Azərbaycanlı boksçu erməniyə qalib gəlib çempion oldu 

13:40 20-06-2022 | icon 454 | İdman
Azərbaycanlı boksçu erməniyə qalib gəlib çempion oldu 

 

 

Gürcüstanın Qori şəhərində Avropa və dünya çempionu Georgi Kandelakinin şərəfinə gənc boksçular arasında ənənəvi beynəlxalq turnirə yekun vurulub. Yarışa 14 idmançı ilə qatılan Azərbaycan yığması 10 medal qazanıb.

 

 

Versus.az xəbər verir ki, baş məşqçi Elbrus Rzayevin rəhbərlik etdiyi komandanın yeddi üzvü finalda qüvvəsini sınayıb. Boksçularımızdan beşi həlledici görüşü qələbə ilə başa vurub.

 

48 kq çəki dərəcəsində mübarizə aparan Kənan Babayev finalda ermənistanlı Ovanes Arutyunyanla üz-üzə gəlib. Avropa çempionumuz rəqibinə heç bir şans verməyərək qızıl medala yiyələnib.

 

Qoridə 51 kq çəkidə Azərbaycan finalı da baş tutub. Avropa birinciliyinin bürünc medalçısı Amin Məmmədzadə Tural Sarıyevlə qarşılaşıb. Döyüş Məmmədzadənin qələbəsi ilə başa çatıb. Sarıyev turniri gümüş medalla bitirib.

 

Kənan Babayevin qardaşı Kamil Babayev (-54 kq) də yarışda fəxri kürsünün ən yüksək pilləsinə qalxıb. Boksçumuz finalda qazaxıstanlı Aslan Aslanovu məğlub edib.

Tacı Tağızadə (-60 kq) də çempionluq üçün Qazaxıstan təmsilçisi ilə gücünü yoxlayıb. Tolebəy Saxiyev üzərində inamlı qələbə qazanan idmançı komandamızın aktivinə daha bir qızıl medal əlavə edib.

 

Millimizin ən ağır çəkili boksçusu Səbuhi Əlizadənin (+92 kq) həlledici görüşdəki rəqibi isə gürcüstanlı Sandro Çerçvadze olub. Həmyerlimiz yerli publika önündə döyüşü öz xeyrinə bitirərək Qoridə beşinci dəfə Azərbaycan himnini səsləndirib.

Yığmanın digər üzvü Rza Rzazadə (-75 kq) isə finalda ukraynalı Aleksandr Balabinə uduzaraq, ikinci yeri tutub.

 

Komandamızın heyətində Sənan Hətəmov (-71 kq), Aslan Mövsümov (-86 kq) və Rəşid Məmmədov (-92 kq) yarışı üçüncü yerdə bitiriblər.

Beləliklə, Azərbaycan millisi turniri beş qızıl, iki gümüş və üç bürünc medalla başa vurub. Bu nəticə ilə Azərbaycan komanda hesabında birinci yeri tutub.

Qeyd edək ki,

yarışda Gürcüstan, Azərbaycan, Qazaxıstan, Ukrayna və Ermənistanın 100-dək boksçusu mübarizə aparıb.

 

Versus.az

Xəbər lenti

InvestAZ

Ən çox oxunan xəbərlər

“Əsgərimizin gücü, ordumuzun döyüş ruhu öz yerində..."

104 yaşın mübarək, Şanlı Ordu!

"Ordu dövlətimizin onurğa sütunudur"

Azərbaycan-Rusiya sərhədində buraxılış gücü artırılacaq

"Onlar gülərək şəhid olurdular" - FOTO

Ümummili liderin arzusu, ali baş komandanın qüruru, xalqımızın inamı

"Bütün dünyada Azərbaycan Ordusunun gücünü və qələbə əzmini göstərdi"

“Mənin atam qəhrəmandır” - KONSERT

Ağrıkəsici təsirli çay RESEPTİ

Türkiyə Müdafiə Nazirliyindən Azərbaycana təbrik mesajı

Azərbaycan Silahlı Qüvvələri - 104

Ermənistanın xarabaya çevirdiyi torpaqlarımızda Azərbaycan cənnət yaradır - REPORTAJ

Damarları təmizləyən möcüzə qarışım

Meymunçiçəyi cinsi yolla keçir?

Şüşə oğlanın NADİR XƏSTƏLİYİ