Türkiyəni hədələyən ölkəyə SƏRT CAVAB

14:33 14-06-2022 | icon 189 | Dünya
Türkiyəni hədələyən ölkəyə SƏRT CAVAB

“İstənilən nöqtəni məhv edərik”

 

Yunanıstanın razılaşmaları pozaraq 23 adada silah və canlı qüvvə yerləşdirməsindən sonra Ankara-Afina xəttində gərginlik artmağa başlayıb.

 

Mütəxəssislər Egey dənizində 3000-ə yaxın qaya və adanın olduğunu və onlardan 152-nin statusunun qeyri-müəyyən olmasına baxmayaraq Yunanıstanın işğalı altında olduğunu bildirirlər.

 

Təqaüddə olan türk ordusunun pilotu general-mayor Bəyazid Karataş Egeydəki bu quru ərazilərinin silahlandırılmasının gərginliyi artıracağını deyib. Karataş Yunanıstanın əsas məqsədinin Türkiyəni Qərbdən mühasirəyə almaq və Egey dənizini “yunan gölü”nə çevirmək olduğunu söyləyib. General Afinanın Avropa Birliyi və NATO-nun təşviqlərindən sui-istifadə edərək adalarını “Yunanıstan əraziləri”nə çevrirdiyinə diqqət çəkib.

 

Ehtiyatda olan polkovnik Gürsəl Tokmakoğlu da sözügedən su hövzəsində yüzlərlə ada və qayanın olduğunu, Yunanıstanın beynəlxalq konvensiyaları pozaraq bu naməlum torpaqları ələ keçirdiyini bildirib. Onun sözlərinə görə, Afinanın Çikaqo razılaşmasını pozaraq təsir dairəsini 10 mil uzağa daşımaq cəhdi açıq şəkildə hüquq pozuntusudur. Ukrayna müharibəsindən sonra Yunanıstanın gərginliyi artırmasının səbəbindən danışan Tokmakoğlu qeyd edib ki, qərbli aktorlar Afina vasitəsilə Şərqi Aralıq dənizini “Avropa gölü”nə çevirmək istəyirlər.

 

Polkovnik yunan admiral Yanis Eqolfopulosun “Larisadan 3 raket atsaq, İstanbul körpülərini vurarıq” təhdidini “dəli cəfəngiyyatı” adlandırıb:

 

“Yunanıstanın belə bir əməliyyat aparmağa gücü yoxdur. Türkiyənin erkən xəbərdarlıq sistemləri və hava hücumundan müdafiə silahları buna imkan vermir. İstanbulu vurmaq üçün onların keçməsi lazım olan ciddi qalxanlarımız var. Bu cür açıqlamaların reallıqla heç bir əlaqəsi yoxdur və ciddi qəbul edilməməlidir”.

 

General Karataş da Türkiyənin Yunanıstanın bütün strateji nöqtələrini məhv edə biləcək silah və sistemlərə malik olduğuna diqqət çəkib:

 

“Havaya qalxan yunan təyyarələrinin geri dönəcək yerləri yoxdur. Yunan döyüş təyyarələri Türkiyənin qərbindəki məhdud hədəfləri vura bilər. Bununla belə, Türkiyənin hava və quru silahları Yunanıstanın bütün strateji mərkəzlərini yuxarıdan aşağıya çökdürə bilər. Yunanıstan kürəyini ABŞ və Avropa Birliyinə söykəyən Ukraynanı özünə örnək götürərək bilməlidir ki, nə Avropa, nə də ABŞ onun üçün mübarizə aparacaq”. /Teleqraf.com/

Xəbər lenti

InvestAZ

Ən çox oxunan xəbərlər

“Əsgərimizin gücü, ordumuzun döyüş ruhu öz yerində..."

104 yaşın mübarək, Şanlı Ordu!

"Ordu dövlətimizin onurğa sütunudur"

Azərbaycan-Rusiya sərhədində buraxılış gücü artırılacaq

"Onlar gülərək şəhid olurdular" - FOTO

Ümummili liderin arzusu, ali baş komandanın qüruru, xalqımızın inamı

"Bütün dünyada Azərbaycan Ordusunun gücünü və qələbə əzmini göstərdi"

“Mənin atam qəhrəmandır” - KONSERT

Ağrıkəsici təsirli çay RESEPTİ

Türkiyə Müdafiə Nazirliyindən Azərbaycana təbrik mesajı

Ermənistanın xarabaya çevirdiyi torpaqlarımızda Azərbaycan cənnət yaradır - REPORTAJ

Azərbaycan Silahlı Qüvvələri - 104

Damarları təmizləyən möcüzə qarışım

Meymunçiçəyi cinsi yolla keçir?

Şüşə oğlanın NADİR XƏSTƏLİYİ