Azərbaycan Ordusunda da Milli Müdafiə Universitetinin yaradılması

11:06 25-05-2022 | icon 92 | Təhsil
Azərbaycan Ordusunda da Milli Müdafiə Universitetinin yaradılması

 

 

 

Xəbər verildiyi kimi, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin tapşırığı ilə Azərbaycan Ordusunun Türkiyə Silahlı Qüvvələrinin standartlarına uyğunlaşdırılması istiqamətində həyata keçirilən tədbirlər çərçivəsində hərbi təhsil sahəsində idarəetmənin təkmilləşdirilməsi məqsədilə Milli Müdafiə Universiteti yaradılıb.  Bu gün aparılan struktur islahatları çərçivəsində ordumuzda elm və hərbi təhsil sahəsinin daha da uğurlu inkişaf edəcəyi önə çəkilib.

 

 

Versus.az xəbər verir ki, bu barədə hərbi analitik, “M5 müdafiə və strategiya” jurnalının Qafqaz və Orta Asiya üzrə nümayəndəsi Alp Arslan İmamqulu bildirib.  Onun sözlərinə görə, Türkiyə Silahlı Qüvvələrinin təhsil sisteminin bənzəri olaraq Azərbaycan Ordusunda da Milli Müdafiə Universitetinin yaradılması mövcud olan bütün xüsusi təyinatlı ali təhsil müəssisələrinin müasir standartlara gətirilməsini təmin edəcəkdir.

 

“Bu istiqamətdə həyata keçirilən tədbirlər çərçivəsində xüsusi təyinatlı ali təhsil  sahəsində yeniliklərin tətbiq olunması Azərbaycan Ordusunda xidmət edən hərbi qulluqçuların müvafiq elmi dərəcələr əldə etməsini və eyni şəkildə hərbi qulluqçu olmaq istəyən müdavim namizədlərin ordu sıralarında xidmət etməyə maraqlarını daha da stimullaşdıracaqdır”.

 

Hərbi təhlilçi bu mənada uzun illər hərbi təhsil sahəsində əhəmiyyətli təcrübəsi olan general-leytenant Heydər Piriyev cənablarının Milli Müdafiə Universitetinin rəhbəri təyin olunmasını da təqdirəlayiq hesab edib.

“Uzun illər Heydər Əliyev Adına Ali Hərbi Məktəbə və daha sonralar Azərbaycan Silahlı Qüvvələrinin Hərbi Akademiyasına rəhbərlik etmiş general-leytenant Heydər Piriyev müxtəlif dövrlərdə ordunun bünövrəsi sayılan təhsil ocaqlarının orduya rəhbərlik etmiş rusiyameyilli cinayətkar, dar təfəkkürlü şəxslərdən qorunmasında ciddi fədakarlıqlar etmiş biridir”.

 

A.A.İmamqulu hesab edir ki, ən çətin dövrlərdə belə milli təfəkkürlü gənc kadrların yetişməsində müstəsna rolu olan generalımızın xüsusi təyinatlı ali təhsil müəssisələrinə rəhbər olaraq təyin olunması heç şübhəsiz ki, öz töhfəsini verəcək. Hərbi təhlilçi, eyni zamanda qeyd edib ki, yeni yaradılan Milli Müdafiə Universitetinin nəzdində Silahlı Qüvvələrin Hərbi Akademiyası, Hərbi Elmi-Tədqiqat İnstitutu, Hərbi İdarəetmə İnstitutu, Heydər Əliyev adına Hərbi İnstitutu, Azərbaycan Ordusunun Təlim və Tədris Mərkəzi, Heydər Əliyev adına hərbi liseyi, Cəmşid Naxçıvanski adına hərbi liseyi və Tibb Universitetinin Hərbi Tibb Fakültəsi adı altında fəaliyyət göstərən müəssisələrin mərkəzləşdirilmiş olaraq sürətlə inkişafına təkan verəcək.

 

Tahirə Qafarlı

Versus.az

Xəbər lenti

InvestAZ

Ən çox oxunan xəbərlər

Gülnarə Xəlilovanın "Xarıbülbül" və "Qarabağ" kolleksiyaları Rusiyada

Ermənistan bu fürsəti QAÇIRMAMALIDIR

Riyaz Sarıkahya Dövlət Bağçalı ilə görüşüb

İqtisadiyyat Nazirliyinə yeni səlahiyyət verilib

"Ordumuza və Prezidentə dəstək olaq"

Bu gün "Qarabağ" "Ferentsvaroş" matçı keçiriləcək

Meyitləri yandırmaq çətinləşəcək

Üç məhkumun gözləri ÇIXARILACAQ

Park Cinemadan uşaqlar üçün xüsusi NÜMAYİŞ

Bu gün daha 5 oyun keçiriləcək

Bakıda MER SEÇKİLƏRİ GÖZLƏNİLƏNDİR?

III təsnifat mərhələsinin ilk oyunları keçirilib

VAR müzakirələrini azarkeşlər də dinləyə biləcək

Günəşə yaxın yaşayış üçün uyğun planet

Erməni təxribatına qarşı tutarlı cavab...