“20 Yanvar – Ümumxalq Hüzn Günü” Azərbaycan Tarix Muzeyində də anılıb

10:15 21-01-2019 | icon 151 | Mədəniyyət
“20 Yanvar – Ümumxalq Hüzn Günü” Azərbaycan Tarix Muzeyində də anılıb

 

AMEA Milli Azərbaycan Tarixi Muzeyində “20 Yanvar – Ümumxalq Hüzn Günü”nə həsr olunmuş "İstiqlalımızın ilk qərənfilləri" adlı tədbir keçirilib.

 

Versus.Az-ın məlumatına görə, tədbir Milli Azərbaycan Tarixi Muzeyinin Xarici əlaqələr və elmi-kütləvi iş şöbəsi tərəfindən təşkil olunub.

 

Tədbirdə YAP Səbail rayon təşkilatının Aparat rəhbəri Zəfər Bayramov, YAP Səbail rayon təşkilatının sədr müavini Əhliman Qarayev, “20 Yanvar Cəmiyyəti”nin nümayəndəsi, 20 yanvar hadisələrinin şahidi Akif Nəsirov, Ombudsman Təşkilatının Azərbaycan Uşaq və Gənclərin Sülh Şəbəkəsinin üzvləri, 2 saylı Texniki-Humanitar Elmlər Liseyinin və 7 saylı tam orta məktəbin şagirdləri, KİV nümayəndələri iştirak ediblər. Azərbaycan Respublikasının Dövlət Himninin səsləndirilməsindən sonra tədbir açıq elan olundu.

 

Tədbirin keçirilməsində məqsəd 20 yanvar faciəsinin tarixi kökləri haqqında gənclərə məlumat vermək idi. YAP Səbail rayon təşkilatının Aparat rəhbəri Zəfər Bayramov, YAP Səbail rayon təşkilatının sədr müavini Əhliman Qarayev, “20 Yanvar Cəmiyyəti”nin nümayəndəsi, 20 yanvar hadisələrinin şahidi Akif Nəsirov çıxış edərək, bildirdilər ki, 20 yanvar faciəsinin kökü Rusiya imperiyası tərəfindən Azərbaycanın işğalı ilə başlamışdır. Lakin Azərbaycan xalqı daim işğala qarşı mübarizə aparmışdır. 20 yanvar hadisəsi də xalqımızın qəhrəmanlıq salnaməsidir. Bu faciəyə ilk siyasi-hüquqi qiyməti Ulu Öndər Heydər Əliyev vermiş, SSRİ hakimiyyətinin cinayətkar əməllərini ifşa etmişdir. Həmçinin, Ümummilli Liderimiz qanlı 20 yanvar hadisələrinə etiraz olaraq, Kommunist Partiyasının üzvlüyündən imtina etmiş, ən ağır günlərində xalqımızın müdafiəsində durmuşdur. Azərbaycan xalqı SSRİ hakimiyyətinə inandığı üçün 20 yanvarda Sovet Ordusunun qarşısına əliyalın çıxdı. Amansızlıqla qətl edilsələr də, bu hadisə xalqımızın azadlıq mübarizəsini qıra bilmədi. 1990-cı il yanvarın 19-dan 20-nə keçən gecə Bakıda və Azərbaycanın bir sıra rayonlarında yüzlərlə dinc insanın ölümü ilə nəticələnən qanlı hadisədə SSRİ hakimiyyəti bilavasitə günahkardır. Heydər Əliyev bu faciəvi hadisələrə ilk dəfə öz siyasi mövqeyini ortaya qoymuş, sovet hökumətinin günahını rəsmi şəkildə ifadə etmişdir. 1990-cı il yanvarın 20-si Azərbaycanın tarixinə ən faciəli günlərdən biri, eyni zamanda xalqımızın qəhrəmanlıq səhifəsi kimi daxil olmuşdur. Çıxış edənlərin hər biri gəncləri bu tarixi hadisələrdən ibrət almağa səsləyərək, dövlətimizin ətrafında sıx birləşməyə çağırdı. Çünki, dövlətimizin gələcəyi bu gənclərdən asılıdır.

Sonda 2 saylı Texniki-Humanitar Elmlər Liseyinin şagirdləri şəhidlərin xatirəsinə həsr olunmuş şeirlər səsləndiriblər. 7 saylı tam orta məktəbin şagirdi Həsən Hüseynov isə “Ya Qarabağ, ya ölüm!” adlı mahnı ifa edib. Qeyd edək ki, Milli Azərbaycan Tarixi Muzeyi tərəfindən 20 yanvar hadisələri ilə bağlı tarixi əşyaların toplanması işi həyata keçirilir. Belə ki, o qanlı olayları əyani şəkildə nümayiş etdirən fotoşəkillər, sənədlər, şəhidlərin şəxsi əşyaları əhalidən toplanaraq Muzeyin fondlarında qorunur. Bunlar qəhrəmanlıq tariximizin Muzeydə qorunan nümunələridir.

 

Tədbirdə 20 yanvar faciəsini əks etdirən rəsm əsərləri də nümayiş etdirilib.

 

Ayəndə Dadaşova
Versus.Az

Xəbər lenti

InvestAZ

Ən çox oxunan xəbərlər

İsmayıllının Basqal kəndində uyuyan ŞƏHİD

İki hərəkat arasında ilkin razılıq əldə edilib

“Yerlə yeksan edəcəklər ki, Azərbaycana qalmasın” - MÜSAHİBƏ

AVMVİB-in təsis etdiyi xatirə medalı Şəhidin anasına təqdim edildi

Elmi adların və dərəcələrin verilməsi prosedurları sadələşdirildi

Deputat türk dünyası şairləri, yazar və aydınlarına çağırış edib

AVMVİB və 713-cü batalyonun döyüşçüləri Qurtuluş Günündə

Qənirə Paşayeva Milli Qurtuluş günü ilə bağlı geniş məruzə edib

“Şəhid ailələrindən şəxsi mənafeyi üçün istifadə edənlər var”

Bakı Beynəlxalq Qadınlar Klubunun 25 illik yubileyi keçirilib

Azərbaycana qızıl hərflərlə yazılan tarix- 15 iyun

 

"Vətənə oğul olanlar" - FİLM

Aprel şəhidinin xatirəsinə həsr olunan sənədli film - TƏQDİMAT

Avronun üzərinə Rəsulzadənin şəkli vuruldu

Münasibətlərdə istismar olunmaq