AĞLAMA, QƏRƏNFİLİM…

18:48 20-01-2019 | icon 198 | Köşə
AĞLAMA, QƏRƏNFİLİM…

 

BİR BƏYAZ GECƏ GƏLƏR…

 

 

 PAKİZƏ BABAZADƏ

 

Başını söykəyib şəhid köksünə
Ölümü könüllü seçdi qərənfil.
Elə vuruldu ki, şəhid adına,
Öz ilkin adından keçdi qərənfil.

O gecədən… O Qara Gecədən doğulan səhərə qıpqırmızı qərənfil yağışı da yağmışdı… Şəhidlərin tökülən qanları ayaq altında qalmasın deyə, öz ləçəklərindən örpək sərmişdi qərənfil… Sanki göydən milyonlarla yağış damlası əvəzinə milyonlarla qərənfil yağmışdı hər yerə. Hər tərəf al-qırmızı xalıya bənzəyirdi o sabah… Nə deyirsiniz deyin, bu müsibət ən çox qərənfilin payına düşdü, qərənfil taleyinə zərbə vuruldu… Əllərdə həmişə sevda yollarına (sevənlərdə beş qərənfil dəbdədir) üz tutan al çiçəklər indi şəhid məzarlarına yollanır. O müsibət bu zərif çişəklərin adını da, ünvanını da dəyişdi – adı Şəhid Çiçəkləri, ünvanı Məzarlıq oldu… Daha heç kəs sevdiyinə bu çiçəkləri apara bilmir. Hər çiçəkdən şəhid gözləri boylanır sanki… Görəsən şəhidlərin harayına niyə birinci Qərənfil gəldi? Bəlkə şəhid qanından pöhrələnmiş bu çiçəklər?… Qəm yemə Qərənfil, qismətinə şəhid məzarı üstündə ağlamaq düşsə də, adın Azadlıq Çiçəyi oldu!  Müqəddəs şəhid məzarlarının keşiyində durmaq sənin nəsibin oldu!..

 

Bu sətirləri uzun illər əvvəl yazmışdım. Qərənfilin taleyinə qibtə etmiş, ona verdiyimiz ada görə özümüzü haqlı da saymışdım. Çünki o dövr yaralarımız isti, hislərimiz çılğın notlar üstündə köklənmişdi…

 

O qara gecə təkcə döğmalarımızdan, dostlarımızdan deyil, qərənfilimizdən də ayrı saldı bizi. İndi illər keçmiş, dərdlər köhnəlmiş, yaralar köz bağlamış, o gecənin şahidi olmuş bizlər bu dərdlərə alışaraq hər zamankı “dərd-sərimizin” arxasınca gedərək gündəlik işlərimizlə məşğuluq… Qərənfil isə hələ də o gecənin taleyinə yazdığı “ad”ın, çiyninə qoyduğu “yük”ün ağırlığı altında yaşamaqdadir… Hər dəfə qəbristanlıq qapılarında boynubükük duraraq onu bu taleyə məhkum edən  insanların yolunu gözləyən bu Qənirsiz Gözəli gördükcə qəlbim sızlayır, içimdə bir üsyan hayqırır: faciəmizin bədəlini Tanrının, Təbiətin bu şah əsərinə ödətmək, min illərdir evlərin, könüllərin bu əziz qonağını “bir gecə”nin qaranlığına bürüyüb, onu ömürlük “yasa” məhkum etmək haqqını kim verdi bizə? Nə idi bu gözəlin günahi? – dərdimizə ortaq olduğu, bu müsibətdə bizimlə bərabər ağladığı  üçünmü?.. O bizə təsəlli, biz ona məhkumiyyət verdik. Fədakarlığının əvəzini belə ödədik… Ağla Qərənfil, ağla – deyərək gözünün yaşını qurumağa qoymadıq…

 

Tanrının  yaratdığı hər gülün, çiçəyin ecazkar gözəlliyini görən bəşəri zəkalar onlara özlərinə layiq mənalar vermiş, şərəfləndirmişlər. Qırmızı qərənfilə  “səni heç zaman unutmayacağam” kimi fədakarlıq ünvanı düşmüş. Sevənin sevdiyinə “andı”, sədaqətinin rəmzi idi bu çiçəklər… O Qara Gecənin günahsız qurbanlarına “sizi heç zaman unutmayacağız” deməyə, onları son yolçuluğa uğurlamağa gəldi Qərənfil… Biz isə ona “matəm gülü” adını verdik,  o acı günün xatirəsini yaşatmağı onun “boynuna” yükləyib, üstəlik bu şərəfə görə ona minnət də qoyduq… Sonra… Sonra başqa dərd-sərimizin dalınca gedib, dalımızca çarəsiz baxan gözlərin səssiz fəryadına dönüb baxmadıq da…

 

Yəqin ki, bu sözlərimə etiraz edib, pafosla – “belə də olmalıdı da”-deyənlər də olacaq. Görəsən onlar sənin yerində olsaydılar bu “məhkumluğa” nə qədər dözərdilər?..

 

Qərənfilim, sevda çiçəyim… Qanı yerdə qalan şəhidlərin ruhu qarşısında nə qədər günahkarıqsa, sənin də qarşında o qədər müqəssirik… Sən sevgi müjdəçisi, sevən qəlblərin tərcümanı, bayramların bəzəyi idin… Bunu sənin əlindən aldıq… Səni daş məzarların soyuq nəfəsinə “məhkum” etdik. Səni yalnız ANAların nəfəsi isitdi, göz yaşları suladı… İndi sevənlərdə “beş qərənfil” deyil başqa çiçəklər “dəbdədir”, səninsə taleyin “məhbəs”dədir… Halbuki bu fədakarlığın, şəhid qanlarını ləçəklərinlə sildiyin, bağrında saxladığın üçün sənə MATƏM çiçəyi deyil, AZADLIQ çiçəyi deməli, başımıza tac etməliydik. Sevənlər səni sevdiklərinə nakam şəhidlərin xatirəsinə hörmət kimi verməliydilər… Biz isə…

 

Darıxma sevda çiçəyi, vaxt gələcək Tanrının da, Təbiətin də səbri tükənəcək, bizdən hesab soracaq… Ağlama Qərənfilim… Bir Bəyaz Gecə gələr…

Xəbər lenti

Ölkənin firəvanlığını, gələcəyinı qurban verməyə hazır olanlar...

Əli Əhmədov: "Elələri milli qüvvələrin sərt təpkisinə tuş gəlməlidirlər"

Jurnalistin qardaşının evi yenə qarət edildi

Ali məktəblərin boş qalan plan yerlərinə və kolleclərə qəbulun nəticələri açıqlanıb

Taxıl sahəsində başlayan yanğın alma bağlarına keçib

Dövlət komitəsi Məhərrəmlik ayı ilə bağlı müraciət etdi

Bakı-Naxçıvan-Bakı marşrutu ilə sərhədkeçmə prosesi asanlaşdı

19 yerdə məktəb yarmarkası fəaliyyətə başlayıb

Nazir Türkiyə tərəfinə təşəkkür edib

AXH: Hakimiyyətdən bu cür siyasətinə son qoymasını tələb edirik

Qənirə Paşayeva Ümumdünya Qadın Sammitinin prezidenti ilə görüşüb

Deputat Qusarda sərhəd mühafizəçiləri ilə görüşüb

"Asma körpü"nün bərpasi ücün rayon rəhbərliyinə müraciət edirəm

Ulu öndər Heydər Əliyevin yaxın dostu Osman Gezekerin ailəsi Azərbaycana təşəkkür etdi

Millət vəkilinin tanınmış qadın siyasətçiləri, QHT, KİV, təşkilat rəhbərləri ilə görüşü davam edir

AXH Qurultaya hazırlaşır

Qənirə Paşayeva Kamerun, Nigeriya və Konqonun qadın nazirləri ilə görüşüb

İrəli
InvestAZ

Ən çox oxunan xəbərlər

“Qocalmadan problemi həll etmək istəyirsinizsə, mənim hakimiyyətə gəlməyimə sizlər də yardımçı olun” - MÜSAHİBƏ-3

MÜBARİZ MƏNSİMOVUN SUÇU

 

 

“Bu, düz bağırsaqda bədxassəli şişin yaranma riskini 9 % artırır”

Restoran və kafelərdə siqaret çəkənlərə ağlasığmaz CƏRİMƏ

Müəllimlərin işə qəbulu üzrə vakansiya seçimi mərhələsi yekunlaşıb

AXH Qurultaya hazırlaşır

5 addımda arıqlama

AXH: Hakimiyyətdən bu cür siyasətinə son qoymasını tələb edirik

Kənddə qulyabani ovu: həmin “naməlum varlıq” bu dəfə Çiyni sakinlərini “təqib edir” - FOTO

Ermənilər mövqelərimizi atəşə tutdu

"Asma körpü"nün bərpasi ücün rayon rəhbərliyinə müraciət edirəm

Azərbaycanın hərbi qulluqçuları Moskvada mükafatlandırılıb

Qənirə Paşayeva Kamerun, Nigeriya və Konqonun qadın nazirləri ilə görüşüb

Millət vəkilinin tanınmış qadın siyasətçiləri, QHT, KİV, təşkilat rəhbərləri ilə görüşü davam edir

Ulu öndər Heydər Əliyevin yaxın dostu Osman Gezekerin ailəsi Azərbaycana təşəkkür etdi