Məşhur partizanın yubileyinə həsr olunmuş SƏRGİ

15:55 27-12-2022 | icon 382 | Cəmiyyət
Məşhur partizanın yubileyinə həsr olunmuş SƏRGİ

Dekabrın 27-də Milli Azərbaycan Tarixi Muzeyinin təşkilatçılığı ilə muzeydə İkinci Dünya müharibəsi zamanı İtaliya Müqavimət hərəkatının fəal iştirakçısı, Pistoya şəhərinin fəxri vətəndaşı, azərbaycanlı partizan Məmməd Bağırovun 100 illik yubileyinə həsr olunmuş sərginin açılış mərasimi keçirildi.

 

Tədbiri giriş sözü ilə açan Milli Azərbaycan Tarixi Muzeyinin baş direktoru, akademik Nailə Vəlixanlı tədbirin əhəmiyyəti haqqında çıxış etdi. Akademik Nailə Vəlixanlı muzeydə Böyük Vətən Müharibəsi illərinin hərb tarixini əks etdirən çox dəyərli eksponatların mühafizə olunduğunu və həmin eksponatların mütəmadi olaraq sərgiləndiyini xüsusi vurğuladı. Həmçinin, N.Vəlixanlı qeyd etdi ki, partizan Məmməd Bağırova məxsus muzeydə qorunan və hazırda nümayiş olunan bu dəyərli materiallar tarixi yaddaşımızın güzgüsüdür. Bu baxımdan Azərbaycanın tarixi qəhrəmanlıq səhifələrini təbliğ edən Milli Azərbaycan Tarixi Muzeyi gələcək nəsillərə ötürmək məqsədilə muzeyin fondlarında mühafizə olunan zəngin materialları mütəmadi sərgilər keçirməklə tədqiq və təbliğ edir.

 

Sonra Muzeyin Azərbaycan tarixinin elmi tədqiqi və təqdimi şöbəsinin aparıcı elmi işçisi, t.ü.f.d., dosent Bəhman Kərimov, Fəlsəfə və Sosiologiya İnstitutunun böyük elmi işçisi, sosioloq, fəlsəfə üzrə fəlsəfə doktoru, tədqiqatçı İlham Abbasov, Muzeyin Vətən Müharibəsi fondunun müdiri Şəfa Mövsümov, Partizan Məmməd Bağırovun nəvəsi, Vətən Müharibəsi qazisi, baş leytenant Murad Əfəndiyev Məmməd Bağırovun İkinci Dünya müharibəsi dövründə partizan hərəkatında göstərdiyi misilsiz şücaəti, qəhrəmanlığı haqqında ətraflı çıxış etdilər.

 

Tədbirin sonunda qonaqlar Məmməd Bağırova həsr olunmuş sərgi ilə tanış oldular və xatirə fotosu çəkildi.

 

Qeyd edək ki, sərginin kuratoru, muzeyin Beynəlxalq Əlaqələr və İctimaiyyətlə iş şöbəsinin müdiri Emin Dadaşovdur.

 

 

Ayəndə Dadaşova
Versus.Az

Xəbər lenti

InvestAZ

Ən çox oxunan xəbərlər

İran cəsusları və onların himayədarları

ALDP başqa partiya ilə birləşmək istəmir

LİMFA DÜYÜNLƏRİ haqqında bilmədiklərimiz

Türkiyənin məşhurları “Prestij meselesi”ndə 

Gözlənilən əfvdə kimlər amnistiyaya düşəcəklər?

Kütləvi təqaüdə qeydiyyat başlandı

"Ya maliyyə alır, ya da onun ideoloji təsirinə düşüb”

“Qırmızı çizgiləri aşan İran oldu” - MÜSAHİBƏ

Qara, uzun saçlar - Elçin vəsf etdi

“Media Reystrinin bu prosesi tənzimləməsi mümkün deyil"

Dövlət qulluğunda çalışan gənclərin sayı ARTIRILACAQ

Siyəzən polisindən ƏMƏLİYYAT

"Qərbi Azərbaycana qayıdacağıq" - MÜSAHİBƏ

Bakının mövqeyi, tələbləri dəyişməyib

Tələbəmiz “Linux” əməliyyat sistemində iki kritik xəta aşkarlayıb