Ağdamda növbəti mərhələdə görüləcək İŞLƏR

19:36 22-04-2022 | icon 161 | Qarabağ
Ağdamda növbəti mərhələdə görüləcək İŞLƏR

Ağdam şəhərinin Baş Planı təsdiq olunub və ictimaiyyətə təqdim olunub.

 

APA xəbər verir ki, bunu jurnalistlərə açıqlamasında Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsi Emin Hüseynov deyib.

 

O bildirib ki, elə o dövrdən, yəni 2021-ci il mayın 28-dən etibarən bu proseslər geniş vüsət alıb:

 

“Minatəmizləmə fəaliyyəti çətin də olsa, çox sürətlə həyata keçirildi. Artıq bir neçə dəhliz açılıb və həmin dəhlizlərdən istifadə edərək əsas baza infrastrukturu çəkilməkdədir. Bu ilin sonunadək yekunlaşması gözlənilir. Bərdə-Ağdam yolu qrafikə görə gələn il yekunlaşmalıdır. Amma biz hesab edirik ki, bu ilin sonuna qədər də yekunlaşa bilər. Bunun üçün əlimizdən gələni edirik”.

 

Emin Hüseynovun sözlərinə görə, artıq Ağdam şəhərinə elektrik xətti çəkilib, “Ağdam-1”, “Ağdam-2” yarımstansiyaları tikilib və Qarabağ Rəqəmsal İdarəetmə Mərkəzi tikilərək istifadəyə verilib:

 

“Hazırda rayona magistral qaz xəttinin və su xəttinin çəkilişi üzrə layihələndirmə işləri yekunlaşır. Birinci rübün yekunlarına həsr olunmuş müşavirədə cənab Prezidentin qeyd etdiyi kimi, bu il ərzində əsas su anbarı olan Xaçınçay su anbarı, Ağdamkənd su anbarı və onlardan çıxan kanalların bərpası ilə bağlı layihələndirmə işləri artıq yekunlaşma mərhələsindədir. Onların bərpası işləri üçün tenderlər elan olunacaq və bu işlərə başlanılacaq. Yəni artıq baza infrastrukturu ilə bağlı əsas işlər yekunlaşmaq üzrədir və sosial infrastrukturun tikintisinə başlanılıb. Eyni zamanda, həm 1 nömrəli məktəbin, həm xəstəxananın, həm yaşayış binasının həm də sənaye parkının tikintisi başlanıb. Bundan başqa, tarixi-mədəni obyektlərin, İmarət Kompleksinin, Qiyaslı məscidi, Cümə məscidinin restavrasiyasına da başlanılıb. Növbəti mərhələdə artıq biz şəhərin mərkəzi hissəsinin, bilavasitə ictimai məkanların bərpası ilə məşğul olacağıq. Bu da bizi Böyük Qayıdış mərhələsinə bir qədər də yaxınlaşdıracaq”.

Xəbər lenti

InvestAZ

Ən çox oxunan xəbərlər

Qırmızı xalıda soyunub qışqırdı: “Bizi zorlamayın” VİDEO

İnfeksion endokarditin xüsusi formaları

Sabah Qarabağda yeni savaşın ANONSU verilə bilər

Azad edilmiş ərazilərin bərpasına xərclənən vəsait AÇIQLANDI

Azərbaycanda 1 nəfər koronavirusa yoluxub, ölən olmayıb

Azərbaycan Moda Həftəsinin 12-ci mövsümü başlayır-FOTO

Kəlbəcər istiqamətində mövqelərimiz atəşə tutulub

"Putin Ərdoğanın bu təklifini rədd etdi"

"Bütün bunlar ABŞ-ın diqqətindən qaçmayıb"

Həyəcan dolu 3 saat: Bugünkü imtahandan FOTOREPORTAJ

“Onun hekayəsi” TƏQDİM EDİLDİ

Zelenski müharibənin necə bitəcəyini ELAN ETDİ

İradə Əlili MÜKAFATLANDIRILDI

“İgid əsgər, möhkəm dayan” 

"Özü seçmir, sonra da hakimiyyətin siyasətini qəbul etmir"