Eyni təfəkkür, yanaşma və QANUN POZUNTULARI

11:03 01-08-2022 | icon 313 | Siyasət
Eyni təfəkkür, yanaşma və QANUN POZUNTULARI

Razi Nurullayev: "Bacarmırsa, imtina etməli, yaxud vəzifədən əl çəkməlidir"

 

"Problemlərin yerində həll olunması ən düzgün variantdır. Əgər problemlər və şikayətlər Prezident Administrasiyasına, Milli Məclisə daxil olursa, demək ki, hamısı həll edilmir".

 
 
Versus.Az xəbər verir ki, bu sözləri açıqlamasında Milli Cəbhə Partiyasının (MCP) sədri, millət vəkili Razi Nurullayev deyib.
 
 
R.Nurullayev bildirib ki, problemlər ya az sayda həll edilir, yaxud yarıtmaz səviyyədə, yarımçıq çözülür:
 
 
"Məsələ burasındadır ki, bəzi yerlərdə nəinki problemlər həll edilir, əksinə, sayları daha da çoxaldılır. Əgər bir gündə 10 məsələ həllini tapırsa, yalan olmasın ən azı 15-20 problem yaranır. Özü də problemlər sadə vətəndaşlara, iş adamlarına, statusundan asılı olmadan hər kəsə yaradılır. Problemlər artan xətt üzrə gedir.
Söhbət ancaq rayonlardan yox, həm də şəhərlərdən gedir. Bakının bütün rayonlarında çətinliklər var. Hər yerdə, bütün səviyyələrdə problemlər özünü göstərir və onları icra hakimiyyətləri yaratmır. Müxtəlif qurumlar böyük ölçüdə problem yaradır. Cənab Prezident hər dəfə xəbərdarlıq etdikdə, müəyyən zaman üçün məsələ düzəlir. Bir müddət sonra eyni təfəkkür, yanaşma və qanun pozuntuları ortalığa çıxır".
 
 
Millət vəkili qeyd edib ki, dövlətin müvafiq orqanları, ölkə rəhbərinin təyin etdiyi şəxslər üzərlərinə götürdükləri məsuliyyəti dərk etsə yaxşı olar. Onun sözlərinə görə, kimsə bacarmırsa, özü imtina etməli, yaxud vəzifədən əl çəkməlidir:
 
 
"Heç kimi məcburi qaydada vəzifəyə təyin etmirlər, üzərinə məsuliyyət yükləmirlər. Əksəriyyət öz arzusu, istəyi ilə, hətta qurban kəsməklə, Allaha yalvarmaqla vəzifə tələb edir, hansısa posta iddialı olur. Yəni bütün vasitələrdən istifadə edirlər ki, vəzifəyə sahib olsunlar. Hər kəs bilməlidir ki, vəzifə xidmət üçün verilir.
Cənab Prezidentin təyin etdiyi məmurlar dövlət başçısının etimadını doğrultmalıdır. Əgər doğrultmursa, ciddi problemdir. Nazirlər, komitə rəhbərləri və onların müavinləri, digər dövlət məmurları yerlərdə qəbullar keçirir, vətəndaşların problemlərini dinləyirlər. Sonra həmin qurumlar elan edirlər ki, tutaq ki, 50 nəfər qəbul edildi və 40 nəfərin problemi yerindəcə həll olundu, 10 məsələ aidiyyəti üzrə nəzarətə götürüldü və sair.
Necə olur ki, nazirlər, komitə rəhbərləri yüzlərlə problemi yerindəcə həll edə bilir, amma aidiyyatı qurumlar vətəndaşların problemlərini illərlə həll edilməmiş saxlayırlar?! Belə çıxır ki, ya nazirlər yerlərdəki problemləri qanunsuz şəkildə həll edir, yaxud da bəzi yerli məmurlar yerində deyil. Məsələ bu qədər sadədir".
 
 
LƏMAN
Versus.Az

Xəbər lenti

InvestAZ

Ən çox oxunan xəbərlər

“Biz xoşbəxt laçınlılarıq ki, bugünkü günləri gördük”

"Düşməni yerində oturtdu,  Ermənistan cəmiyyətini silkələdi"

Jurnalistika günahkardır, yoxsa?

Prezidentin son bəyanatlarının MƏĞZİ

"Prezidentin bu fikirləri böyük müjdədir"

Azərbaycan gəncliyinin İSTEDADLI NİŞANƏSİ

Şuşa bizə Şəhidlər xiyabanı kimi lazımdır?

Sabahdan ali məktəblərə ixtisas seçimi BAŞLANIR

Bir gecənin 23 ŞƏHİDİ

"Tehran bununla Azərbaycanı hədələyir"

Bizi “ziddoş” deyib ələ salanlara bəhanələr verməməliyik

“Vaqner”in Ukraynadakı qərargahı vuruldu

İstanbul selə təslim oldu

Zəngəzuru tanıyaq və tanıdaq - TARİXİ FAKTLAR

Azad edilən ərazilərdə daha 327 mina aşkarlanıb