Türkiyədəki zəlzələ YYP-nın müzakirəsində

12:51 16-02-2023 | icon 143 | Siyasət
Türkiyədəki zəlzələ YYP-nın müzakirəsində

"Belə hadisələrdə vacib davranış qaydaları ilə bağlı təlimatlanmaya ehtiyac var"

 

Yeni Yol Partiyasının (YYP) Mərkəzi Aparatının növbəti iclasında partiyanın sədri Ramil Hüseynov ölkədəki ictimai - siyasi vəziyyətlə bağlı fikirlərini Mərkəzi Aparatın üzvləri ilə bölüşüb.

 
 
Bu barədə Versus.Az-a partiyanın Mətbuat Xidmətindən bildirilib.
 
 
Bildirilir ki, Ramil Hüseynov YYP-ın qarşısında duran vəzifələr haqqında danışıb, təşkilati məsələləri müzakirə edib.
 
 
YYP sədrinin birinci müavini Nurəddin Quliyev təklif edib ki, Mərkəzi Aparat üzvlərinin hər biri rəhbərlik etdiyi sahənin iş planını hazırlayıb növbəti toplantıda rəhbərliyə təqdim etsin.
 
 
Toplantı zamanı eyni zamanda qardaş Türkiyədə baş verən böyükmiqyaslı fəlakətdən və onun fəsadlarına da diqqət çəkilib. Bildirilib ki, Azərbaycan və Türkiyə xalqı hər zaman - istər xoş, istərsə də çətin günlərdə birlik nümayiş etdirib:
 
 
"Bu çətin zamanda da çoxsaylı insan tələfatına səbəb olmuş zəlzələ qurbanlarına dəstək məqsədilə Azərbaycan dövləti və xalqı genişmiqyaslı yardım kampaniyasını həyata keçirir. Aydındır ki, zəlzələnin baş verəcəyi vaxtı müəyyənləşdirmək mümkün olmasa da, onun dağıdıcı təsirini azaltmaq imkanları mövcuddur. Bu günlərdə insanlar yaşadıqları evlərin və binaların zəlzələyə nə dərəcədə dayanıqlı olması ilə bağlı narahatlıq hissi keçirirlər. Ona görə də ölkədəki tikililərin keyfiyyəti və zəlzələyə davamlılığına məsuliyyətli olan dövlət qurumu yəni, Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyi vətəndaşları məlumatlandırmalı, və bundan sonra tikiləcək binaların tikinti normativləri daxilində inşa edildiyinə ciddi nəzarət etməlidir"- deyə, çıxışçılar bildirib.
 
 
Eyni zamanda Türkiyədə baş verən bu zəlzələdən sonra insanlarda yaranmış təşviş hallarının aradan qaldırılması üçün vətəndaşların düzgün maarifləndirilməsi işlərinin aparılması vurğulanıb. Qeyd edilib ki, fövqəladə hallar zamanı davranış qaydaları ilə bağlı təlimatlandırma işlərinin gücləndirilməsi üçün müvafiq tədbirlər görülməlidir.
 
 
SEVDA
Versus.Az

Xəbər lenti

InvestAZ

Ən çox oxunan xəbərlər

 Pensiya yaşı dəyişdiriləcəkmi?

Pensiyalarla bağlı bu şəxslər də SEVİNƏCƏKLƏR

“Ermənistan Espo Konvensiyanı kobud şəkildə pozur”

Dövlət Tibbi-Sosial Ekspertiza və Reabilitasiya Agentliyinin FIRILDAQLARI

Zavod, yoxsa Zəngəzur yolunun üzərində tikilən “divar”?

TƏCİLİ: Böyrəyində problemi olanlar bunu oxusun

“Qərar ver, qol vur: Futbol meydanından ofislərə idarəçilik və liderlik dərsləri”

MHB sədri Emin Əmrullayevlə Sadıq Sadıqova niyə təşəkkür etdi?

Deputatdan “Qaydış günü”nün təsis edilməsi ilə bağlı TƏKLİF

Erməni həyasızlığının pik nöqtəsi

Aərbaycanın İraqdakı səfiri üçüncü dəfə Kərkükü ziyarət edib

Mübarəkdir zəfərin, Rəcəb Tayyib Ərdoğan!

“ABŞ-ın ekologiyaya zərbə vurmaq kimi məqsədi yoxdur”

15-19 yaşlı qızlar arasında qeydə alınan ABORTLAR

Bu ildən Azərbaycan məktəblərində yeni məktəbli FORMALARI