“Xarıbülbülün vətəni - Şuşa” - SƏRGİ

11:29 03-11-2022 | icon 204 | Cəmiyyət
“Xarıbülbülün vətəni - Şuşa” - SƏRGİ

Milli Azərbaycan Tarixi Muzeyində “Xarıbülbülün vətəni- Şuşa” adlı sərginin açılış mərasimi keçirilib.

 

Versus.Az xəbər verir ki, Milli Məclisin (MM) deputatı Sevil Mikayılova, Azərbaycan Milli Elmlər Akademiyasının (AMEA) prezidenti, akademik İsa Həbibbəyli, Azərbaycan Milli İncəsənət Muzeyinin direktoru, Əməkdar İncəsənət Xadimi Çingiz Fərzəliyev, Azərbaycan Mədəniyyət Nazirliyinin nümayəndələri, ictimaiyyət, elm və mədəniyyət nümayəndələrinin iştirak etdikləri tədbirdə Milli Azərbaycan Tarixi Muzeyinin baş direktoru, akademik Nailə Vəlixanlı 44 günlük Vətən Müharibəsində qazanılan Qələbənin Azərbaycan tarixinə qızıl hərflərlə yazıldığını qeyd edərək, ölkəmizdə 2022-ci ilin “Şuşa İli” elan edilməsi haqqında Azərbaycan Respublikasının Prezidenti İlham Əliyevin Sərəncamına uyğun olaraq, Milli Azərbaycan Tarixi Muzeyində Şuşa şəhərinin tarix və mədəniyyətinin təqdim edilməsi ilə bağlı silsilə tədbir və sərgilərin keçirildiyi haqqda məlumat verib.

 

Nailə xanım sərgilərdən biri də hazırda açılacaq “Xarıbülbülün vətəni- Şuşa” adlı sərgini nümunə gətirdi. Akademik muzey tərəfindən Qarabağa həsr olunmuş tədbirlərin mütəmadi olaraq, keçirildiyini xüsusi vurğulayıb.

 

Nailə Vəlixanlı sərginin ərsəyə gəlməsində muzey əməkdaşlarına, xüsusilə sərginin kuratoru, muzeyin Elmi ekspozisiya və sərgilərin təşkili şöbəsinin müdiri, t.ü.f.d., dosent Səbuhi Əhmədova xüsusi təşəkkürünü bildirib.

 

Sonra AMEA-nın prezidenti İsa Həbibbəyli çıxış edərək, Milli Azərbaycan Tarixi Muzeyində keçirilən sərgilərin, tədbirlərin xüsusi əhəmiyyətə malik olduğunu qeyd etdi. Akademik vurğuladı ki, bu sərgi Şuşaya aid maddi-mədəniyyət nümunələrimizin ziyarətçilərdə tariximizin və mədəniyyətimizin bu günədək keçdiyi inkişaf yolu barədə ətraflı təsəvvür formalaşdırmasına imkan verəcək.

 

İ.Həbibbəyli sonda sərginin təşkil olunmasında əməyi keçənlərə öz minnətdarlığını bildirdi. AMEA-nın prezidenti qeyd etdi ki, “Şuşa şəhəri ili” çərçivəsində elm, təhsil və mədəniyyət ocaqları tərəfindən Şuşa şəhəri ilə bağlı çoxsaylı tədbirlər keçirilmişdir və xatırlatdı ki, Azərbaycanın mədəniyyət paytaxtı elan edilən Şuşa 2023-cü ildə də “Türk dünyasının mədəniyyət paytaxtı” elan edilib.

 

Sonra qonaqlar sərgi ilə tanış olublar. Layihənin kuratoru, elmi ekspozisiya və sərgilərin təşkili şöbəsinin müdiri, tarix üzrə fəlsəfə doktoru, dosent Səbuhi Əhmədov “Xarıbülbülün vətəni – Şuşa” sərgisində nümayiş etdirilən eksponatlardan ətraflı danışıb.

 

Sərgidə Şuşa qalasının XIX əsrə aid gümüş açarları, Qarabağ xanlığının sikkələri, şəhərin məşhur xadimlərin əşyaları, etnoqrafiya nümunələri, qızıl, gümüş zinət əşyaları, ticarət və sənətkarlıq həyatını əks etdirən materiallar nümayiş olunur. Burada həmçinin, şəhərin sovet və eləcə də işğal dövründə - I Qarabağ müharibəsi zamanı Şuşa şəhərinin qəhrəmancasına müdafiəsini, 44 günlük Vətən müharibəsində işğaldan azad edilməsini əks etdirən materialları və Şuşa şəhərinin azad edilməsində şəhid olmuş əsgərlərin şəxsi əşyalarını görmək olar.

 

 

Ayəndə Dadaşova
Versus.Az

Xəbər lenti

InvestAZ

Ən çox oxunan xəbərlər

7 yaşında “Bu torpağın yolunda Torpağa dönmək gərək” şerini söylədi, 19 yaşında torpağa dönüb, Vətən oldu...

"Üzvlərin sayı partiyanın fəaliyyətinə təsir etməməlidir"

"İllər boyu İsraillə bağlı dediklərim bu gün gerçəkləşdi"

Məmur həbsləri GÖZLƏNİLİR

Bu xəstəlik bəzən əlamətsiz də başlaya bilər

Paşinyanın “Çərçivə sazişi”, yoxsa sülhü pozma cəhdi

Diaspor Komitəsindən dünya azərbaycanlılarına MÜRACİƏT

“Orion” Ay ətrafında dövr etdi

6 il sonra Bakıda konsert verdi

Avropada daha bir müharibə - TƏHLİL

Rusiya çökür... Naxçıvan blokadadan çıxır... - VİDEO

Bakıya 12 metrlik avtobuslar gətirildi

Siyasi partiyalardan qanunun yeni redaksiyasına VS münasibət

 

Sağlamlıq məhdudiyyətli şəxslərin əl işləri sərgiləndi

Müharibə yenidən başlayır?