Yeddi vaqonluq qatarlar xəttə buraxıldı

12:26 02-11-2022 | icon 213 | Sosial
Yeddi vaqonluq qatarlar xəttə buraxıldı

“Bakı Metropoliteni” QSC-nin “bənövşəyi xətt”ində - “Xocəsən-8 Noyabr” sahəsinin hər iki yolunda yeddi vaqonluq qatarlar istismara buraxılıb.

 

Bu barədə Versus.Az-a qurumun mətbuat xidmətindən məlumat verilib.

 

Xatırladaq ki, metronun inşa olunan xətlərində sərnişin platformaları yeddi vaqonluq qatarların hərəkətinə hesablanıb. 2016-cı ildə istismara verilən “bənövşəyi xət”də cəmi iki stansiya olduğundan 5 vaqonluq qatarların hərəkəti münasib bilinib. Hazırda 3 stansiyası istismarda olan xəttin yaxın gələcəkdə elektrik deposu və daha bir stansiyası istifadəyə veriləcək. Bu səbəbdən texniki tələblərə uyğun qaydada yeddi vaqonluq hərəkət parametrlərinə keçilib. Həmçinin “bənövşəyi xət”də yeddi vaqondan ibarət qatarların hərəkəti üçün yeni tipli müasir idarəetmə sistemləri qurulur. Bununla əlaqədar avqustun 31-dən xəttin istismara hazırlanan sahəsində qatarların hərəkətinin işarəvermə sistemlərinə uzlaşdırılmasına başlanılıb. Qısa müddətdə işlər müvəffəqiyyətlə tamamlanıb.

 

Sentyabrın 15-də İşçi komissiyanın yoxlamaları nəticəsində yeddi vaqonluq qatar tərkiblərinin normativ-texniki sənədlərin tələblərinə uyğun istismarını təmin edən tədbirlər planı təsdiq olunub. Bununla bağlı Depolar üzrə iş departamenti formalaşdırılan yeddi vaqonluq qatarlarda texniki tənzimləmələr aparıb. Qatarların hərəkət təhlükəsizliyi üzrə baş müfəttişlik, Hərəkət qatarlarının istismarı üzrə iş departamenti, Mərkəzləşdirilmiş dispetçer və Hərəkət xidmətlərinin iştirakı ilə baxış-yoxlama və sınaq xarakterli tədbirlər görülüb. Xətdə sınaq yürüşlərindən sonra, oktyabr ayının 12-dən beş vaqonluq qatarlara daha iki vaqonun əlavə olunması ilə yeddivaqonlu hərəkət tərkiblərinin formalaşdırılmasına və onların “bənövşəyi xət”də sərnişindaşıma prosesinə cəlb edilməsinə icazə verilib.

 

Buna uyğun olaraq, Mərkəzləşdirilmiş dispetçer xidməti yeddi vaqonluq qatarların qış mövsümünə uyğun hərəkət qrafikini hazırlamağa başlayıb. Həmin qatarların xətdə sınaqları saat 22:00-dan başlayaraq, Xocəsən qəsəbəsində inşa edilmiş yerüstü stansiyadan dövr etməklə təmin olunub. Aparılmış uğurlu sınaqlara əsasən yeddi vaqonluq qatarlar mərhələli şəkildə sərnişindaşıma prosesinə cəlb edilib. Hazırda xəttin bütün qatarları yeddi vaqonlu olmaqla sərnişindaşıma prosesindədir.

Xəbər lenti

InvestAZ

Ən çox oxunan xəbərlər

Vahid Hacıyev QDF-in donorları ilə görüşüb

Ağız yaralarından qurtulmaq MÜMKÜNDÜR

Fuad Əliyevdən QƏTİ ETİRAZ

"Amma ermənilər Şuşaya, Kəlbəcərə atəş açanda ruslar susurlar"

"Şükür ki, Azərbaycan tərəfindən sülhməramlıların mandatı imzalanmayıb"

"Müddət 5 ildən artıq uzadılsa, onların daha ağır düşmən hərəkətlərini görə bilərik"

“Azadlıq fədaisi”nin növbəti mükafatçısı - SORĞUYA START

“Azərbaycan düşmənin layiqli cavabını vermək gücünü özündə saxlayır”

"Rusiyanın da, Ermənistanın da müdaxilələrini sıfırlamalıdır"

"Bu gün Ermənistan narahat olmalıdır"

Gələn il yeni təqaüd təsis ediləcək

İrandan “Bakıya Xəzərdən hücum” MESAJI

"Laçında bərpa işləri sürətlə davam edir"

Erməni silahlılar Qarabağdakı mövqelərimizi atəşə tutdular

“Madrigal” Bakıya gəlir