“Söyüş, təhqir zəifliyin, arqumentsizliyin əlamətidir” - MÜSAHİBƏ

16:14 17-01-2019 | icon 228 | Siyasət
“Söyüş, təhqir zəifliyin, arqumentsizliyin əlamətidir” - MÜSAHİBƏ

 

Əlabbas Məhərrəmli: “Münasibətləri düşmənçilikdən normal rəqabət məcrasına keçirməyin tək yolu dialoqdur”

 

 

Siyasi ekspert Əlabbas Məhərrəmlinin Versus.Az-a müsahibəsi

 

- Əlabbas bəy, hazırki ictimai-siyasi durumu necə dəyərləndirərdiniz, ölkənin ictimai-siyasi həyatının hansı istiqamətlərində proseslərin canlandığı müşahidə olunur?

 

- Real baxsaq, ölkənin ictimai-siyasi həyatında ciddi dəyişiklik yoxdur. Bu da hər hansı siyasi hadisənin və prosesin olmaması ilə bağlıdır. Ümumiyyətlə, bu durğunluq ötən ilin aprelində keçirilmiş növbədənkənar prezident seçklərindən sonra yaranıb. Doğrudur, həmin seçkilərdə də aktiv, cəmiyyətdə xüsusi maraq doğuran prosesin şahidi olmadıq.

 

- İctimai-siyasi fəallıq necə yarana bilər?

 

- Təbii ki, mövcud siyasi qüvvələrin təşəbbüsü və iştirakı ilə. Ancaq hakim siyasi qüvvə prezident seçkilərində qalib gəlib, hökuməti formalaşdırıb və hər hansı siyasi prosesə ehtiyac görmür. Müxalifət qüvvələri isə hansısa siyasi prosesə başlamaq üçün hələ də bir arada deyillər. Yəni indiki halda yalnız birgə fəaliyyətin razılaşdırılması istiqamətində müzakirələr aparılır. Bunun nəticəsi nə olacaq, indidən bilinmir. Eyni zamanda, Qarabağ Komitəsi, Müsavat və Milli Şuranın yaxın dönəmdə mitinq keçirmək təşəbbüslərinin baş tutub-tutmayacağı, baş tutarsa, hansı effekti verəcəyi də məlum deyil. Ona görə də siyasi proseslərdə canlanmanın olduğunu söyləməyə məncə, tələsməyək. Bununla belə, real müstəvidə olmasa da, virtual məkanda aktivlik yüksək səviyyədədir.

 

 “Siyavuş Novruzov da onu azadlığa buraxmağa çağırış edib”

 

- Son günlər gündəmi zəbt edən Mehman Hüseynov məsələsi ilə bağlı xarici dövlətlərdən gələn fikirlər və ölkə daxilində yüksək ranqlardan verilən əks reaksiyaları nəzərə alsaq, hansı prosesin getdiyini söyləmək olar və bu ictimaiyyətə, eləcə də ölkənin beynəlxalq imicinə nələri vəd edir?

 

- Mənə belə gəlir ki, Mehman Hüseynov məsələsi ətrafında ajiotaj səngiyib. Əvvəlcə bizim hüquq müdafiəçiləri, daha sonra xarici səfirliklər və beynəlxalq təşkilatların təmsilçiləri Mehmanla görüşdülər. Hüquq müdafiəçiləri bildirmişdilər ki, Mehman ona qarşı qaldırılmış ikinci cinayət işinə görə narazıdır, bunu əsassız hesab edir. Yəni bu qədər diqqətdən sonra Mehmanın məsələsi yəqin ki, ciddi surətdə araşdırılacaq. Yəqin siz də məlumatlısız ki, hətta YAP icra katibinin müavini Siyavuş Novruzov da Mehmanın məsələsinə fərqli yanaşsa da, onu azadlığa buraxmağa çağırış edib.Bu baxımdan, məsələnin daha da böyümədən həll olunacağını gözləmək mümkündür.

 

- Bir çox siyasi ekspertlər son illər söyüş ritorikasının sivil mübarizə üsullarını üstələdiyini qeyd edərək, bu prosesə son verilməsi ilə bağlı çağırışlar etsələr də, vəziyyət hələ də olduğu kimi qalır. Sizcə pozulmuş münasibətlər sistemini hansı halda nizamlamaq mümkün olacaq və vəziyyət belə davam edərsə, bu, cəmiyyətə nələri vəd edir?

 

- Təbii ki, istər siyasətdə, istərsə də adi həyatda, məişətdə söyüşdən istifadə yolverilməzdir. Siyasi rəqabətdə isə söyüş, təhqir zəifliyin, arqumentsizliyin əlaməti hesab olunur. Cəmiyyət də söyüş məsələsinə çox həssasdır və buna təpki göstərir. Söyüş ritorikasına son qoymağın, ümumilikdə münasibətləri düşmənçilikdən normal rəqabət məcrasına keçirməyin tək yolu dialoqdur. Tərəflər yalnız dialoq vasitəsilə mövqelərini normal izah edərək, bir-birilərini başa düşə bilərlər.

 

“Struktur və kadr dəyişiklikləri davamlı olacaq”

 

- Prezidentin müvafiq sərəncamı ilə aparılan kompleks islahatlar sırasında bir sıra qurumların ləğv olunmasının hansı müsbət mənfi tərəfləri var və bu, ölkəmizə nə vəd edir?

 

- Prezidnet seçkilərindən sonra müəyyən kadr və struktur dəyişiklikləri həyata keçirildi. Dövlət başçısı Nazirlər Kabinetinin son müşavirəsində də idarəetmənin təkmilləşdirilməsinin vacibliyini bəyan etmişdi. Həyata keçirilən dəyişiklikləri də bu kontekstdə qiymətləndirmək lazımdır. Əlbəttə, dəyişikliklər müsbət nəticəyə hədəflənmiş hesablamalar əsasında aparılır. Nəticənin necə olacağını qarşıdakı dövrdə görəcəyik. Məncə, struktur və kadr dəyişiklikləri davamlı olacaq.

 

- Müxalifətin “birlik sevdası” hazırda necə görünür? Sizcə müxalifətin “zirvəsi”ndə yaranan işçi qrupunun partiyalararası münasibət və onların özlərinə olan ictimai münasibətdən dolayı qarşıya qoyduqları məqsədlərinə çatmaları nə dərəcədə realdır?

 

- Qeyd etdiyim kimi, çox sayda müxalifət partiyası bir araya gəlmək üçün məsləhətləşmələri davam etdirirlər. Cəmiyyətin müxalifətə münasibətini isə onların gördükləri real fəaliyyət müəyyənləşdirə bilər. İndiki halda bu barədə birmənalı fikir bildirmək çətindir.

 

A.Zeynallı
Versus.Az

Xəbər lenti

Ölkənin firəvanlığını, gələcəyinı qurban verməyə hazır olanlar...

Əli Əhmədov: "Elələri milli qüvvələrin sərt təpkisinə tuş gəlməlidirlər"

Jurnalistin qardaşının evi yenə qarət edildi

Ali məktəblərin boş qalan plan yerlərinə və kolleclərə qəbulun nəticələri açıqlanıb

Taxıl sahəsində başlayan yanğın alma bağlarına keçib

Dövlət komitəsi Məhərrəmlik ayı ilə bağlı müraciət etdi

Bakı-Naxçıvan-Bakı marşrutu ilə sərhədkeçmə prosesi asanlaşdı

19 yerdə məktəb yarmarkası fəaliyyətə başlayıb

Nazir Türkiyə tərəfinə təşəkkür edib

AXH: Hakimiyyətdən bu cür siyasətinə son qoymasını tələb edirik

Qənirə Paşayeva Ümumdünya Qadın Sammitinin prezidenti ilə görüşüb

Deputat Qusarda sərhəd mühafizəçiləri ilə görüşüb

"Asma körpü"nün bərpasi ücün rayon rəhbərliyinə müraciət edirəm

Ulu öndər Heydər Əliyevin yaxın dostu Osman Gezekerin ailəsi Azərbaycana təşəkkür etdi

Millət vəkilinin tanınmış qadın siyasətçiləri, QHT, KİV, təşkilat rəhbərləri ilə görüşü davam edir

AXH Qurultaya hazırlaşır

Qənirə Paşayeva Kamerun, Nigeriya və Konqonun qadın nazirləri ilə görüşüb

İrəli
InvestAZ

Ən çox oxunan xəbərlər

“Qocalmadan problemi həll etmək istəyirsinizsə, mənim hakimiyyətə gəlməyimə sizlər də yardımçı olun” - MÜSAHİBƏ-3

MÜBARİZ MƏNSİMOVUN SUÇU

 

 

“Bu, düz bağırsaqda bədxassəli şişin yaranma riskini 9 % artırır”

Restoran və kafelərdə siqaret çəkənlərə ağlasığmaz CƏRİMƏ

Müəllimlərin işə qəbulu üzrə vakansiya seçimi mərhələsi yekunlaşıb

AXH Qurultaya hazırlaşır

5 addımda arıqlama

AXH: Hakimiyyətdən bu cür siyasətinə son qoymasını tələb edirik

Kənddə qulyabani ovu: həmin “naməlum varlıq” bu dəfə Çiyni sakinlərini “təqib edir” - FOTO

Ermənilər mövqelərimizi atəşə tutdu

"Asma körpü"nün bərpasi ücün rayon rəhbərliyinə müraciət edirəm

Azərbaycanın hərbi qulluqçuları Moskvada mükafatlandırılıb

Qənirə Paşayeva Kamerun, Nigeriya və Konqonun qadın nazirləri ilə görüşüb

Millət vəkilinin tanınmış qadın siyasətçiləri, QHT, KİV, təşkilat rəhbərləri ilə görüşü davam edir

Ulu öndər Heydər Əliyevin yaxın dostu Osman Gezekerin ailəsi Azərbaycana təşəkkür etdi