Məcburi köçkünlərin yaşadıqları evlərə “kupça” verilir?

14:39 10-01-2023 | icon 232 | Cəmiyyət
Məcburi köçkünlərin yaşadıqları evlərə “kupça” verilir?

Elman Məmmədov: "Onların Bakıda yaşadıqları evlərə iddia etmələri ədalətsizlikdir"

 

“Bu kimi təkliflər var. Onlardan birini də Aqil Abbas səsləndirib. Kimsə də başqa təkliflər verə bilər. Ancaq bu necə olacaq, nə yolla həyata keçiriləcək - bu, dövlət başçısı tərəfindən müəyyənləşdirilir və dövlət proqramı ilə həyata keçirilir”. 

 

Versus.Az xəbər verir ki, bu sözləri açıqlamasında Milli Məclisin Xocalıdan olan deputatı Elman Məmmədov deyib. 

 

O, millət vəkili Aqil Abbasın “dövlət məcburi köçkünlərə verdiyi evlərə çıxarış versin ki, onlar da həmin evi satıb Qarabağda özlərinə ev tikə bilsinlər” təklifinə münasibət bildirib.

 

Çıxarışların verilməsi məsələsinə toxunan E.Məmmədov əlavə edib:

 

“O ki qaldı çıxarış məsələsinə, Ermənistandan ev-eşiklərindən qovulub, qaçqın vəziyyətinə düşmüş insanlar ki var, vaxtilə dövlət onlara müəyyən yerlərdə evlər tikib verdi. Sonra isə onların qaçqın statusu dayandırılanda dövlət tərəfindən onlara tikilən evlərin çıxarışları verildi və həmin evlər artıq onların mülkü oldu. Bu, yalnız qaçqınlarla bağlı oldu. 

Ancaq indi söhbət məcburi köçkünlərdən gedir. İndi burada vəziyyət necə olacaq, artıq bu, dövlət proqramıyla həyata keçiriləcək. Ötən il Zəngilanın İkinci Ağalı kəndinə köçürmə oldu. İndi Ağalıya köçürülənlərə dövlət Bakıda və Sumqayıtda evlər vermişdisə, artıq Qarabağa köçürülən əhali o evlərin iddiasını etmədi və onlara çıxarışlar verilmədi. Çünki dövlət onun burada yaşadığı evin əvəzinə daha yaxşısını tikib öz yurd-yuvasında verdi. Hazırda dövlət tərəfindən yüzminlərlə bu kimi evlər tikilib ki, məcburi köçkünlərimiz məskunlaşdırılsınlar. Məcburi köçkünlər də öz doğma yurd-yuvalarına qayıdanda həmin evlər məcburi köçkünlərin əmlakında qalıb-qalmayacaq, evlər təhvil verilib-verilməyəcək, artıq bunu dövlət müəyyən edir. Bu, mənim və yaxud başqalarının təklifi ilə olan məsələlər deyil”.

 

O, Qarabağa köçürüləcək məcbur köçkünlərin Bakıda yaşadıqları evlərə iddia etmələrini ədalətsizlik sayıb:

 

“Mən də məcburi köçkünəm. Məsələn, dövlət öz hesabına mənə ev tikib verib. Bu, dövlətin əmlakıdır. Əgər dövlət yenidən məni öz doğma torpağıma qaytararaq, orada ev tikib məni oraya köçürürsə, artıq bu, mənim tərəfimdən ədalətsizlik olar ki, mən buradakı evin də iddiasını edim.

Qoy buradakı ev də mənzilə ehtiyacı olan başqa insanlara verilsin. Mən belə düşünürəm. Nəyə görə iki yerdə dövlət tərəfindən tikilən evlərə sahiblik iddiasında olmalıyıq? Əgər dövlət məni Xocalıya qaytaracaqsa, eləcə də mənim oradakı evim tikilib bərpa ediləndən sonra məni oraya köçürəcəksə, mən niyə Bakıda dövlət tərəfindən verilən evin iddiasını etməliyəm?” /Yenisabah.az/

Xəbər lenti

InvestAZ

Ən çox oxunan xəbərlər

Dövlət-vərtəndaş münasibətləri ZƏDƏLƏNİR

Deputatın SAXTA SEÇKİ ETİRAFI

Partiyaların 5000 üzv həyacanı - VİDEO

Deputat qurumları tənqid etdi

UNEC-də imtahan sessiyaları ləğv oluna bilər

Əhaliyə qriplə bağlı ÇAĞIRIŞ

Aygünün beş obrazı

Qarabağ xanı Mehdiqulu xana məxsus bayrağın sapı bərpadan sonra

 Siyasilər aksiyaya qatılmalıdırlarmı?

“Azərbaycan rəsmi İrandan dəqiq, aydın, məntiqli izahat tələb edir”

Heydər Əliyevin 100 illiyi ilə bağlı əfv sərəncamı İMZALANACAQ

Qarabağ xanına məxsus bayraq bərpa olunub

Azərbaycana gələn əcnəbilərin viza alması üçün PORTAL

Daşaltı əməliyyatının 31-ci ili

Məhkəmədə etiraf