“Qoşulmama Hərəkatı Gənclərinin Mədəniyyət Forumu” keçirildi

10:46 16-11-2022 | icon 103 | Təhsil
“Qoşulmama Hərəkatı Gənclərinin Mədəniyyət Forumu” keçirildi

15 noyabr 2022-ci il tarixində Qoşulmama Hərəkatı Gənclər Təşkilatının Azərbaycan Milli bölməsinin təşəbbüsü ilə Beynəlxalq Tolerantlıq Gününə həsr olunmuş tədbir keçirilib.

 

“Qoşulmama Hərəkatı Gənclərinin Mədəniyyət Forumu” adlanan tədbir Qoşulmama Hərəkatı Gənclər Təşkilatının müxtəlif üzv ölkələrindəki nümayəndələrin, habelə milli bölmə olan Azərbaycan Respublikası Gənclər Təşkilatları Milli Şurasının (NAYORA) üzvü olan gənclərin iştirakı ilə ADA Universitetində baş tutub.

 

Tədbir Qoşulmama Hərəkatı Gənclər Təşkilatının sədri Orduxan Qəhrəmanzadənin açılış nitqi ilə başlayıb.

Daha sonra çıxış edən NAYORA-nın baş katibi Ramin Həbibzadə milli bölmənin bu günə qədərki fəaliyyətindən bəhs edib. Ardınca Qana, Misir, Zimbabve, Malavi, Cənubi Afrika kimi ondan çox Qoşulmama Hərəkatının milli bölmələrindən olan təmsilçilər öz mədəniyyətlərini əks etdirən təqdimatlar nümayiş etdirib, ölkələrinin tarix və mədəniyyətlərinin unikal simvolları ilə iştirakçıları tanış ediblər. Forum çərçivəsində rəsmi hissə müxtəlif xalqların milli rəqs və musiqilərinin ifa olunduğu proqram ilə davam edib.

 

Beynəlxalq Tolerantlıq Gününün beynəlxalq səviyyədə qeyd olunmasının zəruriliyini vurğulamaq məqsədi ilə forum hibrid formatda baş tutub. Foruma Qoşulmama Hərəkatına üzv olan ölkələrdən 100-dən çox gənc qatılıb. “Qoşulmama Hərəkatına üzv ölkələrdə tolerantlıq və multikulturalizm” mövzusunda baş tutan forum gənclər arasında tolerantlıq prinsiplərinin vacibliyi ilə bağlı məlumatlılığı artırmaq və mədəni müxtəlifliyi təbliğ etmək məqsədi daşıyıb. Eyni zamanda, Qoşulmama Hərəkatı Gənclər Təşkilatının mahiyyətini əks etdirən Qoşulmama Hərəkatına daxil olan ölkələrin gənclərinin arasında mədəni əlaqələr qurmaq və mövcud əlaqələri möhkəmləndirmək kimi bir sıra hədəflər də forumda öz əksini tapıb.

 

Qeyd edək ki, Azərbaycan Respublikasının Prezidenti İlham Əliyevin rəhbərliyi altında ölkəmizin Hərəkata sədrliyi dövründə irəli sürülən təşəbbüslərdən biri olan QH Gənclər Təşkilatının təsis olunması Qoşulmama Hərəkatının institusional inkişafı üçün atılmış vacib addımlardan biridir. Bir illik fəaliyyəti dövründə Gənclər Təşkilatı Qoşulmama Hərəkatına üzv ölkələrin gəncləri üçün aparıcı beynəlxalq platformalardan birinə çevrilmə istiqamətində qətiyyətli addımlar atıb.

 

Xəbər lenti

InvestAZ

Ən çox oxunan xəbərlər

Vahid Hacıyev QDF-in donorları ilə görüşüb

Ağız yaralarından qurtulmaq MÜMKÜNDÜR

Fuad Əliyevdən QƏTİ ETİRAZ

“Azadlıq fədaisi”nin növbəti mükafatçısı - SORĞUYA START

“Azərbaycan düşmənin layiqli cavabını vermək gücünü özündə saxlayır”

"Bu gün Ermənistan narahat olmalıdır"

Gələn il yeni təqaüd təsis ediləcək

İrandan “Bakıya Xəzərdən hücum” MESAJI

"Laçında bərpa işləri sürətlə davam edir"

Erməni silahlılar Qarabağdakı mövqelərimizi atəşə tutdular

“Madrigal” Bakıya gəlir

 

Brüssel görüşündən imtina... -siyasilərdən birmənalı mövqe

Kəlbəcər, Laçın və Ağdamdakı mövqelərimiz ATƏŞƏ TUTULUB

DTX Naxçıvanda daha bir qurumda əməliyyata başladı

Şuşa könüllüləri Şuşa üçün hazırlaşırlar