Millət vəkili Avropanı terrora dəstək verən siyasətçiləri dəstəkləməməyə çağırıb

22:49 25-01-2019 | icon 143 | Siyasət
Millət vəkili Avropanı terrora dəstək verən siyasətçiləri dəstəkləməməyə çağırıb

 

Qənirə Paşayeva: “Müxalifət də demokratiya, insan haqları və qanunun aliliyi prinsiplərinə riayət etməlidir”

 

 

AŞPA-da “Türkiyədə müxalifətçi siyasətçilərin vəziyyətinin pisləşməsi: onların əsas hüquqlarının qorunması üçün Avropa Şurasında nə etməli” adlı qətnamə layihəsi müzakirə edilib.

 

Versus.Az-ın məlumatına görə, müzakirəsi zamanı Azad Demokratlar Qrupu adına qrupun vitse-prezidenti, millət vəkili Qənirə Paşayeva çıxış edib və Avropanı terror dəstək verən siyasətçiləri qorumamağa çağırıb.

 

Plüralist demokratik cəmiyyətlərdə müxalifətin həyati əhəmiyyətli rol oynadığını deyən millət vəkili bildirib ki, onlar milli idarəetməni yaxşılaşdırmaq məqsədilə hakimiyyətdə olan siyasi partiyanı tənqid edirlər:

 

“Onların rolu mühümdür, belə ki müxalifətsiz demokratiyanı təsəvvür etmək mümkün deyil. Buna baxmayaraq müxalifət də demokratiya, insan haqları və qanunun aliliyi prinsiplərinə riayət etməlidir. Bu əsas prinsiplərə hörmət etməyən istənilən müxalifət demokratiyanın fəaliyyətinə aradan qaldırıla bilinməyən zərər vurur. Türkiyə məsələsinə gəlincə, müxalifətin bir sıra üzvləri demokratiya qaydalarına uyğun fəaliyyət göstərmirlər. Qətnamə layihəsi terrorizmlə bağlı hüquq pozuntularına görə təqsirləndirilən HDP siyasətçilərinə istinad edir. Onların milli məhkəmə orqanlarına apellyasiya vermək hüququna heç bir maneə törədilmir. Nəticə etibarilə demək mümkündür ki, onlar qanuni hüquqlarından maneəsiz istifadə edə bilərlər. Müxalifətçi siyasətçi olmaq terrorizmlə bağlı cinayətlərdə de fakto toxunulmazlıq hüququ verirmi? Bu qurumunun, AŞPA-nın üzvləri olaraq mən inanıram ki, heç kim bu suala müsbət cavab verə bilməyəcək. Siyasətçi olmaq terrorizmə təhrik etmək və beynəlxalq terror təşkilatları üçün təbliğat aparmaq üçün kart-blanş vermir. AŞPA müxalifətçi siyasətçilərə qarşı məhkəmə proseslərinə necə münasibət göstərməlidir? Müxalifətin müdafiəsi ilə terrorizmin dəstəklənməməsi arasında həssas tarazlıq tapılmalıdır. Buna baxmayaraq bu hesabat bu cür tarazlığı yaratmağa cəhd göstərmir. Bu hesabatda təkcə məhkəmə prosesləri ilə bağlı faktlara məhəl qoyulmur, həm də Türkiyə ilə münasibətdə konstruktiv yanaşma da yoxdur. Azad Demokratlar Qrupu olaraq, biz müxalifətin demokratik cəmiyyətlərdə oynadığı həyati əhəmiyyətli rol faktını tamamilə dərk edirik. Buna baxmayaraq üzv dövlətlərdə demokratiyanın güclənməsi terrorizmlə bağlı ittihamlara qarşı "gözü kor" anlamını verməməlidir. Biz başqa üzvləri də bu məsələyə eyni bucaqdan yanaşmağa dəvət edirik”.

Xəbər lenti

InvestAZ

Ən çox oxunan xəbərlər

15 yaşında Şəhadətə yüksəlmiş Tiqanamız

QHT LAYİHƏYƏ START VERDİ

DƏRD AĞACINDAN ASILI QALAN ŞƏHİD ARZULARI

Müalicəsiz buraxılmış bu xəstəlik çox ağır fəsadlar verə bilər

AXH: Hakimiyyətdən bu cür siyasətinə son qoymasını tələb edirik

Qan testi ilə ölüm tarixini öyrənmək mümkün olacaq

Jurnalistin qardaşının evi yenə qarət edildi

"Mərhum anidən dirildi, yoxsa diri-diri dəfn edəcəkdik" - MÜSAHİBƏ

Bakı-Naxçıvan-Bakı marşrutu ilə sərhədkeçmə prosesi asanlaşdı

Dövlət komitəsi Məhərrəmlik ayı ilə bağlı müraciət etdi

"Bu gün sizlərin yarıtmaz siyasəti xalqı hər gün yeni qəzalar keçirməyə vadar edir"

23 avqust - Cəbrayıl və Füzuli rayonlarının işğal olunduğu gündür

Yuxusuzluğun ölümcül təhlükəsi aşkarlanıb

"Bəzən buna görə jurnalistləri ittiham edirlər"

Ali məktəblərin boş qalan plan yerlərinə və kolleclərə qəbulun nəticələri açıqlanıb