“Mənim Qarabağım və ya Qarabağ düyünü” - TƏQDİMAT

15:20 10-01-2023 | icon 250 | Cəmiyyət
“Mənim Qarabağım və ya Qarabağ düyünü” - TƏQDİMAT

Yunus Əmrə İnstitutunun Bakı nümayəndəliyində Xəzər Universitetinin rektoru Hamlet İsaxanlının 75 illik yubileyi və “Mənim Qarabağım və ya Qarabağ düyünü” adlı kitabının təqdimat mərasimi olub. Tədbirdə ölkədə fəaliyyət göstərən ali təhsil olacaqlarından rektor və müəllim heyəti, tələbələr, media mənsubları iştirak ediblər.

 

“Hamlet İsaxanlı ali məktəb qurucusu kimi Azərbaycanda mütəxəssis yetişdirmə və təhsil sahəsində mühüm xidmətləri olan şəxsiyyətlərdəndir. Elə insanlar var ki, onların varlıq səbəbi yalnız bəşəriyyətə xidmət etmək, yəni insan yetişdirməkdir”. Bu fikirləri Yunus Əmrə İnstitutunun Bakı nümayəndəliyinin direktoru Səlçuk Karakılıç səsləndirib. Onun sözlərinə görə qəlbində dərin insan sevgisi olan bu cür yaradıcı insanlar sırf “qurmaq və etmək” üçün dünyaya gəlirlər. “Onların daxili aləmində dağıntı və pozuntu, ədəbiyyatlarında mənfi düşüncə və ya neqativlik yoxdur, əksinə, belə ziyalılar müsbət düşünməklə və çətin rejimdə belə günəşin yenidən doğulacağına inanmaqla insanlarda böyük inam yaradırlar”.

 

Hamlet İsaxanlı tədbirin təşkilatçısı olan Yunus Əmrə İnstitutunun Bakı nümayəndəliyinə təşəkkürünü bildirib. O, ərsəyə gətirdiyi “Mənim Qarabağım və ya Qarabağ düyünü” kitabından da danışıb. H.İsaxanlının sözlərinə görə müəllifi olduğu yeni nəşrdə Azərbaycan və erməni xalqları, Azərbaycan və Ermənistan arasında münasibətlərin tarixi, xüsusilə son dövrlərdə baş verənlər yer alıb. Kitabda yazar öz müşahidələrinə əsaslanıb. O, Azərbaycan və erməni xalqlarının həyatı və qayğıları barədə hər iki dövlətin ədəbiyyat və mətbuatında yazılanlardan qənaətlənərək, indiki vəziyyətdə “nə etməli, gələcəyimiz necə ola bilər” suallarına cavab tapmağa çalışıb. “Çıxılmaz vəziyyət, açılmaz düyün necə əmələ gəldi? Düyünü necə açmaq olar? Bu və buna bənzər suallar, həmçinin 2020-ci ilin payızında baş verən İkinci Qarabağ savaşı ətrafında düşüncələr məni bu yazı üzərində işləməyə çağırdı”-deyə, Hamlet İsaxanlı bildirib.

 

Tədbirdə çıxış edənlər H.İsaxanlının yaratdığı ali məktəbin peşəkar mütəxəssis yetişdirməsindən, onun yazdığı əsərlərdən söz açıblar. Yubilyarın fərqli və dəyərli, yüksək intellekt və dünyagörüşünə sahib olduğunu vurğulayıbar. Hamlet İsaxanlını orijinal və qeyri-adi bir ziyalı kimi, qəlbi mərhəmət və elm müdrikliyi ilə dolu olan, “Azərbaycanın əfsanəvi portreti” adlandırıblar.

 

Sonda müəllif “Mənim Qarabağım və ya Qarabağ düyünü” adlı kitabını tədbir iştirakçılarına imzalayaraq təqdim edib.

Xəbər lenti

InvestAZ

Ən çox oxunan xəbərlər

İran cəsusları və onların himayədarları

ALDP başqa partiya ilə birləşmək istəmir

LİMFA DÜYÜNLƏRİ haqqında bilmədiklərimiz

Türkiyənin məşhurları “Prestij meselesi”ndə 

Gözlənilən əfvdə kimlər amnistiyaya düşəcəklər?

Kütləvi təqaüdə qeydiyyat başlandı

"Ya maliyyə alır, ya da onun ideoloji təsirinə düşüb”

“Qırmızı çizgiləri aşan İran oldu” - MÜSAHİBƏ

Qara, uzun saçlar - Elçin vəsf etdi

“Media Reystrinin bu prosesi tənzimləməsi mümkün deyil"

Dövlət qulluğunda çalışan gənclərin sayı ARTIRILACAQ

Siyəzən polisindən ƏMƏLİYYAT

"Qərbi Azərbaycana qayıdacağıq" - MÜSAHİBƏ

Bakının mövqeyi, tələbləri dəyişməyib

Tələbəmiz “Linux” əməliyyat sistemində iki kritik xəta aşkarlayıb