"Həmin sistemin Azərbaycanın bütün rayonlarında tətbiqi mümkündür"

18:18 06-05-2022 | icon 177 | Siyasət
"Həmin sistemin Azərbaycanın bütün rayonlarında tətbiqi mümkündür"

 Elman Nəsirov: “İslahatlar, dəyişikliklər bizim dövlət siyasətimizin fəlsəfəsindən irəli gəlir”

 

“Azərbaycan Prezidenti cənab İlham Əliyev 2018-ci il prezident seçkilərində xalqın etimadını qazanaraq növbəti dəfə rəhbərlik etməyə başlayarkən ölkəmizdə geniş, hərtərəfli islahatlar kursunun həyata keçəcəyini, onun daha da dərinləşəcəyinin anonsunu verdi. Keçən bu müddət ərzində bütün sahələr üzrə - siyasi, iqtisadi, məhkəmə-hüquq, idarəçilik sistemində çox geniş islahatlar kursu həyata keçirildi. Cənab Prezident ADA Universitetində "Cənubi Qafqaz: inkişaf və əməkdaşlıq” mövzusunda keçirilən konfransda da ölkəmizdə islahatlar kursunun bundan sonra da davamlı olacağını bildirib. Cənav Prezident orada xüsusilə yerli idarə sistemində keçiriləcək islahatların anonsunu elan etdi...”

 

Versus.az xəbər verir ki, bu barədə Milli Məclisin deputatı Elman Nəsirov “Cənubi Qafqaz: inkişaf və əməkdaşlıq” mövzusunda keçirilən konfransda dövlət başçısı İlham Əliyevin etdiyi yeni konstitusiya islahatlarının anonsu və əhəmiyyəti ilə bağlı açıqlamasında bildirib.

 

O, Prezidentin çıxışına istinad edərək, işğaldan azad olunmuş ərazilərdə yerli idarəetmə sistemində islahatların həyata keçirildiyini qeyd edib, Prezidentin həmin ərazilər üzrə xüsusi nümayəndəsinin təyin olunduğunu, bu yeni idarəçilik sisteminin işğaldan azad olunmuş bütün ərazilərdə həyata keçirildiyini vurğulayıb:

 

“Bu sistem müvəffəqiyyət qazanacağı təqdirdə Azərbaycanın digər ərazilərində də anoloji idarəetmə üsulunun tətbiq edilməsi mümkündür. Bu o deməkdir ki, bir müddət sonra biz yeni idarə sisteminin nə dərəcədə effektli olduğunu tam şəkildə biləcəyik. Effektli olacağı təqdirdə isə həmin sistemin Azərbaycanın bütün rayonlarında tətbiqi mümkündür. Eyni zamanda, ölkəmizdə 14 iqtisadi rayon mövcudur və istisna edilmir ki, gələcəkdə həmin iqtisadi rayonlardan çıxış edərək ərazi inzibati vahidlərinin müəyyən edilməsi siyasətinin də həyata keçirilməsi mümkün ola bilər”. 

 

E.Nəsirov bildirib ki, dövlətimiz siyasi sahədə də islahatların dərinləşməsi kursuna sadiqdir. Deputatın sözlərinə görə, dəyişən yeni zaman reallıqları fonunda bütün digər istiqamətlər üzrə də adekvat addımların atılması və islahatların həyata keçirilməsi mümkündür:

 

“Bu dövlətimizin mahiyyətindən irəli gəlir. Təsadüfi deyildi ki, beynəlxalq təşkilatlar, xüsusən də Dünya Bankı öz hesabatlarında Azərbaycanı islahatlara sadiq 10 ölkə arasında göstərib. Bu o deməkdir ki, islahatlar, dəyişikliklər bizim dövlət siyasətimizin fəlsəfəsindən irəli gəlir. Və cənab Prezident də beləcə keyfiyyət dəyişikliyinə gətirib çıxaracaq islahatlar kursuna sadiqdir və onun müəllifidir”. /hafta.az/

 

T.Qafarlı
Versus.Az

Xəbər lenti

InvestAZ

Ən çox oxunan xəbərlər

"Bütün bunlar ABŞ-ın diqqətindən qaçmayıb"

“Onun hekayəsi” TƏQDİM EDİLDİ

İradə Əlili MÜKAFATLANDIRILDI

“İgid əsgər, möhkəm dayan” 

"Özü seçmir, sonra da hakimiyyətin siyasətini qəbul etmir"

İlham Əliyevin Brüssel qələbəsi

“Poz, qazan” oyunlarına növbəti etiraz ALDP-dən GƏLDİ

85 meymunçiçəyinə yoluxma halı təsdiqləndi

Parisdə “Şuşam mənim” səsləndiriləcək

Meymunçiçəyinə qarşı peyvənd

Koronavirusla bağlı daha bir tələb LƏĞV EDİLDİ

“Qaraheybət”də tapşırıqlar verildi

Koronavirusla bağlı son STATİSTİKA

Bakalavriat və magistratura LƏĞV EDİLƏCƏK

Din xadimi olmaq istəyənlərin NƏZƏRİNƏ