Qənirə Paşayeva əhalinin sağlamlığı ilə bağlı vacib təkliflərlə çıxış edib

17:16 19-01-2019 | icon 166 | Siyasət
Qənirə Paşayeva əhalinin sağlamlığı ilə bağlı vacib təkliflərlə çıxış edib

 

“Səhiyyə komitəsində ictimai dinləmələrin təşkil edilməsinə ciddi ehtiyac var”

 

 

Millət vəkili Qənirə Paşayeva Milli Məclisin (MM) qarşıdan gələn 2019-cu il yaz sessiyası ilə bağlı parlamentin Səhiyyə komitəsinin ilk iclasında  autizmli xəstələrin problemlərini  qaldırıb və bu sahədə həmin uşaqlara, ailələrə dəstək göstərilməsi üçün proqramlara ehtiyac olduğunu deyib.

 

Versus.Az-ın məlumatına görə, millət vəkili bildirib ki, son illər autizm sindromlu xəstələrin sayı ildən-ilə artır və bu hər kəsi çox ciddi şəkildə narahat edir, düşündürür:

 

"Ailələr, valideynlər tərəfindən, demək olar ki, hər gün ona və digər millət vəkillərinə bununla bağlı çoxsaylı müraciətlər daxil olur. Hər gün bununla bağlı müraciətlər alırıq. Bu, çox ciddi məsələdir. İnsanlar, valideynlər övladlarının taleyindən, sağlamlığından ciddi narahatdırlar. Bu insanlara, autizm sindromundan əziyyət çəkənlərə diqqət daha da gücləndirilməlidir. Ona görə hesab edirəm ki, bu məsələ ilə bağlı Səhiyyə komitəsində ictimai dinləmələrin təşkil edilməsinə ciddi ehtiyac var.”

 

Millət vəkili antibiotiklərin satışı və istifadəsi məsələsinə toxunub və antibiotiklərin həkim resepti olmadan satılmasının qadağan olunması təklifi ilə çıxış edib və bu məsələnin təcili şəkildə öz həllini tapmasının vacib səbəblərini xüsusi vurğulayıb. Dünyanın bütün  inkişaf etmiş ölkələrində antibiotiklərin həkim resepti olmadan satılmasının qadağan olunduğunu deyən millət vəkili Q. Paşayeva antibiotiklərin həkim nəzarəti olmadan qəbul edilməsinin törətdiyi dəhşətli fəsadlar və onların ölkəmizdə getdikcə daha da artmasını xüsusi vurğulayıb. Əhalinin bu məsələ ilə bağlı geniş marifləndirilməsinə böyük ehtiyac olduğunu xüsusi vurğulayan millət vəkili Q. Paşayeva əhaliyə və apteklərə çağırış edib:

 

"Bəzi insanlar özü və ya ailə üzvləri, uşaqları bir az soyuqlayan kimi, qızdırması olan kimi apteklərə gedib tez sağalmaq üçün antibiotik alırlar. Bəziləri qonum-qonşusunun tövsiyyəsi ilə "yaxşı təsir edir, filan antibiotiki ver" deyib alır və ona lazım olub-olmadığının, dozasının fərqində olmadan istifadə edir. Bölgələrdə bir sıra aptek işçiləri və ya ali tibb təhsili olmayan orta tibb işçiləri də belə məsləhətlərdə təəssüf ki çox fəal olurlar. Aptekə gedib görəsən tez sağalmaq üçün nə daha təsirli hansı dərmanı alsam yaxşı olar deyəndə böyük həvəslə antibiotik məsləhət görən aptek əməkdaşları da az deyil. Antibiotikdən bu cür istifadənin ağır nəticələrini isə bir az sonra həmin insan ya özü, ya da ailə üzvləri çəkir. Bir neçə eşitməsində ciddi problem yaşayan uşaqların ailə üzvləri ilə danışanda bəziləri ağlayaraq öz əlimizlə uşağımıza zərər vurmuşuq, antibiotikin doğru istifadə edilməməsinin nələrə səbəb olduğunu bilmirdik deyirlər. Amma təəssüf ki ağır fəsadı aradan qaldırmaq sonra çox gec olur. Ona görə insanlarımızı qorumaq üçün antibiotiklərin həkim resepti olmadan satılması qadağan edilməlidir və mən xahiş edirəm ki, Səhiyyə Komitəsi bu məsələyə böyük diqqət ayırsın. Ayrıca mətbuat və media ilə əhalinin bu istiqamətdə geniş marrifləndirilməsi üçün KİV-lər və müvafiq qurumlarla bilikdə işləri daha da artırmalıyıq ".

 

Millət vəkili Qənirə Paşayeva Hepatit C-nin yayılmasının artmasının qarşısının alınmasından da danışıb:

 

“Getdikcə Hepatit C virusu ilə xəstələnən insanların sayının artması bizi ciddi narahat etməlidir. Hepatit C ağır xəstəliklərin əsasını qoyur və müalicəsi çox çətin və bahalıdır. Hepatit C-yə yoluxan insanların bir çoxunun xəstəliklə mübarizə istiqamətində müalicə alma imkanları çox məhduddur”.

 

Millət vəkili bu istiqamətdə əhalinin marifləndirilməsini və dövlət dəstəyinin daha da artmasını vacib sayır:

 

“Hepatit C-nin getdikcə daha da artması bizi ciddi narahat etməklə bərabər, bu istiqamətdə əhalinin maarifləndirilməsindən tutmuş profilaktik tədbirlərin gücləndirilməsinə və insanların müalicəsi istiqamətində dövlət dəstəyinin genişləndirilməsinə ciddi ehtiyac var. Hepatit C-yə qarşı mübarizədə bu xəstəliyə yoluxan insanların müalicəsinə dövlət dəstəyi qədər də, əhali arasında güclü maarifləndirmə və profilaktik tədbirlərin genişləndirilməsinə ehtiyac var”.

 

Qənirə Paşayeva bildirib ki bu tədbirlər bu virusa yoluxan insanların sayının sürətlə artmasının qarşısının alınmasında vacib məsələlərdən biridir:

 

“Bir sözlə, Hepatit C və onun artması bizi ciddi narahat etməli və bu istiqamətdə addımlarımızı daha da sürətləndirməliyik və Səhiyyə komitəsində bu mövzuda ictimai dinləmələrin olması bu işə öz müsbət töhfəsini verə bilər".

 

Millət vəkili Q.Paşayeva bütün dünyada olduğu kimi ölkəmizdə də vərəmli xəstələrin sayının artdığını söyləyib və buna qarşı güclü mübarizə aparılması istiqamətində Səhiyyə komitəsində bu mövzuda ictimai dinləmələrin aparılmasının öz müsbət töhfəsini verə biləcəyini deyib. Millət vəkili Q. Paşayeva cəmiyyətdə, insanlar arasında depressiya hallarının artmasından narahatlığını bildirib və bu məsələ ilə də bağlı ictimai dinləmələrin keçirilməsinin vacibliyini sözlərinə əlavə edib.

Millət vəkili Q.Paşayevanın təkliflərini komitə sədri, akademik Əhliman Əmiraslanov da dəstəkləyib və bildirib ki, komitə olaraq qaldırılan məsələləri diqqətdə saxlayacağıq.

 

Versus.Az

Xəbər lenti

InvestAZ

Ən çox oxunan xəbərlər

15 yaşında Şəhadətə yüksəlmiş Tiqanamız

QHT LAYİHƏYƏ START VERDİ

Müalicəsiz buraxılmış bu xəstəlik çox ağır fəsadlar verə bilər

DƏRD AĞACINDAN ASILI QALAN ŞƏHİD ARZULARI

AXH: Hakimiyyətdən bu cür siyasətinə son qoymasını tələb edirik

Qan testi ilə ölüm tarixini öyrənmək mümkün olacaq

Jurnalistin qardaşının evi yenə qarət edildi

"Mərhum anidən dirildi, yoxsa diri-diri dəfn edəcəkdik" - MÜSAHİBƏ

Bakı-Naxçıvan-Bakı marşrutu ilə sərhədkeçmə prosesi asanlaşdı

Dövlət komitəsi Məhərrəmlik ayı ilə bağlı müraciət etdi

"Bu gün sizlərin yarıtmaz siyasəti xalqı hər gün yeni qəzalar keçirməyə vadar edir"

23 avqust - Cəbrayıl və Füzuli rayonlarının işğal olunduğu gündür

"Bəzən buna görə jurnalistləri ittiham edirlər"

Yuxusuzluğun ölümcül təhlükəsi aşkarlanıb

Ali məktəblərin boş qalan plan yerlərinə və kolleclərə qəbulun nəticələri açıqlanıb