, “Legiya” BƏƏ-nin Dubay şəhərində təlim-məşq toplanışında olsa da, Mahir Emreli klub azarkeşləri tərəfindən döyülmə faktına görə, komandanın hazırlıq prosesinə qatılmayıb. O, hüquqşünas vasitəsilə Varşava klubu ilə müqaviləsinin pozulmasını istəyir.

Xəbər lenti

InvestAZ

Ən çox oxunan xəbərlər

Ağlama, QƏRƏNFİLİM… Bir bəyaz gecə gələr…

SƏN də Vətən torpağının Portretini çəkən bir Rəssam ol ki...

Prezidentdən sülhməramlıların özbaşınalığına REAKSİYA

“İMZA” II Qarabağ İqtisadi Forumunu keçirəcək

Prezidentin Ukrayna səfəri və gözləntilər ŞƏRH

“Minsk Qrupunun missiyası sona yetib”

Qarabağa erməni köçləri və mövcud “təmas xətti” nəyə xidmət edir?

"İstəsələr, Beynəlxalq Ədalət Məhkəməsinə müracitə edə bilər"

Qanlı Yanvar hadisələrinin ildönümünə hazırlıq

"Axır ki, dövlət onu layiqincə qiymətləndirdi"

"TDP Rusiya üçün "təhdid" idi və..."

Məşhur klipdəki nəhəng mülk satışa çıxarılıb

“Prezident son müsahibəsində həm də ona işarə etdi ki...”

Qar yağacaq - XƏBƏRDARLIQ

Uşaqlarda “Omikron”un simptomları