Tofiq Quliyev – 105

16:09 29-04-2022 | icon 245 | Mədəniyyət
Tofiq Quliyev – 105

Heydər Əliyev Sarayında Azərbaycan Respublkası Mədəniyyət Nazirliyinin dəstəyi ilə Sarayın “Əbədiyaşarlar” layihəsi çərçivəsində görkəmli bəstəkar Tofiq Quliyevin 105-ci ildönümünə həsr olunmuş “Bizi yaşadan nəğmələr” adlı konsert baş tutdu.

 

Versus.Az xəbər verir ki, Azərbaycan SSR xalq artisti Tofiq Quliyev dünya miqyasında tanınmış bəstəkar, pianoçu, dirijor, bir çox simfonik əsərlərin, kantataların, fortepiano əsərlərinin müəllifi, Azərbaycan caz və estrada musiqisinin banilərindən biridir. 83 il ömür sürən bəstəkar 73 filmə yazılan şedevr musiqinin müəllifidir.

 

Gecəni giriş sözü ilə konsertin təşkilatçısı və rəhbəri, H.Əliyev adına Sarayın direktoru, respublikanın əməkdar artisti Ramil Qasımov açaraq qeyd etdi ki, Tofiq Quliyevin 105 illiyinə həsr olunmuş bugünki konsert bu Saray üçün mühüm hadisələrdən biridir. Vaxtilə böyük bəstəkarın 80 illik yubileyi məhz burada Ulu öndərimiz Heydər Əliyevin göstərişi ilə keçirilib.

 

Tofiq Quliyevin 105 illiyinə həsr olunmuş konsertdə bəstəkarın dillər əzbəri olmuş mahnı və musiqilərini respublıkanın xalq artisti Ramiz Quliyev, əməkdar artistlər Aygün Bəylər, İnarə Babayeva, Elton Hüseynəliyev, Aqşın Abdullayev, Xəyyam Nisanov, Anar Şuşalı, Zakir Əliyev, müğənni Vaqif Şirəliyev, “Qaya” instrumental ansamlı, “Bənövşə” uşaq xoru, “Sevil” qızlar ansamblı və digər gənc ifaçılar səsləndirdilər.

 

İfaçıları Xalq artisti, dirijor Fəxrəddin Kərimimovun rəhbərliyi Qara Qarayev adına kamera orkestri və Xalq artisti Ənvər Sadıqovun rəhbərlik etdiyi “Qaytağı” instrumental orkestri müşayiət edirdi. Gecənin aparıcısı musiqiçi Tofiq Həsənsoy idi.

 

Ayəndə Dadaşova
Versus.Az

Xəbər lenti

InvestAZ

Ən çox oxunan xəbərlər

"Bütün bunlar ABŞ-ın diqqətindən qaçmayıb"

“Onun hekayəsi” TƏQDİM EDİLDİ

İradə Əlili MÜKAFATLANDIRILDI

“İgid əsgər, möhkəm dayan” 

"Özü seçmir, sonra da hakimiyyətin siyasətini qəbul etmir"

İlham Əliyevin Brüssel qələbəsi

“Poz, qazan” oyunlarına növbəti etiraz ALDP-dən GƏLDİ

85 meymunçiçəyinə yoluxma halı təsdiqləndi

Parisdə “Şuşam mənim” səsləndiriləcək

Meymunçiçəyinə qarşı peyvənd

Koronavirusla bağlı daha bir tələb LƏĞV EDİLDİ

“Qaraheybət”də tapşırıqlar verildi

Koronavirusla bağlı son STATİSTİKA

Bakalavriat və magistratura LƏĞV EDİLƏCƏK

Din xadimi olmaq istəyənlərin NƏZƏRİNƏ